Salmo 86:1-17
Usa ka pag-ampo ni David.
86 Oh Jehova, ikiling ang imong igdulungog. Tubaga ako,+Kay ako sinakit ug kabos.+
2 Oh bantayi ang akong kalag, kay ako maunongon man.+Luwasa ang imong alagad—ikaw mao ang akong Diyos—nga nagasalig kanimo.+
3 Pakitai ako ug kaluoy, Oh Jehova,+Kay kanimo magatawag ako sa tibuok nga adlaw.+
4 Pamayaa ang kalag sa imong alagad,+Kay kanimo, Oh Jehova, ginabayaw ko ang akong kalag.+
5 Kay ikaw, Oh Jehova, maayo+ ug andam sa pagpasaylo;+Ug dagaya ang mahigugmaong-kalulot alang niadtong tanan nga nagatawag kanimo.+
6 Oh Jehova, patalinghogi ang akong pag-ampo;+Ug hatagig pagtagad ang tingog sa akong mga pangaliyupo.+
7 Sa adlaw sa akong kasakitan ako motawag kanimo,+Kay ikaw motubag kanako.+
8 Oh Jehova, walay sama kanimo taliwala sa mga diyos,+Ni adunay mga buhat nga sama sa imoha.+
9 Ang tanang nasod nga imong gibuhat moanhi,+Ug moyukbo sila sa imong atubangan, Oh Jehova,+Ug magahimaya sa imong ngalan.+
10 Kay ikaw dako ug nagabuhat sa katingalahang mga butang;+Ikaw ang Diyos, ikaw lamang.+
11 Oh Jehova, tudloi ako mahitungod sa imong dalan.+Ako magalakaw sa imong kamatuoran.+Bug-osa ang akong kasingkasing sa pagkahadlok sa imong ngalan.+
12 Oh Jehova nga akong Diyos, pagadayegon ko ikaw sa bug-os kong kasingkasing,+Ug pagahimayaon ko ang imong ngalan hangtod sa panahong walay tino,
13 Kay ang imong mahigugmaong-kalulot dako nganhi kanako,+Ug giluwas mo ang akong kalag gikan sa Sheol, sa kinaubsang dapit niini.+
14 Oh Diyos, ang mga mapangahason mitindog batok kanako;+Ug ang pundok sa mga malupigon nangita sa akong kalag,+Ug wala sila magbutang kanimo sa ilang atubangan.+
15 Apan ikaw, Oh Jehova, maoy Diyos nga maluluy-on ug mapuangoron,+Mahinay sa kasuko+ ug dagaya sa mahigugmaong-kalulot ug kamatinud-anon.+
16 Lingia ako ug pakitai ako ug kaluoy.+Ihatag sa imong alagad ang imong kusog,+Ug luwasa ang anak sa imong ulipong babaye.+
17 Buhata labot kanako ang usa ka ilhanan sa pagkamaayo,Aron kadtong nagadumot kanako makakita niini ug maulawan.+Kay ikaw, Oh Jehova, nagtabang kanako ug naghupay kanako.+
