Salmo 140:1-13
Alang sa direktor. Usa ka salmo ni David.
140 Oh Jehova, luwasa ako gikan sa mga tawong daotan;+Panalipdan mo unta ako gikan sa tawo nga may mga buhat nga mapintason,+
2 Kadtong mga naglaraw ug daotang mga butang diha sa ilang kasingkasing,+Nga sa tibuok adlaw nagpadayon sa pag-atake ingon nga diha sa mga gubat.+
3 Ginabaid nila ang ilang dila sama nianang sa usa ka halas;+Ang lala sa bitin nga sungayan anaa sa ilalom sa ilang mga ngabil.+ Seʹlah.
4 Oh Jehova, bantayi ako gikan sa mga kamot sa daotan;+Panalipdan mo unta ako gikan sa tawo nga may mga buhat nga mapintason,+Kadtong mga naglaraw aron itulod ang akong mga lakang.+
5 Ang mga nagbayaw sa ilang kaugalingon nagtago ug bitik alang kanako;+Ug nagladlad sila ug mga pisi ingon nga pukot sa daplin sa alagianan.+Nagpahimutang sila ug mga lit-ag alang kanako.+ Seʹlah.
6 Ako nag-ingon kang Jehova: “Ikaw mao ang akong Diyos.+Oh Jehova, patalinghogi ang tingog sa akong mga pangaliyupo.”+
7 Oh Jehova nga Soberanong Ginoo,+ ang kusog sa akong kaluwasan,+Gisalipdan mo ang akong ulo sa adlaw sa armadong puwersa.+
8 Ayaw pag-itugot, Oh Jehova, ang mga pangandoy sa daotan.+Ayaw paluyohi ang iyang laraw, aron dili sila mabayaw.+ Seʹlah.
9 Kon bahin sa mga ulo niadtong mga nagalibot kanako,+Tabonan unta sila sa kasamok sa ilang kaugalingong mga ngabil.+
10 Mahulogan unta sila ug nagsigang mga baga.+Mahulog unta sila sa kalayo,+ ngadto sa tubigong mga gahong, aron dili na sila makagawas.+
11 Ang hingaping manulti—ayaw siya palungtara sa yuta.+Ang tawo sa kapintasan—pangitaon unta siya sa kadaotan uban ang sublisubling pagbunal.+
12 Ako nahibalo gayod nga ipatuman ni Jehova+Ang legal nga katungod sa sinakit, ang paghukom sa mga kabos.+
13 Sa pagkatinuod ang mga matarong magapasalamat sa imong ngalan;+Ang mga matul-id magapuyo sa imong atubangan.+
