Salmo 7:1-17
Usa ka awit sa pagbangotan ni David nga iyang giawit kang Jehova mahitungod sa mga pulong ni Cus nga Benjaminhon.
7 Oh Jehova nga akong Diyos,+ kanimo ako midangop.+Luwasa ako gikan sa tanan nga nagalutos kanako ug ipalingkawas ako,+
2 Aron nga walay magkuniskunis sa akong kalag ingon sa ginabuhat sa leyon,+Nga magsakmit kanako sa dihang walay manluluwas.+
3 Oh Jehova nga akong Diyos, kon nabuhat ko kini,+Kon adunay inhustisya sa akong mga kamot,+
4 Kon gibalosan ko ug daotan ang usa nga nagaganti kanako,+O kon giagawan ko si bisan kinsa nga nagpakitag pagkamabatokon kanako nga wala magmalamposon,+
5 Ipagukod sa kaaway ang akong kalag+Ug paagpasa siya ug payatakyataki ang akong kinabuhi hangtod mismo sa yutaUg ibutang ang akong himaya sa abog. Seʹlah.
6 Tindog, Oh Jehova, sa imong kasuko;+Bangon sa pag-ulbo sa mabangis nga kasuko niadtong nagpakitag pagkamabatokon kanako,+Ug pagmata alang kanako,+ sanglit ikaw nagsugo sa paghukom.+
7 Ug paalironga kanimo ang katigoman sa nasodnong mga pundok,Ug batok niini balik sa kahitas-an.
8 Si Jehova magpakanaog ug paghukom sa mga katawhan.+Hukmi ako, Oh Jehova, sumala sa akong pagkamatarong+Ug sumala sa akong integridad+ nga ania kanako.
9 Palihog, matapos na unta ang pagkadaotan sa mga daotan,+Ug lig-onon mo unta ang matarong;+Ug sanglit matarong man ang Diyos+ siya magasusi sa kasingkasing+ ug sa mga rinyon.+
10 Ang taming alang kanako anaa sa Diyos,+ usa ka Manluluwas sa mga matul-id ug kasingkasing.+
11 Ang Diyos mao ang Maghuhukom nga matarong,+Ug ang Diyos nagapahayag ug mahukmanong mga pagsaway sa matag adlaw.
12 Kon adunay dili mobalik,+ ang Iyang espada iyang bairon,+Iyang bawogon ang iyang busogan, ug andamon niya kini aron itiro.+
13 Ug alang sa iyang kaugalingon andamon niya ang mga galamiton sa kamatayon;+Ang iyang mga pana iyang pasigaon.+
14 Tan-awa! Adunay nagmabdos sa butang nga makadaot,+Ug siya nanamkon ug kasamok ug manganak gayod ug kabakakan.+
15 Siya nagkalot ug gahong, ug siya nagkubkob niini;+Apan siya mahulog ngadto sa lungag nga iyang gihimo.+
16 Ang iyang kasamok mobalik sa ibabaw sa iyang ulo,+Ug ang iyang kabangis mahulog sa iyang alimpulo.+
17 Dayegon ko si Jehova sumala sa iyang pagkamatarong,+Ug magaawit ako ug mga pagdayeg sa ngalan+ ni Jehova nga Labing Hataas.+
