Salmo 76:1-12
Ngadto sa direktor sa kinuldasang mga tulonggon. Usa ka salmo. Iya ni Asap.+ Usa ka awit.
76 Ang Diyos nailhan sa Juda;+Sa Israel dako ang iyang ngalan.+
2 Ug ang iyang tagoanan atua sa Salem,+Ug ang iyang puloy-anang dapit atua sa Zion.+
3 Didto gibali niya ang nagadilaab nga mga udyong sa busogan,+Ang taming ug ang espada ug ang pakiggubat.+ Seʹlah.
4 Giliminan ka sa kahayag, nga labi pang mahimayaon kay sa mga bukid sa pangayam.+
5 Ang mga gamhanan sa kasingkasing gipang-agawan,+Sila nagduka hangtod nga sila nahikatulog,+Ug walay usa sa tanang maisog nga mga tawo nga nakakaplag sa ilang mga kamot.+
6 Tungod sa imong pagbadlong, Oh Diyos ni Jacob, ang magkakaro ug ang kabayo nahinanok.+
7 Ikaw—ikaw makalilisang kaayo,+Ug kinsa ang makabarog sa imong atubangan tungod sa kusog sa imong kasuko?+
8 Gikan sa langit gipadungog mo ang buroka;+Ang yuta nahadlok ug wala maglihok+
9 Sa dihang mitindog ang Diyos aron sa paghukom,+Aron sa pagluwas sa tanang maaghop sa yuta.+ Seʹlah.
10 Kay pagadayegon ka sa kaaligutgot sa tawo;+Igabakos mo ang nahibilin sa kaaligutgot.
11 Panaad kamo ug bayri si Jehova nga inyong Diyos, kamong tanan nga naglibot kaniya.+Padad-a sila ug gasa uban ang kahadlok.+
12 Iyang ipaubos ang espiritu sa mga pangulo;+Alang sa mga hari sa yuta siya makalilisang.+
