Salmo 80:1-19
Ngadto sa direktor sa Mga Lirio.+ Usa ka pahinumdom. Iya ni Asap.+ Usa ka salmo.
80 Patalinghogi, Oh Magbalantay sa Israel,+Ikaw nga nagaagak kang Jose sama sa panon sa mga karnero.+Oh ikaw nga nagalingkod ibabaw sa mga kerubin,+ magmadan-agon ka.+
2 Pukawa ang imong pagkagamhanan atubangan ni Epraim ug ni Benjamin ug ni Manases,+Ug umari ka aron sa pagluwas kanamo.+
3 Oh Diyos, ibalik kami;+Ug padan-aga ang imong nawong, aron maluwas kami.+
4 Oh Jehova nga Diyos sa mga panon, hangtod kanus-a ba nga ikaw masuko batok sa pag-ampo sa imong katawhan?+
5 Imong gipakaon sila sa tinapay sa mga luha,+Ug imong ginapainom sila kanunay sa labihan ka daghang luha.+
6 Ginahimo mo kami nga kabingkilan alang sa among mga silingan,+Ug ang among mga kaaway nagayubit kanamo sumala sa ilang gikahimut-an.+
7 Oh Diyos sa mga panon, ibalik kami;+Ug padan-aga ang imong nawong, aron maluwas kami.+
8 Gipabiya mo ang usa ka paras gikan sa Ehipto.+Giabog mo ang mga nasod, aron ikatanom mo kini.+
9 Naghawan ka sa atubangan niini,+ aron makagamot ug makapuno kini sa yuta.+
10 Ang kabukiran gitabonan sa landong niini,Ug ang mga sedro sa Diyos pinaagi sa mga sanga niini.+
11 Inanayng mikaylap ang mga sanga niini abot sa dagat,+Ug ang gagmayng mga sanga niini ngadto sa Suba.+
12 Nganong gilumpag mo ang mga paril nga bato niini,+Ug nganong ang tanang nanglabay sa dalan namupo gikan niini?+
13 Ang usa ka baboyng ihalas nga gikan sa kakahoyan magapang-it niini,+Ug ang panon sa mga hayop sa kapatagan magakaon gikan niini.+
14 Oh Diyos sa mga panon, balik, palihog;+Dungaw gikan sa langit ug tan-awa ug atimana kini nga paras,+
15 Ug ang lindog nga gitanom sa imong tuong kamot,+Ug tan-awa ang anak nga imong gipalig-on alang sa imong kaugalingon.+
16 Nasunog kini sa kalayo, naputol.+Tungod sa pagbadlong sa imong nawong malaglag sila.+
17 Itapion ang imong kamot ibabaw sa tawo sa imong tuong kamot,+Ibabaw sa anak sa tawo nga imong gipalig-on alang sa imong kaugalingon,+
18 Ug dili kami motalikod kanimo.+Tipigan mo unta kaming buhi, aron makatawag kami sa imong ngalan.+
19 Oh Jehova nga Diyos sa mga panon, ibalik kami;+Padan-aga ang imong nawong, aron maluwas kami.+
