Salmo 53:1-6
Ngadto sa direktor labot sa Mahalath.+ Maskil. Iya ni David.
53 Ang walay salabotan nag-ingon diha sa iyang kasingkasing:“Walay Jehova.”+Sila nagagawi sa ikadaot ug nagagawi nga dulumtanan diha sa pagkadili-matarong;+Walay usa nga nagabuhat ug maayo.+
2 Kon bahin sa Diyos, siya nagsud-ong gikan sa langit sa mga anak sa mga tawo,+Aron sa pagtan-aw kon aduna bay bisan kinsa nga may hait nga salabotan, nga nangita kang Jehova.+
3 Silang tanan mitalikod, silang tanan pulos hiwi;+Walay usa nga nagabuhat ug maayo,+Walay bisan usa.
4 Wala bay usa sa mga mamumuhat sa butang nga makadaot nga nakabaton ug kahibalo,+Nga nagalamoy sa akong katawhan ingon sa pagkaon nila sa tinapay?+Sila wala gani motawag kang Jehova.+
5 Ania karon, napuno sila sa dakong kalisang,+Diin wala may kalisangan;+Kay pagakatagon gayod sa Diyos ang mga bukog ni bisan kinsa nga magakampo batok kanimo.+Pakaulawan gayod nimo sila, kay sila gisalikway ni Jehova.+
6 Oh nga gikan sa Zion mogula unta ang dakong kaluwasan sa Israel!+Sa dihang tigomon pagbalik ni Jehova ang mga nabihag niyang katawhan,+Maglipay unta si Jacob, magmaya unta ang Israel.+
