Salmo 23:1-6
Usa ka salmo ni David.
23 Si Jehova mao ang akong Magbalantay.+Walay makulang kanako.+
2 Siya nagapahigda kanako sa mga sibsibanan nga malunhaw;+Siya nagatultol kanako sa daplin sa mga dapit-pahulayan nga maayong pagkatubig.+
3 Siya nagapabaskog sa akong kalag.+Siya nagaagak kanako sa mga alagianan sa pagkamatarong tungod sa iyang ngalan.+
4 Bisan kon magalakaw ako sa walog sa mabagang kangiob,+Ako walay kahadlokan nga daotan,+Kay ikaw magauban kanako;+Ang imong olisi ug ang imong sungkod maoy magapahupay kanako.+
5 Ikaw nag-andam ug usa ka lamesa sa atubangan niadtong nagapakitag pagkamabatokon kanako.+Ikaw naghiso ug lana sa akong ulo;+Ang akong kopa puno kaayo.+
6 Sa pagkamatuod ang pagkamaayo ug ang mahigugmaong-kalulot magasunod kanako sa tanang adlaw sa akong kinabuhi;+Ug ako magapuyo sa balay ni Jehova sa daghang mga adlaw.+
