Salmo 69:1-36
Ngadto sa direktor; sa tono sa “Ang mga Lirio.” Salmo ni David.
69 Luwasa ko, Oh Diyos, kay ang katubigan nagpameligro sa akong kinabuhi.+
2 Naunlod ko sa lawom nga lapok, diin wala koy katumban.+
Naadto ko sa lawom nga katubigan,Ug gianod ko sa nagbul-og nga tubig sa sapa.+
3 Gikapoy ko pag-ayog sininggit;+Napagaw na ang akong tingog.
Nangluyloy na ang akong mga mata samtang naghulat sa akong Diyos.+
4 Kadtong mga nagdumot kanako sa wala lamay hinungdan+Mas daghan pa kay sa akong mga buhok.
Kadtong gustong mopatay kanako,Ang akong maluibong mga kaaway,* midaghan.
Gipugos ko nila sa pag-uli sa mga butang nga wala nako kawata.
5 Oh Diyos, nahibalo ka sa akong kabuangan,Ug ang akong pagkasad-an wala matago kanimo.
6 Hinaot nga kadtong mga nagalaom kanimo dili maulawan tungod kanako,Oh Soberanong Ginoo, Jehova sa mga panon.
Hinaot nga kadtong mga nagapangita kanimo dili mapaubos tungod kanako,Oh Diyos sa Israel.
7 Gitamay ko tungod kanimo;+Naulawan ko pag-ayo.+
8 Nahimo kong estranyo ngadto sa akong mga igsoon,Usa ka langyaw ngadto sa mga anak sa akong inahan.+
9 Ang akong kasibot alang sa imong balay nagdilaab,+Ug naagoman nako ang mga pagtamay niadtong mga nagatamay kanimo.+
10 Dihang gipaubos nako ang akong kaugalingon pinaagi sa pagpuasa,*Gitamay ko tungod niana.
11 Dihang nagsul-ob kog sakong panapton,Nahimo kong talamayon* kanila.
12 Ako ang ginasumsoman niadtong mga naglingkod sa ganghaan sa siyudad,Ug ako ang ginatumong sa mga palahubog sa ilang mga awit.
13 Apan hinaot makaabot kanimo ang akong pag-ampo,Oh Jehova, sa hustong panahon.+
Sa kadagaya sa imong maunongong gugma, Oh Diyos,Tubaga ko pinaagi sa imong kasaligang mga buhat sa pagluwas.+
14 Luwasa ko gikan sa huyonghuyong;Ayawg itugot nga maunlod ko.
Luwasa ko gikan sa mga nagdumot kanakoUg gikan sa lawom nga katubigan.+
15 Ayawg itugot nga maanod ko sa nagbul-og nga baha,+O lamyon ko sa kahiladman,O itak-om sa atabay* ang iyang baba kanako.+
16 Tubaga ko, Oh Jehova, kay ang imong maunongong gugma maayo.+
Hatagi kog pagtagad sumala sa imong dagayang kaluoy,+
17 Ug ayawg itago ang imong nawong gikan sa imong alagad.+
Tubaga dayon ko, kay ania ko sa kalisdanan.+
18 Paduol kanako ug luwasa ko;Tubsa ko tungod sa akong mga kaaway.
19 Nahibalo ka kon giunsa ko pagtamay ug pagpakaulaw ug pagpaubos.+
Nakita nimo ang tanan nakong kaaway.
20 Ang pagtamay nakapahugno sa akong kasingkasing, ug ang samad dili maalim.*
Naglaom ko nga dunay mosimpatiya, apan wala koy nadawat,+Naglaom ko nga dunay mohupay, apan wala koy nakaplagan.+
21 Apan gihatagan ko nilag hilo* ingong pagkaon,+Ug gihatagan ko nilag suka dihang giuhaw ko.+
22 Hinaot nga ang ilang lamesa mahimong bitik kanila,Ug ang ilang kadagaya mahimong lit-ag.+
23 Mongitngit unta ang ilang mga mata aron dili sila makakita,Ug pakuroga kanunay ang ilang mga bat-ang.
24 Ibubo kanila ang imong kasuko,*Ug hinaot lamyon sila sa imong nagsilaob nga kasuko.+
25 Hinaot mahimong biniyaan ang ilang kampo;*Hinaot wala nay magpuyo sa ilang mga tolda.+
26 Kay gigukod nila ang usa nga imong gihampak,Ug padayon nilang ginaasoy ang kasakitan niadtong imong gisamdan.
27 Dugangig pagkasad-an ang ilang pagkasad-an,Ug dili unta sila makaambit sa imong pagkamatarong.
28 Hinaot mapapas sila sa basahon sa mga buhi,*+Ug hinaot ang ilang mga ngalan dili masulat uban sa mga matarong.+
29 Apan ako sinakit ug nasakitan.+
Hinaot ang imong gahom sa pagluwas, Oh Diyos, manalipod kanako.
30 Mag-awit kog mga pagdayeg sa ngalan sa Diyos,Ug himayaon nako siya uban ang pagpasalamat.
31 Kini makapalipay kang Jehova labaw pa kay sa torong baka,Labaw pa sa toreyong baka nga dunay mga sungay ug kuko.+
32 Ang mga maaghop* makakita niini ug magsadya.
Kamo nga nangita sa Diyos, hinaot malig-on ang inyong kasingkasing.
33 Kay si Jehova mamati sa mga kabos,+Ug dili niya tamayon ang iyang katawhan nga nabihag.+
34 Ipadayeg siya sa langit ug sa yuta,+Sa kadagatan ug sa tanan nga nagalihok niini.
35 Kay luwason sa Diyos ang Zion+Ug tukoron niya pag-usab ang mga siyudad sa Juda,Ug sila mopuyo didto ug manag-iya niini.*
36 Ang mga kaliwat sa iyang mga alagad manunod niini,+Ug kadtong mga nahigugma sa iyang ngalan+ mopuyo niini.
Mga Footnote
^ O “akong mga kaaway sa wala lamay hinungdan.”
^ O posible, “Dihang mihilak ko ug nagpuasa.”
^ Literal, “panultihon.”
^ O “gahong.”
^ O “ug nawad-an na kog paglaom.”
^ O “makahilo nga tanom.”
^ O “kaaligutgot.”
^ O “pinarilang kampo.”
^ O “basahon sa kinabuhi.”
^ O “mapainubsanon.”
^ Nagtumong sa yuta.
