Salmo 83:1-18
Usa ka awit. Usa ka salmo ni Asap.+
83 Oh Diyos, ayaw pagpakahilom sa imong bahin;+Ayaw pagpabiling walay timik, ug ayaw pagpabiling walay lihok, Oh Diyos.+
2 Kay, tan-awa! nagkagubot ang imong mga kaaway;+Ug ang mga nagadumot pag-ayo kanimo nagpatuyhakaw sa ilang ulo.+
3 Sa kamalipatlipaton sila nagahimog kompidensiyal nga panagsultihanay batok sa imong katawhan;+Ug sila nagkunsabo batok sa imong mga gitagoan.+
4 Sila nag-ingon: “Umari kamo ug paphaon nato sila ingon nga usa ka nasod,+Aron dili na hinumdoman ang ngalan sa Israel.”+
5 Kay sa kasingkasing sila nagkausa sa pagsabotsabot;+Sila naghimo ug usa ka pakigsaad batok kanimo,+
6 Ang mga tolda sa Edom+ ug sa mga Ismaelinhon, sa Moab+ ug sa mga Hagrihanon,+
7 Sa Gebal ug sa Ammon+ ug sa Amalek,Sa Pilistia+ uban ang mga molupyo sa Tiro.+
8 Ang Asirya usab miduyog kanila;+Sila nahimong usa ka bukton alang sa mga anak ni Lot.+ Seʹlah.
9 Buhata kanila ang ingon sa gibuhat mo sa Midian,+ ang ingon sa gibuhat mo kang Sisera,+Ang ingon sa gibuhat mo kang Jabin+ didto sa bul-oganang walog sa Kison.+
10 Nalaglag sila didto sa En-dor;+Nahimo sila nga kinalibang alang sa yuta.+
11 Kon bahin sa ilang mga tawong hamili, himoa silang sama kang Oreb ug kang Zeeb,+Ug ang tanan nilang mga duke nga sama kang Zeba ug kang Zalmuna,+
12 Nga nag-ingon: “Atong panag-iyahon ang puloy-anang mga dapit sa Diyos alang sa atong kaugalingon.”+
13 Oh Diyos ko, himoa sila nga sama sa nagtuliyok nga kudyapa,+Sama sa dagami atubangan sa hangin.+
14 Sama sa kalayo nga mosunog sa lasang+Ug sama sa siga nga mosunog sa kabukiran,+
15 Ingon gayod unta niana ang paggukod mo kanila pinaagi sa imong kusog nga bagyo+Ug tugawon mo unta sila pinaagi sa imong unos.+
16 Pun-a ang ilang mga nawong sa kaulawan,+Aron ang katawhan mangita sa imong ngalan, Oh Jehova.+
17 Oh maulawan ug matugaw unta sila sa tanang panahon,+Ug manglipaghong unta sila ug malaglag;+
18 Aron ang katawhan makaila+ nga ikaw, kansang ngalan mao si Jehova,+Ikaw lamang ang Labing Hataas+ ibabaw sa tibuok nga yuta.+
