Salmo 3:1-8
Usa ka salmo ni David sa pagkalagiw niya tungod kang Absalom nga iyang anak.+
3 Oh Jehova, nganong midaghan man ang akong mga kaaway?+Nganong daghan man ang mitindog batok kanako?+
2 Daghan ang nagaingon bahin sa akong kalag:“Walay kaluwasan alang kaniya pinaagi sa Diyos.”+ Seʹlah.
3 Apan ikaw, Oh Jehova, maoy usa ka taming nga nagalibot kanako,+Akong himaya+ ug ang Usa nga moisa sa akong ulo.+
4 Sa akong tingog motawag ako kang Jehova,Ug siya motubag kanako gikan sa iyang bukid nga balaan.+ Seʹlah.
5 Kon bahin kanako, ako mohigda aron ako makatulog;Ako tino nga mahigmata, kay si Jehova nagpadayon sa pagpaluyo kanako.+
6 Dili ako mahadlok sa tinagpulo ka libo ka tawoNga milikos batok kanako.+
7 Tindog,+ Oh Jehova! Luwasa ako,+ Oh Diyos ko!+Kay pagahampakon mo sa apapangig ang tanan kong mga kaaway.+Ang mga ngipon sa mga daotan imong pungagon.+
8 Iya ni Jehova ang kaluwasan.+Ang imong panalangin anaa sa ibabaw sa imong katawhan.+ Seʹlah.
