Salmo 149:1-9
149 Dayega ninyo si Jah!+Pag-awit kang Jehova ug usa ka bag-ong awit,+Ang iyang pagdayeg diha sa kongregasyon sa mga maunongon.+
2 Magmaya unta ang Israel sa iyang Dakong Magbubuhat,+Ang mga anak sa Zion—magmalipayon unta sila sa ilang Hari.+
3 Ipadayeg nila ang iyang ngalan uban sa pagsayaw.+Duyog sa tamborin ug sa alpa paawita sila ug mga pagdayeg kaniya.+
4 Kay si Jehova nagakalipay sa iyang katawhan.+Siya nagapatahom sa mga maaghop uban sa kaluwasan.+
5 Magsadya unta ang mga maunongon diha sa himaya;Pahugyawa sila sa kalipay diha sa ilang mga higdaanan.+
6 Ang mga awit nga nagadayeg sa Diyos maanaa unta sa ilang tutonlan,+Ug maanaa sa ilang kamot ang espada nga duhay-sulab,+
7 Aron sa pagpanimalos sa mga nasod,+Mga pagbadlong sa nasodnong mga pundok,+
8 Aron sa paggapos sa ilang mga hari pinaagi sa mga talikala+Ug sa ilang mga dungganon pinaagi sa talikala nga puthaw,
9 Aron sa pagpahamtang diha kanila sa nahisulat nga hudisyal nga hukom.+Ang maong kahalangdon iya sa tanang maunongon kaniya.+Dayega ninyo si Jah!+
