Salmo 63:1-11
Usa ka salmo ni David, sa dihang didto siya sa kamingawan sa Juda.+
63 Oh Diyos, ikaw mao ang akong Diyos, sa kanunay ginapangita ko ikaw.+Ang akong kalag ginauhaw kanimo.+Tungod kanimo ang akong unod naluya gumikan sa kahidlawDiha sa usa ka yuta nga mamala ug umaw, diin walay tubig.+
2 Busa nakita ko ikaw sa balaang dapit,+Sa pagkakita sa imong kusog ug sa imong himaya.+
3 Tungod kay ang imong mahigugmaong-kalulot mas maayo pa kay sa kinabuhi,+Ang akong mga ngabil magadayeg kanimo.+
4 Busa dayegon ko ikaw sa tibuok kong kinabuhi;+Sa imong ngalan bayawon ko ang akong mga kamot.+
5 Ingon sa kinamaayohang bahin, ang matambok gayod, ang akong kalag matagbaw,+Ug uban sa mga ngabil nga nagahugyaw sa kalipay ang akong baba magahatag ug pagdayeg.+
6 Sa dihang mahinumdom ako kanimo sa akong higdaanan,+Panahon sa mga pagbantay sa gabii mamalandong ako kanimo.+
7 Kay ikaw mao ang akong katabang,+Ug sa landong sa imong mga pako magahugyaw ako nga malipayon.+
8 Ang akong kalag nagsunod pag-ayo kanimo;+Ang imong tuong kamot hugot nga naghawid kanako.+
9 Kon bahin kanila nga nagapangita sa akong kalag aron sa paglaglag niini,+Mahiadto sila sa kinaubsang mga bahin sa yuta.+
10 Igatugyan sila ngadto sa gahom sa espada;+Sila mahimong tipik lamang sa pagkaon alang sa mga irong ihalas.+
11 Ug ang hari magamaya diha sa Diyos.+Ang matag usa nga nagapanumpa pinaagi kaniya magapasigarbo,+Kay pagatak-omon ang baba sa mga nagasulti ug kabakakan.+
