Salmo 138:1-8
Iya ni David.
138 Pagadayegon ko ikaw sa bug-os kong kasingkasing.+Sa atubangan sa ubang mga diyos magaawit ako ug mga pagdayeg kanimo.+
2 Moyukbo ako patumong sa imong balaan nga templo,+Ug pagadayegon ko ang imong ngalan,+Tungod sa imong mahigugmaong-kalulot+ ug tungod sa imong kamatinud-anon.+Kay gipadako mo ang imong pulong+ nga labaw pa sa bug-os mong ngalan.+
3 Sa adlaw nga mituaw ako, gitubag mo usab ako;+Gihimo mo akong maisog sa akong kalag uban ang kusog.+
4 Oh Jehova, pagadayegon ka sa tanang hari sa yuta,+Kay madungog man nila ang mga pulong sa imong baba.
5 Ug magaawit sila mahitungod sa mga dalan ni Jehova,+Kay dako ang himaya ni Jehova.+
6 Kay si Jehova hataas, apan siya makakita sa mapainubsanon;+Apan ang mapahitas-on iyang mailhan lamang sa halayo.+
7 Kon magalakaw ako taliwala sa kasakit, tipigan mo ako nga buhi.+Tungod sa kasuko sa akong mga kaaway imong ibakyaw ang imong kamot,+Ug pagaluwason ako sa imong tuong kamot.+
8 Pagataposon ni Jehova kon unsay alang sa akong kaayohan.+Oh Jehova, hangtod sa panahong walay tino ang imong mahigugmaong-kalulot.+Ayaw pagbiyai ang mga buhat sa imong kaugalingong mga kamot.+
