Salmo 9:1-20
Ngadto sa direktor sa Muth-laben. Salmo ni David.
א [ʼAʹleph]
9 Dayegon ko ikaw, Oh Jehova, sa bug-os kong kasingkasing;+Ipahayag ko ang tanan nimong mga buhat nga katingalahan.+
2 Magmaya ug magsadya ako diha kanimo,+Magaawit ako ug mga pagdayeg sa imong ngalan, Oh Labing Hataas.+
ב [Behth]
3 Sa diha nga motalikod ang akong mga kaaway,+Mangapukan ug mangalaglag sila sa imong atubangan.+
4 Kay gipatuman mo ang akong paghukom ug ang akong kawsa;+Milingkod ka sa trono nga nagahukom sa pagkamatarong.+
ג [Giʹmel]
5 Gibadlong mo ang mga nasod,+ gilaglag mo ang daotan.+Ang ilang ngalan gipala mo hangtod sa panahong walay tino, bisan hangtod sa kahangtoran.+
6 Oh ikaw nga kaaway, ang imong mga kalaglagan midangat na sa walay-kinutobang kataposan,+Ug ang mga siyudad nga imong gilumpag.+Ang paghandom mismo kanila tinong mahanaw.+
ה [Heʼ]
7 Kon bahin kang Jehova, siya molingkod hangtod sa panahong walay tino,+Nga sa kalig-on magpahiluna sa iyang trono alang sa paghukom.+
8 Ug sa pagkamatarong magahukom siya sa mabungahong yuta;+Sa katul-id magahusay siya sa nasodnong mga pundok.+
ו [Waw]
9 Ug si Jehova mahimong usa ka luwas nga hataas nga dapit alang sa dinaogdaog,+Usa ka luwas nga hataas nga dapit sa mga panahon sa kasakit.+
10 Ug kadtong nakaila sa imong ngalan mosalig kanimo,+Kay dili gayod nimo biyaan kadtong mangita kanimo, Oh Jehova.+
ז [Zaʹyin]
11 Magaawit kamo ug mga pagdayeg kang Jehova, nga nagapuyo sa Zion;+Isaysay ang iyang mga buhat taliwala sa mga katawhan.+
12 Kay, sa pagpangita sa naula nga dugo,+ siya mahinumdom gayod kanila;+Siya dili gayod malimot sa pagtuaw sa mga sinakit.+
ח [Chehth]
13 Pakitai ako ug kaluoy, Oh Jehova; tan-awa ang akong kasakitan tungod kanilang nagadumot kanako,+Oh ikaw nga nagatuboy kanako gikan sa mga ganghaan sa kamatayon,+
14 Aron ikapahayag ko ang tanan nimong mga buhat nga dalayegon+Sa mga ganghaan+ sa anak nga babaye sa Zion,+Aron magmalipayon ako diha sa imong kaluwasan.+
ט [Tehth]
15 Nangahulog ang mga nasod sa gahong nga ilang gihimo;+Sa pukot+ nga ilang gitagoan, ang ilang tiil nabitik.+
16 Si Jehova nailhan sa paghukom nga iyang gipatuman.+Sa mga buhat sa iyang kaugalingong mga kamot ang daotan nalit-agan.+Higgayon. Seʹlah.
י [Yohdh]
17 Ang mga daotang+ tawo mobalik ngadto sa Sheol,+Mao man usab ang tanang nasod nga nakalimot sa Diyos.+
18 Kay ang kabos dili kanunay nga hikalimtan,+Ni mahanaw gayod ang paglaom sa mga maaghop.+
כ [Kaph]
19 Tindog, Oh Jehova! Ayaw itugot nga ang may-kamatayong tawo molabaw sa kusog.+Hukmi ang mga nasod sa imong atubangan.+
20 Ibutang ang kahadlok diha kanila, Oh Jehova,+Aron makaila ang mga nasod nga sila mga may-kamatayong tawo lamang.+ Seʹlah.
