Salmo 5:1-12
Ngadto sa direktor sa Nehiloth. Salmo ni David.
5 Patalinghogi ang akong mga pulong,+ Oh Jehova;Sabta ang akong pagpanghupaw.
2 Pamatia ang tingog sa akong pagtuaw alang sa tabang,+Oh Hari+ ko ug Diyos ko, kay kanimo nagaampo ako.+
3 Oh Jehova, sa buntag makadungog ka sa akong tingog;+Sa buntag makigsulti ako kanimo ug magabantay.+
4 Kay ikaw dili man Diyos nga may kahimuot sa pagkadaotan;+Walay daotan ang makapuyo uban kanimo sa bisan unsang panahon.+
5 Ang mga hambogiro dili makabarog sa atubangan sa imong mga mata.+Ginadumtan mo ang tanang nagabuhat sa butang nga makadaot;+
6 Pagalaglagon mo kadtong nagasulti ug bakak.+Ang tawo nga tig-ula ug dugo+ ug limbongan+ ginadumtan ni Jehova.
7 Kon bahin kanako, sa kadagaya sa imong mahigugmaong-kalulot+Mosulod ako sa imong balay,+Sa pagkahadlok kanimo moyukbo ako patunong sa imong templo nga balaan.+
8 Oh Jehova, agaka ako sa imong pagkamatarong+ tungod sa akong mga kaaway;+Hapsaya ang imong dalan sa akong atubangan.+
9 Kay sa ilang baba walay bisan unsa nga kasaligan;+Sa ilang kahiladmang bahin mao gayod ang kagul-anan.+Ang ilang tutonlan maoy usa ka abli nga lubnganan;+Sila nagagamit ug maulog-ulogon nga dila.+
10 Isipon sila sa Diyos nga sad-an;+Mangapukan sila tungod sa ilang kaugalingong mga tambag.+Sa kadaghan sa ilang kalapasan sila mangatibulaag,+Tungod kay misukol sila batok kanimo.+
11 Apan ang tanan nga modangop kanimo managmaya;+Sila managhugyaw sa kalipay+ hangtod sa panahong walay tino.Ug babagan nimo ang agianan paingon kanila,Ug kadtong nahigugma sa imong ngalan magasadya diha kanimo.+
12 Kay panalanginan mo si bisan kinsa nga matarong,+ Oh Jehova;Ingon sa usa ka dakong taming,+ likosan mo sila uban ang pag-uyon.+
