Salmo 96:1-13
96 Pag-awit kang Jehova ug usa ka bag-ong awit.+Pag-awit kang Jehova, kamong tibuok nga katawhan sa yuta.+
2 Pag-awit kamo kang Jehova, dayega ang iyang ngalan.+Sa matag adlaw imantala ang maayong balita sa iyang pagluwas.+
3 Ipahayag sa taliwala sa kanasoran ang iyang himaya,+Ang iyang katingalahang mga buhat+ sa taliwala sa tanang mga katawhan.
4 Kay si Jehova dako+ ug dalayegon uyamot.Siya makalilisang labaw pa sa tanang ubang mga diyos.+
5 Kay ang tanang diyos sa mga katawhan maoy walay-bili nga mga diyos;+Apan si Jehova, siya nagbuhat sa mga langit.+
6 Ang dignidad ug kahalangdon anaa sa atubangan niya;+Ang kusog ug katahom anaa sa iyang sangtuwaryo.+
7 Ipahinungod kang Jehova, Oh kamong kabanayan sa mga katawhan,+Ipahinungod kang Jehova ang himaya ug kusog.+
8 Ipahinungod kang Jehova ang himaya nga alang sa iyang ngalan;+Pagdalag gasa ug sulod sa iyang mga sawang.+
9 Yukbo kang Jehova uban ang balaang dayandayan;+Batia ang grabeng kasakit tungod kaniya, kamong tibuok nga katawhan sa yuta.+
10 Isulti taliwala sa kanasoran: “Si Jehova nahimong hari.+Ang mabungahong yuta lig-on nga natukod usab mao nga kini dili matarog.+Labanan niya ang kawsa sa mga katawhan diha sa katul-id.”+
11 Magmaya ang mga langit, ug maglipay ang yuta.+Padaguoka ang dagat ug ang mga anaa niana.+
12 Pasadyaa ang patag ug ang tanan nga anaa niana.+Sa samang higayon pasinggita sa kalipay ang tanang kahoy sa lasang+
13 Sa atubangan ni Jehova. Kay siya miabot na;+Kay siya miabot na aron pagahukman ang yuta.+Iyang pagahukman ang mabungahong yuta uban ang pagkamatarong+Ug ang mga katawhan uban ang iyang pagkamatinumanon.+
