Salmo 16:1-11
Miktam ni David.
16 Bantayi ako, Oh Diyos, kay midangop ako kanimo.+
2 Miingon ako kang Jehova: “Ikaw mao si Jehova; ang akong pagkamaayo, dili alang kanimo,+
3 Kondili alang sa mga balaan nga anaa sa yuta.Sila, ang mga halangdon, nga kanila anaa ang bug-os kong kalipay.”+
4 Ang mga kasakit modaghan alang kanila si kinsa, sa dihang adunay lain, modali sa pagsunod kaniya.+Dili ko igabubo ang ilang mga halad-nga-ilimnon nga dugo,+Ug dili ko igapahayag ang ilang mga ngalan sa akong mga ngabil.+
5 Si Jehova mao ang bahin sa akong kabilin+ ug sa akong kopa.+Gikuptan mo pag-ayo ang akong kabahinan.
6 Alang kanako ang mga pising igsusukod nabutang sa mga dapit nga maanindot.+Sa pagkatinuod, ang akong napanag-iya gikahimut-an ko.
7 Dayegon ko si Jehova, nga naghatag ug tambag kanako.+Sa pagkatinuod, sa mga panahon sa kagabhion ang akong mga rinyon nagtul-id kanako.+
8 Si Jehova gibutang ko sa kanunay sa akong atubangan.+Tungod kay ania siya sa akong tuong kamot, ako dili matarog.+
9 Busa nagamaya ang akong kasingkasing, ug ang akong himaya nakiling nga magmalipayon.+Labot pa, ang akong unod magapuyo sa kasegurohan.+
10 Kay dili mo biyaan ang akong kalag sa Sheol.+Dili mo itugot nga ang imong maunongon makakita sa gahong.+
11 Ipahibalo mo kanako ang dalan sa kinabuhi.+Anaa sa imong atubangan ang pagmaya hangtod sa pagkatagbaw;+Adunay kahimuot diha sa imong tuong kamot hangtod sa kahangtoran.+
