Salmo 118:1-29
118 Magpasalamat kamo kang Jehova, kay siya maayo;+Kay ang iyang mahigugmaong-kalulot maoy hangtod sa panahong walay tino.+
2 Ipaingon karon sa Israel:“Kay ang iyang mahigugmaong-kalulot maoy hangtod sa panahong walay tino.”+
3 Ipaingon karon kanilang iya sa balay ni Aaron:+“Kay ang iyang mahigugmaong-kalulot maoy hangtod sa panahong walay tino.”+
4 Ipaingon karon sa mga nahadlok kang Jehova:+“Kay ang iyang mahigugmaong-kalulot maoy hangtod sa panahong walay tino.”+
5 Gumikan sa kasakitan mitawag ako kang Jah;+Si Jah mitubag ug gibutang ako sa luag nga dapit.+
6 Si Jehova dapig kanako; dili ako mahadlok.+Unsay arang mabuhat sa yutan-ong tawo kanako?+
7 Si Jehova dapig kanako sa taliwala sa mga nagatabang kanako,+Mao nga ako motan-aw niadtong mga nagadumot kanako.+
8 Mas maayo ang pagdangop kang Jehova+Kay sa pagsalig sa yutan-ong tawo.+
9 Mas maayo ang pagdangop kang Jehova+Kay sa pagsalig sa mga hamili.+
10 Ang tanang kanasoran naglibot kanako.+Sa ngalan ni Jehova ako nagpugong kanila.+
11 Gilibotan nila ako, oo, gilibotan nila ako.+Sa ngalan ni Jehova ako nagpugong kanila.
12 Gilibotan nila ako sama sa mga putyokan;+Gipalong sila ingon sa kalayo sa mga tunokong tanom.+Sa ngalan ni Jehova ako nagpugong kanila.+
13 Gitukmod mo ako aron mapukan ako,+Apan si Jehova mitabang kanako.+
14 Si Jah mao ang akong salipdanan ug akong kusog,+Ug siya mahimong akong kaluwasan.+
15 Ang tingog sa hugyaw sa kalipay ug kaluwasan+Anaa sa mga tolda+ sa mga matarong.+Ang tuong kamot ni Jehova nagapasundayag sa pagkakusganon.+
16 Ang tuong kamot ni Jehova nagabayaw sa kaugalingon;+Ang tuong kamot ni Jehova nagapasundayag sa pagkakusganon.+
17 Dili ako mamatay, kondili ako magpadayong buhi,+Aron ipahayag ko ang mga buhat ni Jah.+
18 Si Jah nagtul-id kanako sa hilabihan,+Apan wala siya magtugyan kanako ngadto sa kamatayon.+
19 Buksi kanako ang mga ganghaan sa pagkamatarong.+Mosulod ako kanila; pagadayegon ko si Jah.+
20 Kini mao ang ganghaan ni Jehova.+Ang mga matarong mosulod niini.+
21 Pagadayegon ko ikaw, kay gitubag mo ako+Ug ikaw nahimong akong kaluwasan.+
22 Ang bato nga gisalikway sa mga magtutukod+Nahimong pangulong bato sa pamag-ang.+
23 Kini naggikan kang Jehova;+Kini maoy katingalahan sa among mga mata.+
24 Kini mao ang adlaw nga si Jehova nagbuhat;+Magkalipay ug magmaya kita niini.+
25 Ah, karon, Jehova, palihog luwasa kami!+Ah, karon, Jehova, palihog ihatag kanamo ang kalamposan!+
26 Dalayegon ang Usa nga moanhi sa ngalan ni Jehova;+Kami nagpanalangin kaninyo gikan sa balay ni Jehova.+
27 Si Jehova mao ang Diyos,+Ug nagahatag siya kanato ug kahayag.+Dayandayani ninyo ang parada sa pista+ uban sa mga sanga,+Hangtod sa mga sungay sa halaran.+
28 Ikaw mao ang akong Diyos, ug pagadayegon ko ikaw;+Akong Diyos—pagabayawon ko ikaw.+
29 Magpasalamat kamo kang Jehova, kay siya maayo;+Kay ang iyang mahigugmaong-kalulot maoy hangtod sa panahong walay tino.+
