Salmo 58:1-11
Ngadto sa direktor. “Ayaw laglaga.” Iya ni David. Miktam.
58 Sa inyong pagpakahilom makasulti ba gayod kamo mahitungod sa pagkamatarong?+Makahukom ba kamo diha sa katul-id, Oh kamong mga anak sa mga tawo?+
2 Hinunoa, labi pa kamo nga nagabuhat diha sa kasingkasing sa tatawng pagkadili-matarong diha sa yuta,+Ug nagaandam sa dalan alang sa kapintasan sa inyong mga kamot!+
3 Ang mga daotan maoy mga hiwi sukad pa sa tagoangkan;+Sila nahisalaag sukad pa sa tiyan hangtod karon;Sila nagasulti ug kabakakan.+
4 Ang ilang lala nahisama sa lala sa halas,+Bungol sama sa kobra nga nagasampong sa iyang igdulungog,+
5 Nga dili magpatalinghog sa tingog sa mga maglalamat,+Bisan pag ang maalamon nagalamat pinaagi sa mga kalaki sa salamangka.+
6 Oh Diyos, luboa ang ilang mga ngipon diha sa ilang baba.+Dugmoka ang mga bukog sa apapangig sa may-lambungay nga mga nating leyon, Oh Jehova.
7 Mangahilis unta sila samag nganha sa mga tubig nga nagaagos;+Bawogon unta niya ang busogan alang sa iyang mga udyong samtang mangalup-og sila.+
8 Siya magalakaw sama sa usa ka hilahila nga matunaw;Sama sa nakuhang gisabak sa usa ka babaye dili gayod sila makakita sa adlaw.+
9 Sa dili pa mobati ang inyong mga kulon sa gipasiga nga sampinit,+Ang malunhaw pa ingon man ang nagasiga, ipadpad niya sila ingon sa unos.+
10 Ang matarong magamaya tungod kay makita niya ang panimalos.+Himasaan niya ang iyang mga tiil sa dugo sa daotan.+
11 Ug ang katawhan moingon:+ “Sa pagkamatuod adunay bunga alang sa matarong.+Sa pagkamatuod adunay Diyos nga nagahukom sa yuta.”+
