Salmo 41:1-13
Ngadto sa direktor. Usa ka salmo ni David.
41 Malipayon siya nga nagabuhat uban ang pagkamahunahunaon sa timawa;+Sa adlaw sa katalagman itagana ni Jehova ang kaikyasan kaniya.+
2 Si Jehova magabantay kaniya ug magatipig kaniya nga buhi.+Siya ipahayag nga malipayon dinhi sa yuta;+Ug dili ka makatugyan kaniya ngadto sa kalag sa iyang mga kaaway.+
3 Si Jehova magpalig-on kaniya sa ibabaw sa higdaanan sa balatian;+Ang tibuok niyang higdaanan imong bag-ohon gayod sa panahon sa iyang pagkasakit.+
4 Kon bahin kanako, miingon ako: “Oh Jehova, pakitai ako ug kaluoy.+Ayoha ang akong kalag, kay nakasala ako batok kanimo.”+
5 Kon bahin sa akong mga kaaway, sila nagasulti ug daotan bahin kanako:+“Kanus-a ba siya mamatay ug mahanaw ang iyang ngalan?”
6 Ug kon may moanhi sa pagpakigkita kanako, kabakakan ang isulti sa iyang kasingkasing;+Siya magatigom ug butang nga makadaot alang sa iyang kaugalingon;Siya mogula; siya magasulti mahitungod niana sa gawas.+
7 Nga nagkahiusa batok kanako, silang tanan nga nagdumot kanako maghunghongay sa usag usa;+Magpadayon sila paglaraw ug daotan batok kanako:+
8 “Usa ka butang nga walay-pulos gibubo kaniya;+Karon nga nakahigda na siya, dili na siya mobangon pag-usab.”+
9 Mao man usab ang tawo nga may pakigdait uban kanako, nga akong gisaligan,+Nga nagkaon sa akong tinapay,+ nag-alsa sa iyang tikod batok kanako.+
10 Kon bahin kanimo, Oh Jehova, pakitai akog kaluoy ug bangona ako,+Aron makabalos ako kanila.+
11 Pinaagi niini mahibalo ako nga ikaw nahimuot kanako,Kay ang akong kaaway dili mosinggit sa kadaogan sa ibabaw nako.+
12 Kon bahin kanako, tungod sa akong integridad ikaw nagasapnay kanako,+Ug ipahimutang mo ako sa imong atubangan hangtod sa panahong walay tino.+
13 Dalayegon si Jehova nga Diyos sa Israel+Sukad sa panahong walay tino hangtod sa panahong walay tino.+Amen ug Amen.+
