Salmo 106:1-48
106 Dayega ninyo si Jah!+Magpasalamat kamo kang Jehova, kay siya maayo;+Kay ang iyang mahigugmaong-kalulot hangtod man sa panahong walay tino.+
2 Kinsa ba ang makasaysay sa mga buhat nga gamhanan ni Jehova,+O makahimo sa pagpadungog sa tanan niyang pagdayeg?+
3 Malipayon silang nagabantay sa hustisya,+Nga nagabuhat sa pagkamatarong sa tanang panahon.+
4 Oh Jehova, hinumdomi ako uban sa maayong kabubut-on alang sa imong katawhan.+Atimana ako uban sa imong pagluwas,+
5 Aron makakita ako sa pagkamaayo nganha sa imong mga pinili,+Aron magmaya ako uban sa pagmaya sa imong nasod,+Aron makapasigarbo ako uban sa imong panulondon.+
6 Nakasala kami sama gayod sa among mga katigulangan;+Nakahimo kami ug sayop; nagbuhat kami sa daotan.+
7 Kon bahin sa among mga katigulangan didto sa Ehipto,Wala sila magpakitag hait nga salabotan sa imong katingalahang mga buhat.+Wala sila mahinumdom sa kadagaya sa imong dakong mahigugmaong-kalulot,+Kondili sila nagmasuklanon didto sa dagat, sa daplin sa Pulang Dagat.+
8 Ug giluwas niya sila tungod sa iyang ngalan,+Aron ipaila ang iyang pagkagamhanan.+
9 Busa gibadlong niya ang Pulang Dagat, ug kini namala;+Ug gipalakaw niya sila latas sa halawom nga katubigan ingon sa paglatas sa kamingawan;+
10 Ug sa ingon iyang giluwas sila gikan sa kamot sa nagdumot kanila+Ug gibawi sila gikan sa kamot sa kaaway.+
11 Ug ang katubigan mitabon sa ilang mga kaaway;+Walay usa nga nahibilin kanila.+
12 Unya mituo sila sa iyang pulong;+Nag-awit sila sa iyang pagdayeg.+
13 Sa madali nakalimot sila sa iyang mga buhat;+Wala sila maghulat sa iyang tambag.+
14 Gipakita nila hinuon ang ilang hinakog nga tinguha sa kamingawan+Ug gisulayan ang Diyos didto sa desyerto.+
15 Ug gihatag niya kanila ang ilang gipangayo+Ug gipadad-an ug sakit nga makapahugo sa ilang kalag.+
16 Ug nasina sila kang Moises sa kampo,+Bisan kang Aaron nga balaan ni Jehova.+
17 Unya mibuka ang yuta ug gilamoy si Datan,+Ug gitabonan ang pundok ni Abiram.+
18 Ug ang kalayo misilaob taliwala sa ilang katigoman;+Ug gilamoy sa kalayo ang mga daotan.+
19 Dugang pa, nagbuhat sila ug nating baka sa Horeb+Ug miyukbo sa usa ka inumol nga larawan,+
20 Sa ingon niini gibayloan nila ang akong himaya+Sa larawan sa usa ka torong baka, nga tigsibsib sa katanoman.+
21 Nakalimot sila sa Diyos nga ilang Manluluwas,+Ang Magbubuhat sa dagkong mga butang sa Ehipto,+
22 Sa katingalahang mga buhat sa yuta sa Ham,+Sa makalilisang nga mga butang sa Pulang Dagat.+
23 Ug hapit na siyang moingon nga pagalaglagon sila,+Kon dili pa tungod kang Moises nga iyang pinili,Kinsa mitindog sa kal-ang sa atubangan niya,+Aron sa paghupay sa iyang kaaligutgot gikan sa paglaglag kanila.+
24 Ug gitamay nila ang tilinguhaon nga yuta;+Wala sila motuo sa iyang pulong.+
25 Ug nagbagulbol sila kanunay sulod sa ilang mga tolda;+Wala sila magpatalinghog sa tingog ni Jehova.+
26 Busa giisa niya ang iyang kamot sa pagpanumpa mahitungod kanila,+Nga pukanon niya sila sa kamingawan,+
27 Ug nga pukanon niya ang ilang kaliwat taliwala sa mga nasod,+Ug nga patibulaagon niya sila taliwala sa mga kayutaan.+
28 Ug sila nakiglambigit kang Baal sa Peor+Ug mikaon sa mga halad sa mga patay.+
29 Kay sila nagpukaw kaniya sa pagkasuko tungod sa ilang mga buhat,+Ang usa ka hampak midangat sa ilang taliwala.+
30 Sa dihang mitindog si Pinehas ug nangilabot,+Niana mihunong ang hampak.
31 Ug kadto giisip nga pagkamatarong alang kaniyaSa sunodsunod nga mga kaliwatan hangtod sa panahong walay tino.+
32 Labot pa, sila nagpasuko didto sa mga tubig sa Meriba,+Mao nga nadaot si Moises tungod kanila.+
33 Kay ilang gipayugot ang iyang espirituUg nagpahinayak siya sa pagsulti pinaagi sa iyang mga ngabil.+
34 Wala sila maglaglag sa mga katawhan,+Ingon sa gisulti ni Jehova kanila.+
35 Ug nakig-uban sila sa mga nasod+Ug nakakat-on sa ilang mga buhat.+
36 Ug nag-alagad sila sa ilang mga idolo,+Ug kini nahimong lit-ag alang kanila.+
37 Ug sila naghalad sa ilang mga anak nga lalaki+Ug sa ilang mga anak nga babaye ngadto sa mga demonyo.+
38 Busa sila nagpadayon pag-ula ug inosenteng dugo,+Ang dugo sa ilang mga anak nga lalaki ug sa ilang mga anak nga babaye,Nga gihalad nila ngadto sa mga idolo sa Canaan;+Ug nahugawan ang yuta tungod sa pag-ula ug dugo.+
39 Ug sila nahimong mahugaw tungod sa ilang mga buhat+Ug nagpakighilawas sila pinaagi sa ilang mga pakiglabot.+
40 Ug ang kasuko ni Jehova misilaob batok sa iyang katawhan,+Ug nasilag siya sa iyang panulondon.+
41 Ug gitugyan niya sila nga sublisubli ngadto sa kamot sa kanasoran,+Aron kadtong nagadumot kanila magmando kanila,+
42 Ug aron ang ilang mga kaaway maglupig kanila,Ug aron mabuntog sila ilalom sa ilang kamot.+
43 Sa makadaghan giluwas niya sila,+Apan sila nagmasuklanon diha sa ilang masukihong dalan,+Ug gipaubos sila tungod sa ilang kasaypanan.+
44 Ug nakita niya ang ilang kasakit+Sa dihang iyang nadungog ang ilang mapangaliyupoong pagtuaw.+
45 Ug nahinumdom siya sa iyang pakigsaad labot kanila,+Ug siya mibatig pagbasol sumala sa kadagaya sa iyang dakong mahigugmaong-kalulot.+
46 Ug gitugot niya nga sila pagakaluy-anSa atubangan niadtong tanan nga nagbihag kanila.+
47 Oh Jehova nga among Diyos, luwasa kami,+Ug tigoma kami gikan sa mga nasod+Aron sa pagpasalamat sa imong balaan nga ngalan,+Aron sa pagsulti nga masadyaon sa imong pagdayeg.+
48 Dalayegon si Jehova nga Diyos sa Israel+Sukad sa panahong walay tino hangtod sa panahong walay tino;Ug ang tanang katawhan magaingong Amen.+Dayega ninyo si Jah!+
