Salmo 6:1-10
Ngadto sa direktor sa kinuldasan nga mga tulonggon sa mas ubos nga oktaba.+ Salmo ni David.
6 Oh Jehova, sa imong kasuko ayaw ako badlonga,+Ug sa imong kaaligutgot ayaw ako tul-ira.+
2 Pakitai akog kaluoy, Oh Jehova, kay ako nagkahigos.+Ayoha ako,+ Oh Jehova, kay nangatay-og ang akong mga bukog.
3 Oo, ang akong kalag nahasol gayod pag-ayo;+Ug ikaw, Oh Jehova—hangtod kanus-a?+
4 Balik,+ Oh Jehova, luwasa ang akong kalag;+Luwasa ako tungod sa imong mahigugmaong-kalulot.+
5 Kay sa kamatayon wala nay paghisgot kanimo;+Sa Sheol kinsa ang modayeg kanimo?+
6 Naluya ako sa akong pagpanghupaw;+Sa tibuok gabii gipalangoy ko ang akong higdaanan;+Ang akong kama gipabahaan ko sa akong mga luha.+
7 Gumikan sa kaguol nahanap ang akong mata,+Natigulang na kini tungod sa tanan nga nagpakitag pagkamabatokon kanako.+
8 Pahilayo kanako, kamong tanan nga mamumuhat sa butang nga makadaot,+Kay si Jehova magpatalinghog gayod sa tingog sa akong paghilak.+
9 Si Jehova magpatalinghog gayod sa akong paghangyo alang sa pabor;+Si Jehova modawat sa akong pag-ampo.+
10 Ang tanan kong mga kaaway mangaulaw+ ug mabalisa pag-ayo;Sila motalikod, sila maulawan sa kalit gayod.+
