Salmo 64:1-10
Ngadto sa direktor. Usa ka salmo ni David.
64 Patalinghogi, Oh Diyos, ang akong tingog sa kabalaka.+Panalipdan mo unta ang akong kinabuhi gikan sa pagkamakalilisang sa kaaway.+
2 Tagoan mo unta ako gikan sa kompidensiyal nga pagsultihanay sa mga mamumuhat ug daotan,+Gikan sa kaguliyang sa mga mamumuhat sa butang nga makadaot,+
3 Nga nagbaid sa ilang dila sama sa usa ka espada,+Nga nagpunting sa ilang pana, mga pulong nga mapait,+
4 Sa pagpana sa usa nga walay-ikasaway gikan sa tagong mga dapit.+Sa kalit sila mopana kaniya ug dili mahadlok.+
5 Gisagop nila ang daotang sinultihan;+Gipanulti nila ang mahitungod sa pagtago ug mga bitik.+Moingon sila: “Kinsa ang makakita kanila?”+
6 Nagapangita sila ug dili-matarong nga mga butang;+Nagtago sila ug usa ka malalangon nga laraw nga maayong pagkaplano,+Ug ang kahiladmang bahin sa matag usa, ang iya mismong kasingkasing, halawom.+
7 Apan ang Diyos magapana kanila sa kalit.+Mga samad ilang maagoman,+
8 Ug sila magapapandol.+Apan ang ilang dila batok sa ilang kaugalingon mismo.+Ang tanan nga nagatan-aw kanila magalingolingo sa ilang ulo,+
9 Ug ang tanang yutan-ong tawo mahadlok;+Ug sila magasaysay sa mga buhat sa Diyos,+Ug sila makabaton gayod ug hait nga salabotan bahin sa iyang buhat.+
10 Ug ang matarong magamaya diha kang Jehova ug modangop gayod kaniya;+Ug ang tanan nga matul-id sa kasingkasing magapasigarbo.+
