Salmo 8:1-9
Ngadto sa direktor sa Gittith.+ Salmo ni David.
8 Oh Jehova nga among Ginoo, pagkahalangdon sa imong ngalan sa tibuok nga yuta,+Ikaw kansang dignidad ginasaysay sa ibabaw sa kalangitan!+
2 Gikan sa baba sa mga bata ug sa mga masuso gipahimutang mo ang kalig-on,+Tungod sa mga nagpakitag pagkamabatokon kanimo,+Aron mapugngan ang kaaway ug ang nagapanimalos.+
3 Sa dihang makakita ako sa imong mga langit, ang mga buhat sa imong mga tudlo,+Sa bulan ug sa mga bituon nga imong giandam,+
4 Unsa ba ang may-kamatayong tawo+ nga ikaw nagahunahuna man kaniya,+Ug ang anak sa yutan-ong tawo nga ikaw nagaatiman man kaniya?+
5 Gihimo mo usab siya nga ubos ug diyutay kay sa mga samag-diyos,+Ug sa himaya+ ug kahalangdon gipurongpurongan mo siya.+
6 Gipagahom mo siya sa ibabaw sa mga buhat sa imong mga kamot;+Ang tanan gibutang mo sa ilalom sa iyang mga tiil:+
7 Ang mga karnero ug mga kanding ug mga baka, silang tanan,+Ug ang mga mananap usab sa kapatagan,+
8 Ang mga langgam sa kalangitan ug ang mga isda sa dagat,+Bisan unsa nga moagi sa mga alagianan sa kadagatan.+
9 Oh Jehova nga among Ginoo, pagkahalangdon sa imong ngalan sa tibuok nga yuta!+
