Salmo 78:1-72
Maskil. Iya ni Asap.+
78 Patalinghogi, Oh akong katawhan, ang akong balaod;+Sa mga pulong sa akong baba ikiling ang inyong igdulungog.+
2 Pagabukhon ko ang akong baba sa usa ka panultihon;+Isulti ko ang mga tigmo sa dugay na kanhi,+
3 Nga atong nadungog ug nahibaloan,+Ug giasoy kanato sa atong mga amahan;+
4 Nga wala nato itago gikan sa ilang mga anak,+Nga ginaasoy kini bisan hangtod sa kaliwatan nga moabot,+Ang mga pagdayeg kang Jehova ug ang iyang kusog+Ug ang iyang katingalahang mga butang nga iyang nahimo.+
5 Ug nagpatungha siya ug usa ka pahinumdom diha kang Jacob,+Ug nagpahimutang siya ug usa ka balaod sa Israel,+Mga butang nga iyang gisugo sa atong mga katigulangan,+Aron ipahibalo ngadto sa ilang mga anak;+
6 Aron nga ang kaliwatan nga moabot, ang mga anak nga ipakatawo, makahibalo niini,+Aron nga sila mobangon ug moasoy niini ngadto sa ilang mga anak,+
7 Ug aron ikabutang nila ang ilang pagsalig diha sa Diyos+Ug dili mahikalimot sa mga binuhatan sa Diyos+ kondili magatuman sa iyang kasugoan.+
8 Ug dili sila mahimong sama sa ilang mga katigulangan,+Usa ka kaliwatan nga gahian ug masuklanon,+Usa ka kaliwatan nga wala mag-andam sa ilang kasingkasing+Ug kansang espiritu dili kasaligan sa Diyos.+
9 Ang mga anak ni Epraim, bisan tuod sinangkapan nga mga magpapana,+Nanibog sa adlaw sa pakig-away.+
10 Wala sila motuman sa pakigsaad sa Diyos,+Ug midumili sila sa pagsubay sumala sa iyang balaod.+
11 Nahikalimot usab sila sa iyang mga binuhatan+Ug sa iyang katingalahang mga buhat nga iyang gipakita kanila.+
12 Sa atubangan sa ilang mga katigulangan kahibulongan ang iyang nabuhat+Sa yuta sa Ehipto,+ sa kapatagan sa Zoan.+
13 Iyang gipikas ang dagat, aron sila makalabang,+Ug gipapondo niya ang katubigan nga sama sa usa ka diki.+
14 Ug nagpadayon siya sa pagtultol kanila pinaagi sa usa ka panganod sa maadlaw+Ug sa tibuok gabii pinaagi sa kahayag sa kalayo.+
15 Gipikas niya ang mga bato sa kamingawan,+Aron makapainom siya kanila nga madagayaon nga samag gikan sa halawom nga katubigan.+
16 Ug gikan sa dakong bato iyang gipaagos ang mga sapa+Ug gipadagayday ang katubigan sama sa mga suba.+
17 Ug nagpadayon gihapon sila sa pagpakasala batok kaniya+Pinaagi sa pagsukol batok sa Labing Hataas didto sa walay-tubig nga rehiyon;+
18 Ug gisulayan nila ang Diyos diha sa ilang kasingkasing+Pinaagi sa pagpangayo ug makaon alang sa ilang kalag.+
19 Busa sila misulti batok sa Diyos.+Sila miingon: “Makaarang ba ang Diyos sa pag-andam ug usa ka lamesa diha sa kamingawan?”+
20 Tan-awa! Gihapak niya ang usa ka bato+Aron moagay ang mga tubig ug mobaha ang kasapaan.+“Makaarang ba usab siya sa paghatag ug tinapay,+O makaandam ba siya ug makaon alang sa iyang katawhan?”+
21 Busa si Jehova nakadungog ug nasuko pag-ayo;+Ug ang kalayo misilaob batok kang Jacob,+Ug ang kasuko miulbo usab batok sa Israel.+
22 Kay wala sila magbutang ug pagtuo sa Diyos,+Ug wala sila mosalig sa iyang pagluwas.+
23 Ug gisugo niya ang nagdag-om nga kalangitan sa itaas,Ug gibuksan niya ang mga ganghaan sa langit.+
24 Ug nagpadayon siya sa pagpaulan kanilag mana aron pagakan-on,+Ug ang mga lugas gikan sa langit iyang gihatag kanila.+
25 Nangaon ang mga tawo sa tinapay sa mga gamhanan;+Gihatagan niya silag pagkaon hangtod sa pagkabusog.+
26 Gipahuros niya ang hangin nga timog diha sa kalangitan+Ug gipahuros ang hangin nga habagat pinaagi sa iyang kusog.+
27 Ug gipaulan niya kanila ang pagkaon sama sa abog,+Bisan ang pak-ang naglupad nga mga linalang sama sa balas sa kadagatan.+
28 Ug gipatugpa niya kini sa taliwala sa iyang kampo,+Diha sa katibuk-an sa iyang mga tabernakulo.+
29 Ug sila nangaon ug nagpakabusog sa hilabihan,+Ug gihatag niya kanila ang ilang gitinguha.+
30 Wala sila mobiya sa ilang tinguha,Samtang diha pa sa ilang baba ang ilang pagkaon,+
31 Sa dihang ang kapungot sa Diyos miulbo batok kanila.+Ug gipatay niya ang mga supang sa ilang taliwala;+Ug gipukan niya ang mga batan-ong lalaki sa Israel.
32 Bisan pa niining tanan sila nagpakasala pa gihapon+Ug wala magbutang ug pagtuo sa iyang katingalahang mga buhat.+
33 Busa gitapos niya ang ilang mga adlaw ingon sa hinungaw lamang,+Ug ang ilang katuigan pinaagi sa kasamok.
34 Sa matag higayon nga siya nagpatay kanila, sila nagpakisayod usab kaniya,+Ug sila namalik ug nangita sa Diyos.+
35 Ug nahinumdom sila nga ang Diyos mao ang ilang Bato,+Ug nga ang Diyos nga Labing Hataas mao ang ilang Tigpanimalos.+
36 Ug gisulayan nila ang paglimbong kaniya pinaagi sa ilang baba;+Ug pinaagi sa ilang dila gisulayan nila ang pagpamakak kaniya.+
37 Ug ang ilang kasingkasing dili maunongon kaniya;+Ug wala sila magmatinumanon sa iyang pakigsaad.+
38 Apan siya maluluy-on;+ siya nagtabon sa sayop+ ug wala manglaglag.+Ug sa daghang higayon gipahilayo niya ang iyang kasuko,+Ug wala niya pukawa ang bug-os niyang kaaligutgot.
39 Ug kanunay siyang nahinumdom nga sila mga unod lamang,+Nga ang espiritu mogula ug dili na mobalik.+
40 Pagkasubsob ang pagsukol nila batok kaniya didto sa kamingawan,+Ilang gipasakitan siya didto sa desyerto!+
41 Ug sublisubli nga ilang gisulayan ang Diyos,+Ug ilang gipasakitan bisan ang Balaang Usa sa Israel.+
42 Wala sila mahinumdom sa iyang kamot,+Sa adlaw nga gitubos niya sila gikan sa kaaway,+
43 Kon giunsa niya pagpakita sa iyang mga ilhanan didto sa Ehipto+Ug sa iyang mga milagro didto sa kapatagan sa Zoan;+
44 Ug kon giunsa niya paghimo nga dugo ang mga suba sa Nilo,+Aron dili sila makainom gikan sa ilang kaugalingong kasapaan.+
45 Gipadala niya kanila ang mga langaw, aron kini mag-ut-ot kanila;+Ug mga baki, aron kini makapangdaot kanila.+
46 Ug gihatag niya ang ilang abot ngadto sa mga uk-ok,Ug ang ilang gihagoan ngadto sa mga dulon.+
47 Gipatay niya ang ilang kaparasan pinaagi sa ulan nga yelo+Ug ang ilang mga kahoyng sikomoro pinaagi sa ulan nga yelo.+
48 Ug gitugyan niya ang ilang mga mananap nga luwanan ngadto sa ulan nga yelo+Ug ang ilang mga kahayopan ngadto sa taas kaayong hilanat.
49 Gipadangat niya kanila ang iyang nagdilaab nga kasuko,+Ang mabangis nga kasuko ug mahukmanong pagsaway ug kasakitan,+Ang tinudlo nga mga panon sa manulonda nga nagadalag katalagman.+
50 Nag-andam siya ug dalan sa iyang kasuko.+Wala niya pugngi ang ilang kalag gikan sa kamatayon;Ug gitugyan niya ang ilang kinabuhi ngadto sa kamatay.+
51 Sa kataposan gipatay niya ang tanang panganay sa Ehipto,+Ang sinugdanan sa ilang katakos sa pagsanay sa mga tolda ni Ham.+
52 Human niana gipabiya niya ang iyang katawhan sama sa panon sa mga karnero,+Ug gitultolan sila sama sa usa ka panon didto sa kamingawan.+
53 Ug siya nagpadayon sa pagtultol kanila diha sa kasegurohan, ug wala sila mobatig kahadlok;+Ug gitabonan sa dagat ang ilang mga kaaway.+
54 Ug gidala niya sila ngadto sa iyang balaang teritoryo,+Niining bukirong rehiyon nga nabatonan sa iyang tuong kamot.+
55 Ug tungod kanila inanay nga giabog niya ang mga nasod,+Ug gibahinbahin niya kanila ang panulondon+ pinaagi sa pising igsusukod,Mao nga gipapuyo niya ang mga tribo sa Israel sa kaugalingon nilang mga puloy-anan.+
56 Ug misugod sila sa pagsulay ug sa pagsukol batok sa Diyos nga Labing Hataas,+Ug wala sila motuman sa iyang mga pahinumdom.+
57 Kanunay usab sila nga motalikod ug nagmaluibon sama sa ilang mga katigulangan;+Mitipas sila sama sa usa ka luag nga busogan.+
58 Ug nagpadayon sila sa pagpasuko kaniya pinaagi sa ilang hatag-as nga mga dapit,+Ug pinaagi sa ilang kinulit nga mga larawan nagpadayon sila sa pag-aghat kaniya sa pagpangabugho.+
59 Ang Diyos nakadungog+ ug nasuko pag-ayo,+Ug gitamay niya sa hilabihan ang Israel.+
60 Ug sa kataposan gitalikdan niya ang tabernakulo sa Shilo,+Ang tolda nga iyang gipuy-an taliwala sa yutan-ong mga tawo.+
61 Ug gitugyan niya ang iyang kusog ngadto sa pagkabinihag+Ug ang iyang katahom ngadto sa kamot sa kaaway.+
62 Ug gitugyan niya ang iyang katawhan ngadto sa espada,+Ug siya nasuko pag-ayo batok sa iyang panulondon.+
63 Ang iyang mga batan-ong lalaki gilamoy sa kalayo,Ug wala hatagig pagdayeg ang iyang mga ulay.+
64 Kon bahin sa iyang mga saserdote, sila nangapukan pinaagi sa espada,+Ug wala mohilak ang ilang mga balo nga babaye.+
65 Unya nahigmata si Jehova nga samag gikan sa pagkatulog,+Sama sa usa ka tawong gamhanan nga nahuwasan sa bino.+
66 Ug gipamatay niya ang iyang mga kaaway sa likod;+Gihatag niya kanila ang kaulawan hangtod sa panahong walay tino.+
67 Ug gisalikway niya ang tolda ni Jose;+Ug ang tribo ni Epraim wala niya pilia.+
68 Apan gipili niya ang tribo ni Juda,+Ang Bukid sa Zion, nga iyang gihigugma.+
69 Ug gitukod niya ang iyang sangtuwaryo sama sa mga kahitas-an,+Sama sa yuta nga iyang gitukod hangtod sa panahong walay tino.+
70 Ug busa gipili niya si David nga iyang alagad+Ug gikuha siya gikan sa mga toril sa mga karnero.+
71 Gikan sa pagsunod sa mga karnero nga baye nga nagpasuso+Gidala niya siya aron mahimong magbalantay kang Jacob nga iyang katawhan+Ug kang Israel nga iyang panulondon.+
72 Ug gibantayan niya sila sumala sa integridad sa iyang kasingkasing,+Ug gitultolan niya sila pinaagi sa kabatid sa iyang mga kamot.+
