Salmo 35:1-28
Iya ni David.
35 Dumalaha ang akong kaso, Oh Jehova, batok sa akong mga kaatbang;+Gubata ang mga nakiggubat batok kanako.+
2 Kupti ang kalasag ug dakong taming,+Ug tindog sa pagtabang kanako,+
3 Ug bakyawa ang bangkaw ug ang atsa nga duhay-sulab sa pagsugat niadtong nagagukod kanako.+Ingna ang akong kalag: “Ako mao ang imong kaluwasan.”+
4 Maulawan unta ug mapaubos silang nagapangita sa akong kalag.+Pasibogon ug manglipaghong unta silang nagalaraw ug kadaotan kanako.+
5 Mahisama unta sila sa tahop sa atubangan sa hangin,+Ug ang manulonda ni Jehova magaabog unta kanila.+
6 Himoa ang ilang dalan nga kangitngitan ug madanglog nga mga dapit,+Ug himoa nga ang manulonda ni Jehova magagukod kanila.
7 Kay sa walay gipasikaran nagtago sila alang kanako sa ilang gahong nga may pukot;+Sa walay gipasikaran sila nagkalot niini alang sa akong kalag.+
8 Ipadangat kaniya ang kalaglagan nga dili siya mahibalo,+Ug ipasikop siya sa kaugalingon niyang pukot nga iyang gitagoan;+Himoa nga mahulog siya niini uban ang kalaglagan.+
9 Apan himoa nga ang akong kalag magmalipayon kang Jehova;+Magmasadyaon unta kini diha sa iyang kaluwasan.+
10 Pasultiha ang tanan kong mga bukog:+“Oh Jehova, kinsa ba ang sama kanimo,+Nga nagaluwas sa sinakit gikan sa usa nga labi pang kusgan kay kaniya,+Ug sa sinakit ug sa kabos gikan sa nagatulis kaniya?”+
11 Ang mabangis nga mga saksi nanindog;+Nangutana sila kanako sa wala ko hisayri.+
12 Gibalosan nila ako ug daotan baylo sa maayo,+Aron magbangotan ang akong kalag.+
13 Kon bahin kanako, sa dihang sila nasakit, ang akong besti mao ang sakong panapton,+Pinaagi sa pagpuasa gisakit ko ang akong kalag,+Ug ang akong pag-ampo mibalik sa akong sabakan.+
14 Ingon nga alang sa usa ka higala, ingon nga alang sa akong igsoon,+Naglakawlakaw ako ingon sa nagbangotan alang sa usa ka inahan.+Kay nasubo, mitikubo ako.
15 Apan sa akong pagtakiang sila nagmaya ug naghugpong;+Sila naghugpong batok kanako,+Nga naghampak kanako sa dihang wala ako mahibalo niini;+Sila nagkuniskunis kanako ug wala sila magpakahilom.+
16 Taliwala sa mga apostatang tigyagayaga tungod sa usa ka tinapay+Nanagkagot ang ilang mga ngipon batok kanako.+
17 Oh Jehova, hangtod kanus-a ba nga ikaw magatan-aw niini?+Bawia ang akong kalag gikan sa ilang mga pagpanglaglag,+Ang bugtong kong kalag+ gikan sa may-lambungay nga mga nating leyon.
18 Pagadayegon ko ikaw diha sa dako nga kongregasyon;+Pagadayegon ko ikaw taliwala sa daghang katawhan.+
19 Hinaot nga kadtong sa walay hinungdan akong mga kaaway dili magmaya tungod kanako;+Kon bahin niadtong nagdumot kanako nga walay pasikaranan, ayaw pakidhata ang ilang mata.+
20 Kay wala sila magasulti sa pakigdait;+Kondili batok sa mga malinawon sa yutaNagalaraw sila kanunay sa malimbongong mga butang.+
21 Ug ginganga nila pag-ayo ang ilang baba batok kanako.+Sila nag-ingon: “Aha! Aha! ang among mata nakakita niana.”+
22 Ikaw nakakita, Oh Jehova.+ Ayaw pagpakahilom.+Oh Jehova, ayaw pagpahilayo kanako.+
23 Bangon ug pagmata alang sa akong hukom,+Oh Diyos ko, nga Jehova, alang sa akong buroka.+
24 Hukmi ako sumala sa imong pagkamatarong, Oh Jehova nga Diyos ko,+Ug dili unta sila magmaya tungod kanako.+
25 Oh dili unta sila moingon sa ilang kasingkasing: “Aha, ang among kalag!”+Dili unta sila moingon: “Gilamoy namo siya.”+
26 Maulawan ug manglipaghong unta silang tanan+Nga nagmalipayon sa akong katalagman.+Pasul-obi sila sa kaulawan+ ug pagkapinaubos kadtong nagpasibantog batok kanako.+
27 Pahugyawa sila nga malipayon ug papagmayaa ang mga may kahimuot sa akong pagkamatarong,+Ug pasultiha sila kanunay:+“Pagapadakoon si Jehova, nga may kahimuot sa pakigdait sa iyang alagad.”+
28 Ug pasultiha sa mahinayng tingog ang akong dila mahitungod sa imong pagkamatarong,+Sa imong pagdayeg sa tibuok nga adlaw.+
