Salmo 59:1-17
Ngadto sa direktor. “Ayaw laglaga.” Iya ni David. Miktam. Sa dihang si Saul nagpasugo, ug sila nagpadayon pagbantay sa balay, aron sa pagpatay kaniya.+
59 Luwasa ako gikan sa akong mga kaaway, Oh Diyos ko;+Gikan niadtong motindog batok kanako panalipdan mo unta ako.+
2 Luwasa ako gikan sa mga mamumuhat sa butang nga makadaot,+Ug luwasa ako gikan sa mga tawong sad-an sa dugo.
3 Kay, tan-awa! sila nagbanhig alang sa akong kalag;+Ang mga kusgan miatake kanako,+Dili tungod sa akong kalapasan, ni sa bisan unsa nga akong sala, Oh Jehova.+
4 Bisan ug walay kasaypanan, sila modalagan ug mangandam.+Pagmata sa akong pagtawag ug tan-awa.+
5 Ug ikaw, Oh Jehova nga Diyos sa mga panon, mao ang Diyos sa Israel.+Pagmata ug iliso ang imong pagtagad sa tanang kanasoran.+Ayaw pakitaig kaluoy si bisan kinsa nga madaotong mga maluibon.+ Seʹlah.
6 Mopauli sila kanunay sa magabii;+Mopaghot sila kanunay sama sa usa ka iro+ ug magalibotlibot sa siyudad.+
7 Tan-awa! Sila nagapabugwak sa ilang baba;+Mga espada ang anaa sa ilang mga ngabil,+Kay kinsa ang nagapatalinghog?+
8 Apan ikaw, Oh Jehova, magakatawa kanila;+Imong himoon nga yubitonon ang tanang kanasoran.+
9 Oh Kusog ko, ako magatukaw kanimo;+Kay ang Diyos mao ang akong luwas nga hataas nga dapit.+
10 Ang akong Diyos sa mahigugmaong-kalulot moatubang kanako;+Ipatan-aw sa Diyos kanako ang akong mga kaaway.+
11 Ayaw sila patya, aron ang akong katawhan dili mahikalimot.+Pinaagi sa imong kusog papatlaaga sila,+Ug pukana sila, Oh Jehova nga among taming,+
12 Tungod sa sala sa ilang baba, sa pulong sa ilang mga ngabil;+Ug mabitik unta sila sa ilang garbo,+Bisan tungod sa pagtunglo ug panglimbong nga ilang ginasublisubli.
13 Tibawasa sila sa kaaligutgot;+Tibawasa sila, aron mawala na sila;Ug aron mahibalo sila nga ang Diyos nagamando sa Jacob ngadto sa mga kinatumyan sa yuta.+ Seʹlah.
14 Ug mobalik unta sila sa magabii;Ug mopaghot unta sila sama sa iro ug magalibotlibot sa siyudad.+
15 Magalatagaw unta sila aron mangita ug makaon;+Dili unta sila mabusog ni may kapahulayan sa tibuok gabii.+
16 Apan alang kanako, ako magaawit mahitungod sa imong kusog,+Ug sa pagkabuntag ako malipayong magahisgot mahitungod sa imong mahigugmaong-kalulot.+Kay ikaw nahimong usa ka luwas nga hataas nga dapit alang kanako+Ug usa ka dapit nga kadangpan sa adlaw sa akong kasakit.+
17 Oh Kusog ko, ako magaawit ug mga pagdayeg kanimo,+Kay ang Diyos mao ang akong luwas nga hataas nga dapit, ang akong Diyos sa mahigugmaong-kalulot.+
