Salmo 56:1-13
Ngadto sa direktor sa Hilom nga Salampati taliwala niadtong atua sa halayo. Iya ni David. Miktam. Sa dihang gidakop siya sa mga Filistehanon didto sa Gat.+
56 Pakitai ako ug kaluoy, Oh Diyos, tungod kay ang may-kamatayong tawo mibanghag kanako.+Nga nakig-away sa tibuok nga adlaw, siya nagalupig kanako.+
2 Ang akong mga kaaway nagpunay pagbanghag sa tibuok nga adlaw,+Kay daghan ang nakig-away nga mapahitas-on batok kanako.+
3 Sa bisan unsang adlaw nga mahadlok ako, ako magasalig gayod kanimo.+
4 Nga nahiusa sa Diyos pagadayegon ko ang iyang pulong.+Sa Diyos nagasalig ako; dili ako mahadlok.+Unsay arang mahimo sa unod batok kanako?+
5 Sa tibuok nga adlaw sila nagdaot kanunay sa akong mga kalihokan;Ang tanan nilang hunahuna maoy batok kanako alang sa kadaotan.+
6 Sila mosulong, sila magtago,+Sila magabantay kanunay sa akong mga tunob,+Samtang sila naghulat alang sa akong kalag.+
7 Tungod sa ilang pagkamadaoton isalikway sila.+Sa imong kasuko pukanon mo ang mga katawhan, Oh Diyos.+
8 Ang pagkahimo nakong usa ka kagiw imong gitala.+Isulod ang akong mga luha sa imong botelya nga panit.+Dili ba anaa man sila sa imong basahon?+
9 Nianang panahona mosibog ang akong mga kaaway, sa adlaw nga ako motawag;+Niini ako nahibalo pag-ayo, nga ang Diyos dapig kanako.+
10 Nga nahiusa sa Diyos+ pagadayegon ko ang iyang pulong;Nga nahiusa kang Jehova pagadayegon ko ang iyang pulong.+
11 Sa Diyos ako nagasalig. Dili ako mahadlok.+Unsay arang mahimo sa yutan-ong tawo kanako?+
12 Kanako, Oh Diyos, adunay mga panaad kanimo.+Igatanyag ko ang mga pahayag sa pagpasalamat kanimo.+
13 Kay giluwas mo ang akong kalag gikan sa kamatayon+—Dili ba giluwas man nimo ang akong mga tiil gikan sa pagkapandol?+—Aron magalakaw ako sa atubangan sa Diyos diha sa kahayag sa mga buhi.+
