Salmo 77:1-20
Ngadto sa direktor sa Jedutun. Iya ni Asap.+ Usa ka salmo.
77 Sa akong tingog motuaw ako sa Diyos,+Sa akong tingog ngadto sa Diyos, ug siya magpatalinghog gayod kanako.+
2 Sa adlaw sa akong kasakit mangita ako kang Jehova.+Sa kagabhion gituy-od ko ang akong kamot ug wala maminhod;Ang akong kalag nagdumili nga pagahupayon.+
3 Hinumdoman ko ang Diyos ug magasaba ako;+Ako magapakitag kabalaka, mao nga mautas ang akong espiritu.+ Seʹlah.
4 Nagahawid ka sa akong mga tabontabon sa mata;+Nasamok ako, ug dili ako makasulti.+
5 Gipalandong ko ang mga adlaw sa dugay na kanhi,+Ang mga katuigan sa dili-tino nga kagahapon.
6 Hinumdoman ko ang honi sa akong kinuldasang tulonggon panahon sa kagabhion;+Sa akong kasingkasing magapakita ako ug kabalaka,+Ug ang akong espiritu maampingong magasusi.
7 Hangtod ba sa mga panahong walay tino nga magapadayon sa pagsalikway si Jehova,+Ug dili na ba siya mapahimut-an pag-usab?+
8 Naupos na ba ang iyang mahigugmaong-kalulot hangtod sa kahangtoran?+Nahimo na bang walay kapuslanan ang iyang pulong+ sa sunodsunod nga mga kaliwatan?
9 Nahikalimot na ba ang Diyos sa pagpakitag pabor,+O gipugngan na ba niya ang iyang mga kaluoy tungod sa kasuko?+ Seʹlah.
10 Ug magapadayon ba ako sa pag-ingon: “Kini mao ang nagaduslak kanako,+Ang pagkausab sa tuong kamot sa Labing Hataas”?+
11 Pagahinumdoman ko ang mga binuhatan ni Jah;+Kay hinumdoman ko ang imong kahibulongang buhat sa dugay na kanhi.+
12 Ug palandongon ko gayod ang tanan mong kalihokan,+Ug ang imong mga pakiglabot akong hatagag pagtagad.+
13 Oh Diyos, ang imong dalan anaa sa balaang dapit.+Kinsa ba ang dako nga Diyos nga sama sa Diyos?+
14 Ikaw mao ang matuod nga Diyos, nga nagabuhat sa kahibulongang paagi.+Taliwala sa mga katawhan gipaila mo ang imong kusog.+
15 Pinaagi sa imong bukton gibawi mo ang imong katawhan,+Ang mga anak ni Jacob ug ni Jose. Seʹlah.
16 Ang katubigan nakakita kanimo, Oh Diyos,Ang katubigan nakakita kanimo; sila gibatig grabeng kasakit.+Ang halawom nga katubigan usab nakutaw.+
17 Ang mga dag-om nagbundak ug tubig ingon sa dahunog sa dalugdog;+Usa ka dinaguok nga gipagula sa nagdag-om nga kalangitan.Ingon man usab, ang imong mga udyong nagngadto-nganhi.+
18 Ang dahunog sa imong dalugdog nahisama sa mga ligid sa karo;+Ang mga kilat nagdan-ag sa mabungahong yuta;+Ang yuta natay-og ug nauyog.+
19 Latas sa dagat ang imong dalan,+Ug ang imong alagianan maoy latas sa daghang katubigan;Ug wala maila ang imong mga tunob.
20 Gitultolan mo ang imong katawhan sama sa usa ka panon sa karnero,+Pinaagi sa kamot ni Moises ug ni Aaron.+
