Salmo 92:1-15
Usa ka salmo, usa ka awit, alang sa adlawng igpapahulay.
92 Maayo nga magpasalamat kang Jehova+Ug magaawit ug mga pagdayeg sa imong ngalan, Oh Labing Hataas;+
2 Sa pagsaysay mahitungod sa imong mahigugmaong-kalulot+ sa kabuntagonUg sa imong pagkamatinumanon sa mga panahon sa kagabhion,+
3 Duyog sa napulog-kuldas nga tulonggon ug duyog sa subing,+Sa malanog nga honi sa alpa.+
4 Kay gilipay mo ako, Oh Jehova, tungod sa imong buhat;Tungod sa mga buhat sa imong mga kamot magahugyaw ako sa kalipay.+
5 Pagkadagko gayod sa imong mga buhat, Oh Jehova!+Pagkahalawom sa imong mga hunahuna.+
6 Ang tawo nga walay kabuot dili mahibalo niini,+Ug ang hungog dili makasabot niini.+
7 Sa dihang ang mga daotan manurok ingon sa katanoman+Ug molambo ang tanang mamumuhat sa butang nga makadaot,Kini mao nga sila pagalaglagon hangtod sa kahangtoran.+
8 Apan ikaw anaa sa kahitas-an hangtod sa panahong walay tino, Oh Jehova.+
9 Kay, tan-awa! ang imong mga kaaway, Oh Jehova,+Kay, tan-awa! ang imong mga kaaway malaglag;+Ang tanang mamumuhat sa butang nga makadaot magkatibulaag.+
10 Apan bayawon mo ang akong sungay sama nianang sa ihalas nga torong baka;+Dihogan ko ang akong kaugalingon sa bag-o nga lana.+
11 Ug ang akong mata motan-aw sa akong mga kaaway;+Ang akong mga igdulungog makadungog bahin kanilang mitindog batok kanako, ang mga mamumuhat ug daotan.
12 Ang matarong molambo sama sa kahoyng palma;+Siya modako, sama sa sedro sa Lebanon.+
13 Sila nga natanom diha sa balay ni Jehova,+Diha sa mga sawang sa atong Diyos,+ sila molambo.
14 Sila magpadayon pa gihapon sa paglipang panahon sa ilang pagkaubanon,+Sila magpabiling tambok ug lunhaw,+
15 Aron sa pagsaysay nga si Jehova maoy matul-id.+Siya mao ang akong Bato,+ nga kaniya walay pagkadili-matarong.+
