Salmo 147:1-20
147 Dayega ninyo si Jah,+Kay maayo ang pag-awit ug mga pagdayeg sa atong Diyos;+Kay kini makapahimuot—ang pagdayeg angay.+
2 Si Jehova nagatukod sa Jerusalem;+Siya nagatigom sa mga natibulaag sa Israel.+
3 Siya nagaayo+ sa mga may gun-ob nga kasingkasing,+Ug nagabugkos sa ilang masakit nga mga bahin.+
4 Siya nagaihap sa gidaghanon sa mga bituon;+Silang tanan gitawag niya sa ilang ngalan.+
5 Ang atong Ginoo dako ug dagaya sa gahom;+Ang iyang pagsabot dili-ikabatbat.+
6 Si Jehova nagahatag ug kahupayan sa mga maaghop;+Siya nagapaubos sa mga daotan ngadto sa yuta.+
7 Tubaga ninyo si Jehova uban ang pagpasalamat;+Pag-awit kamo ug mga pagdayeg sa atong Diyos nga dinuyogan sa alpa,+
8 Ang Usa nga nagatabon ug mga panganod sa kalangitan,+Ang Usa nga nagaandam ug ulan alang sa yuta,+Ang Usa nga nagapaturok sa lunhawng balili diha sa kabukiran.+
9 Sa mga mananap siya nagahatag sa ilang pagkaon,+Sa mga kuyabog nga uwak nga nagapiyak.+
10 Siya wala malipay sa kakusgan sa kabayo,+Ni may kahimuot siya sa mga bitiis sa tawo.+
11 Si Jehova nagakalipay niadtong nahadlok kaniya,+Niadtong nagahulat sa iyang mahigugmaong-kalulot.+
12 Dayega si Jehova,+ Oh Jerusalem.Dayega ang inyong Diyos, Oh Zion.+
13 Kay gipalig-on niya ang mga trangka sa imong mga ganghaan;Gipanalanginan niya ang imong mga anak nga anaa sa imong taliwala.+
14 Siya nagahatag ug pakigdait diha sa imong teritoryo;+Pinaagi sa tambok sa trigo siya nagapabusog kanimo kanunay.+
15 Siya nagapadala sa iyang pulong sa yuta;+Sa katulin nagadalagan ang iyang pulong.
16 Siya nagahatag ug niyebe sama sa balhibo sa karnero;+Siya nagsaliyab sa nanibuok nga tun-og sama gayod sa abo.+
17 Siya nagasalibay sa iyang yelo sama sa mga tipik sa tinapay.+Atubangan sa iyang katugnaw kinsa ba ang makaantos?+
18 Siya nagapadala sa iyang pulong+ ug nagatunaw kanila.Ginapahuros niya ang iyang hangin;+Ang katubigan modagayday.
19 Siya nagasulti sa iyang pulong kang Jacob,+Sa iyang mga regulasyon+ ug sa iyang hudisyal nga mga hukom sa Israel.+
20 Siya wala magbuhat niana sa bisan unsa nga nasod;+Ug mahitungod sa iyang hudisyal nga mga hukom, wala sila mahibalo niana.+Dayega ninyo si Jah!+
