Salmo 22:1-31
Ngadto sa direktor sa Bayeng Osa sa Kaadlawon. Usa ka salmo ni David.
22 Diyos ko, Diyos ko, nganong gibiyaan mo ako?+Nganong halayo ka gikan sa pagluwas kanako,+Gikan sa mga pulong sa akong pag-agulo?+
2 Oh Diyos ko, ako nagtawag kanunay sa maadlaw, ug wala ka motubag;+Ug sa magabii, ug wala ako magahilom.+
3 Apan ikaw balaan,+Nga nagapuyo sa mga pagdayeg sa Israel.+
4 Diha kanimo misalig ang among mga amahan;+Sila misalig, ug kanunay mo silang gitagan-an ug kaikyasan.+
5 Nganha kanimo sila mituaw,+ ug sila naluwas;+Diha kanimo sila misalig, ug sila wala modangat sa kaulawan.+
6 Apan ako usa ka ulod,+ ug dili tawo,Usa ka kaulawan sa mga tawo ug tinamay sa katawhan.+
7 Kadtong tanan nga nakakita kanako, sila nagyubit kanako;+Ginabuka nila pag-ayo ang ilang mga baba, ginalingolingo nila ang ilang ulo:+
8 “Iyang gitugyan ang iyang kaugalingon kang Jehova.+ Tagan-an unta Niya siyag kaikyasan!+Luwason unta niya siya, sanglit siya nahimuot man kaniya!”+
9 Kay ikaw mao ang Usa nga nagpagula kanako gikan sa tiyan,+Ang Usa nga naghimo kanako nga mosalig samtang diha pa sa mga suso sa akong inahan.+
10 Gikan sa tagoangkan gitugyan na ako kanimo;+Gikan sa tiyan sa akong inahan ikaw mao na ang akong Diyos.+
11 Ayaw pagpahilayo kanako, kay ang kasakitan haduol,+Kay wala nay laing magtatabang.+
12 Daghang toreyong baka nagalibot kanako;+Ang mga kusganon sa Basan mialirong kanako.+
13 Gibuka nila ang ilang baba batok kanako,+Ingon sa usa ka leyon nga nagakuniskunis ug nagangulob.+
14 Gibubo ako sama sa tubig,+Ug ang tanan kong kabukogan nangalisa.+Ang akong kasingkasing nahimong sama sa talo;+Kini natunaw sa kinahiladman sa kahiladman nakong mga bahin.+
15 Ang akong kusog nauga sama sa bika,+Ug ang akong dila mitapot sa akong mga lagos;+Ug sa abog sa kamatayon gipahimutang mo ako.+
16 Kay gilibotan ako ug mga iro;+Gilikosan ako sa panon sa mga mamumuhat ug daotan.+Ingon sa usa ka leyon sila nagapaak sa akong mga kamot ug mga tiil.+
17 Ako makaihap sa tanan kong mga bukog.+Sila nagatan-aw, sila nagasud-ong kanako.+
18 Gibahinbahin nila ang akong besti sa ilang taliwala,+Ug giripahan nila ang akong sapot.+
19 Apan ikaw, Oh Jehova, Oh ayaw pagpahilayo.+Oh ikaw nga akong kusog,+ pagdali sa pagtabang kanako.+
20 Luwasa ang akong kalag gikan sa espada,+Ang akong bugtong nga kalag gikan sa kuyamas sa iro;+
21 Luwasa ako gikan sa baba sa leyon,+Ug gikan sa mga sungay sa mga ihalas nga torong baka tubaga ug luwasa gayod ako.+
22 Ipahayag ko ang imong ngalan+ ngadto sa akong mga igsoon;+Sa taliwala sa kongregasyon pagadayegon ko ikaw.+
23 Kamong nangahadlok kang Jehova, dayega ninyo siya!+Kamong tanan nga binhi ni Jacob, himayaa siya!+Ug kahadloki ninyo siya, kamong tanan nga binhi sa Israel.+
24 Kay wala niya tamaya+Ni dumti ang kasakitan sa sinakit;+Ug wala niya itago ang iyang nawong gikan kaniya,+Ug sa dihang siya mituaw kaniya aron sa pagpakitabang siya namati.+
25 Gikan kanimo ang akong pagdayeg moabot diha sa dakong kongregasyon;+Ang akong mga panaad pagabayran ko sa atubangan nilang nangahadlok kanimo.+
26 Ang mga maaghop mokaon ug mangatagbaw;+Kadtong nagapangita kaniya modayeg kang Jehova.+Mabuhi unta ang inyong mga kasingkasing hangtod sa kahangtoran.+
27 Ang tanang kinatumyan sa yuta mahinumdom ug mobalik kang Jehova.+Ug ang tanang kabanayan sa mga nasod moyukbo sa imong atubangan.+
28 Kay ang pagkahari iya ni Jehova,+Ug siya nagagahom sa mga nasod.+
29 Ang tanang matambok sa yuta magakaon ug moyukbo;+Kadtong tanan nga manganaog ngadto sa abog moyukbo sa iyang atubangan,+Ug walay usa nga arang makatipig nga buhi sa iyang kaugalingong kalag.+
30 Usa ka binhi magaalagad kaniya;+Ang usa ka pagmantala mahitungod kang Jehova pagahimoon ngadto sa sunod nga kaliwatan.+
31 Sila mangabot ug magasugilon mahitungod sa iyang pagkamatarong+Ngadto sa katawhan nga matawo, nga siya nagbuhat niini.+
