Salmo 141:1-10
Usa ka salmo ni David.
141 Oh Jehova, ako mituaw kanimo.+Magdali ka alang kanako.+Patalinghogi ang akong tingog sa dihang ako motuaw kanimo.+
2 Hinaot ang akong pag-ampo maandam ingon sa insenso+ sa imong atubangan,+Ang pagbayaw sa akong mga kamot ingon sa halad-nga-lugas sa kagabhion.+
3 Oh Jehova, butangi ug guwardiya ang akong baba;+Butangi ug bantay ang pultahan sa akong mga ngabil.+
4 Ayaw itugot nga makiling ang akong kasingkasing sa bisan unsa nga daotan,+Aron sa paghimo ug makauulaw nga mga buhat sa pagkadaotan+Uban sa mga tawo nga nagabuhat sa butang nga makadaot,+Aron dili ako makakaon sa ilang lamiang mga kalan-on.+
5 Kon hampakon ako sa matarong, kana maoy mahigugmaong-kalulot;+Ug kon badlongon niya ako, kana maoy lana sa ibabaw sa akong ulo,+Nga dili dumilian sa akong ulo.+Kay anaa pa gihapon ang akong pag-ampo panahon sa ilang mga katalagman.+
6 Ang ilang mga maghuhukom gihulog sa kadaplinan sa dagkong bato,+Apan sila nakadungog sa akong mga pulong, nga sila makapahimuot.+
7 Sama sa dihang ang usa nagabugwal ug nagadugmok sa yuta,Ang among mga bukog nakatag sa baba sa Sheol.+
8 Apan, ang akong mga mata gitutok kanimo,+ Oh Jehova nga Soberanong Ginoo.+Kanimo midangop ako.+Ayaw ibubo ang akong kalag.+
9 Ilikay ako gikan sa mga paghawid sa bitik nga ilang gipahiluna alang kanako+Ug gikan sa mga lit-ag niadtong mga nagabuhat sa butang nga makadaot.+
10 Ang daotan mahulog sa tingob ngadto sa ilang kaugalingong mga pukot,+Samtang ako, sa akong bahin, molabay.
