Salmo 69:1-36
Ngadto sa direktor sa Mga Lirio.+ Iya ni David.
69 Luwasa ako, Oh Diyos, kay ang mga tubig nakaabot hangtod sa akong kalag.+
2 Naunlod ako sa halawom nga lapok, diin walay kabarogan.+Nahidangat ako sa halawom nga mga tubig,Ug gibanlas ako sa nagaagos nga sapa.+
3 Gikapoy na ako sa pagtuaw;+Nauga na ang akong tutonlan.Nahalap na ang akong mga mata samtang naghulat sa akong Diyos.+
4 Kadtong mga nagdumot kanako nga walay pasikaranan labi pang daghan kay sa mga buhok sa akong ulo.+Kadtong mga nagpahilom kanako, nga akong mga kaaway sa walay hinungdan, midaghan.+Ang wala nako kuhaa pinaagi sa pagpanulis akong giuli.
5 Oh Diyos, ikaw nahibalo sa akong kabuangan,Ug ang akong pagkasad-an wala matago gikan kanimo.+
6 Oh nga dili unta maulawan silang nagalaom kanimo tungod kanako,+Oh Soberanong Ginoo, Jehova sa mga panon.+Oh nga dili unta mapaubos silang nagapangita kanimo tungod kanako,+Oh Diyos sa Israel.+
7 Kay nag-antos ako sa kaulawan tungod kanimo,+Ang pagkapinaubos nagtabon sa akong nawong.+
8 Alang sa akong mga igsoon ako nahimong usa ka laing tawo,+Ug usa ka langyaw alang sa mga anak sa akong inahan.+
9 Kay ang tumang kasibot alang sa imong balay naglamoy kanako,+Ug nahiagoman ko ang mga pakaulaw niadtong mga nagapakaulaw kanimo.+
10 Ug naghilak ako uban ang pagpuasa sa akong kalag,+Apan nahimo kadtong mga kaulawan alang kanako.+
11 Sa diha nga ang sakong panapton gihimo kong besti,Niana nahimo ako nga usa ka panultihon alang kanila.+
12 Sila nga nagalingkod sa ganghaan naghulohisgot bahin kanako,+Ug ako mao ang ulohan sa mga awit sa mga palainom ug makahubog nga ilimnon.+
13 Apan bahin kanako, nganha kanimo ako magaampo, Oh Jehova,+Sa usa ka panahon nga dalawaton, Oh Diyos.+Sa kadagaya sa imong mahigugmaong-kalulot tubaga ako uban ang kamatuoran sa imong pagluwas.+
14 Luwasa ako gikan sa lapok, aron dili ako maunlod.+Oh nga maluwas unta ako gikan kanila nga nagadumot kanako+ ug gikan sa halawom nga katubigan.+
15 Oh nga dili unta ako ibanlas sa nagaagos nga sapa sa mga tubig,+Ni lamyon ako sa kahiladman,Ni itak-om sa atabay ang baba niini sa ibabaw nako.+
16 Tubaga ako, Oh Jehova, kay ang imong mahigugmaong-kalulot maayo man.+Sumala sa gidaghanon sa imong mga kaluoy lingia ako,+
17 Ug ayaw itago ang imong nawong gikan sa imong alagad.+Kay ako ania sa kalisdanan, tubaga ako sa madali.+
18 Magpaduol ka sa akong kalag, bakwia kini;+Tungod sa akong mga kaaway tubsa ako.+
19 Ikaw nahibalo sa pagpakaulaw kanako ug sa akong kaulawan ug sa akong pagkapinaubos.+Kadtong tanan nga nagpakitag pagkamabatokon kanako anaa sa imong atubangan.+
20 Ang pagpakaulaw nakapahugno sa akong kasingkasing, ug ang samad dili maalim.+Ug nagpadayon ako sa paglaom nga may moduyog sa akong kasubo, apan walay mausa;+Ug kon bahin sa mga maghuhupay, wala akoy nakaplagan.+
21 Ug bahin sa pagkaon sila naghatag kanako ug tanom nga makahilo,+Ug sa akong kauhaw gisulayan nila ang pagpainom kanako ug suka.+
22 Himoa ang ilang lamesa sa atubangan nila nga usa ka bitik,+Ug kon unsay alang sa ilang kaayohan nga usa ka lit-ag.+
23 Mongitngit unta ang ilang mga mata aron dili makakita;+Ug pakuroga kanunay ang ilang mga balat-ang.+
24 Ibubo kanila ang imong mahukmanong pagsaway,+Ug makaagpas unta kanila ang imong nagasilaob nga kasuko.+
25 Mabiniyaan unta ang ilang pinarilang kampo;+Ang ilang mga tolda mawad-an unta ug mga pumopuyo.+
26 Kay ilang gigukod ang usa nga imong gihampak,+Ug ginasugilon nila ang kasakitan niadtong imong gidughang.
27 Idugang ang kasaypanan ngadto sa ilang kasaypanan,+Ug dili unta sila makadangat sa imong pagkamatarong.+
28 Ipapala sila gikan sa basahon sa mga buhi,+Ug dili unta sila mahisulat uban sa mga matarong.+
29 Apan ako sinakit ug gisakitan.+Hinaot ang imong pagluwas, Oh Diyos, magapanalipod kanako.+
30 Pagadayegon ko ang ngalan sa Diyos uban sa usa ka awit,+Ug pagapadakoon ko siya uban sa pagpasalamat.+
31 Kini usab labi pang makapahimuot kang Jehova kay sa usa ka torong baka,+Kay sa usa ka toreyong baka nga adunay mga sungay, nga pikas ang kuko.+
32 Ang mga maaghop makakita gayod niini; sila magmaya.+Kamo nga nagapangita sa Diyos, buhia usab sa kanunay ang inyong kasingkasing.+
33 Kay si Jehova nagapatalinghog sa mga kabos,+Ug dili gayod niya tamayon ang iyang mga binilanggo.+
34 Ipadayeg siya sa langit ug sa yuta,+Sa kadagatan ug sa tanan nga nagalihok diha kanila.+
35 Kay pagaluwason sa Diyos ang Zion+Ug pagatukoron ang mga siyudad sa Juda;+Ug sila tinong mopuyo didto ug magapanag-iya niini.+
36 Ug ang mga kaliwat sa iyang mga alagad magapanunod niini,+Ug kadtong nahigugma sa iyang ngalan mao ang magapuyo niini.+
