Salmo 12:1-8
Ngadto sa direktor sa mas ubos nga oktaba.+ Salmo ni David.
12 Luwasa ako,+ Oh Jehova, kay ang maunongon midangat na sa iyang kataposan;+Kay ang mga matinumanon nahanaw na gikan sa mga anak sa mga tawo.
2 Sila nagasulti ug kabakakan sa usag usa;+Pinaagi sa ngabil nga maulog-ulogon+ sila nagasulti uban sa doble nga kasingkasing.+
3 Pagaputlon ni Jehova ang tanang ngabil nga maulog-ulogon,Ang dila nga nagasulti ug mga dagkong butang,+
4 Kadtong nag-ingon: “Pinaagi sa among dila kami modaog.+Ang among mga ngabil ania kanamo. Kinsa ang mahimong among agalon?”
5 “Tungod sa pagpangagaw gikan sa mga sinakit, tungod sa panghupaw sa mga kabos,+Karon motindog ako,” nagaingon si Jehova.+“Ibutang ko siya sa kasegurohan gikan kang bisan kinsa nga mangusmo kaniya.”+
6 Ang mga pulong ni Jehova maoy lunsay nga mga pulong,+Ingon sa plata nga dinalisay sa tunawanang hudno diha sa yuta, nga inulay sa makapito.
7 Ikaw, Oh Jehova, magabantay kanila;+Pagatipigan mo ang matag usa sukad niining kaliwatana hangtod sa panahong walay tino.
8 Ang mga daotan magalakaw sa bisan diin,Kay ang kangil-aran gibayaw taliwala sa mga anak sa mga tawo.+
