Salmo 68:1-35
Ngadto sa direktor. Iya ni David. Usa ka salmo, usa ka awit.
68 Patindoga ang Diyos,+ patibulaaga ang iyang mga kaaway,+Ug kadtong mga nagdumot pag-ayo kaniya pakalagiwa tungod kaniya.+
2 Ingon sa aso nga ginapadpad, ikaw unta magaabog kanila;+Ingon sa talo nga matunaw tungod sa kalayo,+Mahanaw unta ang mga daotan gikan sa atubangan sa Diyos.+
3 Apan kon bahin sa mga matarong, himoa nga magmaya sila,+Himoa nga magsadya sila sa atubangan sa Diyos,+Ug magkalipay sila uban ang pagmaya.+
4 Magaawit kamo sa Diyos, magaawit kamo ug mga pagdayeg sa iyang ngalan;+Ipatugbaw ang usa ka awit alang sa Usa nga nagaagi latas sa desyertong kapatagan+Ingong si Jah, nga mao ang iyang ngalan;+ ug magmaya sa iyang atubangan;
5 Usa ka amahan sa mga bata nga ilo-sa-amahan ug usa ka maghuhukom sa mga babayeng balo+Ang Diyos nga anaa sa iyang balaang puloy-anan.+
6 Ginapapuyo sa Diyos ang mga nag-inusara diha sa usa ka balay;+Ginapagula niya ang mga binilanggo ngadto sa bug-os nga kauswagan.+Apan, kon bahin sa mga gahian, sila magapuyo gayod sa napagba nga yuta.+
7 Oh Diyos, sa diha nga ikaw nag-una sa imong katawhan,+Sa diha nga ikaw milatas sa desyerto+—Seʹlah—
8 Ang yuta nauyog,+Ang langit usab nagpaulan tungod sa Diyos;+Kadtong Sinai nauyog tungod sa Diyos,+ ang Diyos sa Israel.+
9 Ang kusog nga ulan imong gipabundak, Oh Diyos;+Ang imong panulondon, bisan sa dihang kini naluya na—imo kining gipabaskog pag-usab.+
10 Ang imong pundok sa mga tolda+—sila nagpuyo niini;+Tungod sa imong kaayo imo kining giandam alang sa sinakit, Oh Diyos.+
11 Si Jehova nag-ingon;+Ang kababayen-an nga nagapahayag sa maayong balita maoy usa ka dakong panon.+
12 Bisan ang mga hari sa kasundalohan mokalagiw, sila mokalagiw.+Kon bahin kaniya nga magapabilin sa balay, siya makaambit sa inagaw.+
13 Bisan kon kamo nanghigda taliwala sa mga tapok sa abo sa kampo,Anaa unya ang mga pako sa salampati nga naputos sa plataUg ang iyang mga dagang sa dalagong-berde nga bulawan.+
14 Sa dihang ang Usa nga Labing Gamhanan nagpatibulaag sa mga hari niana,+Nagsugod ang pag-ulan ug niyebe sa Zalmon.+
15 Ang bukirong rehiyon sa Basan+ maoy usa ka bukid sa Diyos;+Ang bukirong rehiyon sa Basan maoy usa ka bukid sa mga taluktok.+
16 Nganong kamo, Oh mga bukid sa mga taluktok, nagatan-aw nga masinahonSa bukid nga gitinguha sa Diyos nga iyang pagapuy-an?+Si Jehova mopuyo gayod niana hangtod sa kahangtoran.+
17 Ang mga karo nga iggugubat sa Diyos tinagpulo ka libo, libolibo ka linibo.+Gikan sa Sinai si Jehova miabot sa balaang dapit.+
18 Misaka ka sa kahitas-an;+Nagdala ka ug mga binihag;+Nagkuha ka ug mga gasa nga mga lalaki,+Oo, bisan ang mga gahian,+ aron sa pagpuyo sa ilang taliwala,+ Oh Jah nga Diyos.
19 Dalayegon si Jehova, nga sa adlaw-adlaw nagapas-an sa atong luwan,+Ang matuod nga Diyos sa atong kaluwasan.+ Seʹlah.
20 Ang matuod nga Diyos maoy usa ka Diyos sa mga buhat sa pagluwas alang kanato;+Ug iya ni Jehova nga Soberanong+ Ginoo ang mga dalan sa paglingkawas sa kamatayon.+
21 Sa pagkatinuod dugmokon sa Diyos ang ulo sa iyang mga kaaway,+Ang buhokon nga alimpulo ni bisan kinsang nagalakaw diha sa iyang pagkasad-an.+
22 Si Jehova nag-ingon: “Gikan sa Basan dad-on ko pagbalik,+Dad-on ko sila pagbalik gikan sa mga kahiladman sa dagat,+
23 Aron makapanghimasa ka sa imong tiil diha sa dugo,+Aron ang dila sa imong mga iro makabaton sa bahin niini gikan sa mga kaaway.”+
24 Nakita nila ang imong mga parada, Oh Diyos,+Ang mga parada sa akong Diyos, ang akong Hari, ngadto sa balaang dapit.+
25 Ang mga mag-aawit nag-una, ang mga magtutugtog sa kinuldasang mga tulonggon nagsunod kanila;+Sa taliwala mao ang mga dalaga nga nagapatunog ug mga tamborin.+
26 Diha sa nagkatigom nga mga panon dayega ninyo ang Diyos,+Si Jehova, Oh kamo nga naggikan sa Tuboran sa Israel.+
27 Anaa ang gamayng Benjamin nga nagamando kanila,+Ang mga prinsipe sa Juda uban ang ilang nagpaninggit nga panon,Ang mga prinsipe sa Zabulon, ang mga prinsipe sa Neptali.+
28 Ang imong Diyos nagsugo sa imong kusog.+Ipakita ang kusog, Oh Diyos, ikaw nga milihok alang kanamo.+
29 Tungod sa imong templo sa Jerusalem,+Ang mga hari magadala ug mga gasa alang kanimo.+
30 Badlonga ang ihalas nga mananap sa mga tangbo,+ ang panon sa mga torong baka,+Uban sa mga nating baka sa mga katawhan, nga ang tagsatagsa nagatamak sa mga pirasong plata.+Siya nagpatibulaag sa mga katawhan nga malipay sa mga pagpakig-away.+
31 Mga butang nga ginama sa bronse magagikan sa Ehipto;+Ang Cus magadali pagbayaw sa iyang mga kamot nga may mga gasa alang sa Diyos.+
32 Oh kamong mga gingharian sa yuta, magaawit kamo ngadto sa Diyos,+Magaawit kamo ug mga pagdayeg kang Jehova—Seʹlah—
33 Ngadto sa Usa nga nagasakay sa karaang langit sa mga langit.+Tan-awa! Siya magpatugbaw sa iyang tingog, usa ka kusog nga tingog.+
34 Ipahinungod ninyo ang kusog ngadto sa Diyos.+Ang iyang pagkahalangdon anaa sa ibabaw sa Israel ug ang iyang kusog anaa sa kapanganoran.+
35 Ang Diyos makalilisang gikan sa imong dakong sangtuwaryo.+Siya mao ang Diyos sa Israel, nga nagahatag ug kusog, ingon man ug gahom ngadto sa katawhan.+Dalayegon ang Diyos.+
