Salmo 104:1-35
104 Dayega si Jehova, Oh kalag ko.+Oh Jehova nga akong Diyos, ikaw dako kaayo.+Gibestihan mo ang imong kaugalingon sa dignidad ug pagkahalangdon,+
2 Nga ginabukotan mo ang imong kaugalingon sa kahayag ingon nga besti,+Nga ginabuklad ang kalangitan sama sa usa ka tabil sa tolda,+
3 Ang Usa nga nagatukod sa iyang mga lawak sa itaas nga may mga sagbayan diha sa katubigan,+Nga nagahimo sa mga panganod nga iyang karo,+Nga nagalakaw ibabaw sa mga pako sa hangin,+
4 Nga nagahimo sa iyang mga manulonda nga mga espiritu,+Sa iyang mga alagad nga nagalamoy nga kalayo.+
5 Gitukod niya ang yuta ibabaw sa pihong mga dapit niini;+Kini dili matarog hangtod sa panahong walay tino, o hangtod sa kahangtoran.+
6 Gitabonan mo kini sa halawom nga katubigan sama sa usa ka besti.+Ang katubigan nahiluna sa ibabaw sa kabukiran.+
7 Sa imong pagbadlong sila nangalagiw;+Sa tingog sa imong dalugdog nanalagan sila sa kalisang—
8 Ang mga bukid nanggimaw,+Ang mga patag sa walog naunlod—Ngadto sa dapit nga imong gitukod alang kanila.
9 Gibutang mo ang usa ka utlanan, aron dili sila molabang niana,+Aron dili sila motabon pag-usab sa yuta.+
10 Nagapadala siya ug mga tubod ngadto sa mga bul-oganang walog;+Sa taliwala sa kabukiran sila nagaagos.
11 Magapainom sila kanunay sa tanang ihalas nga mananap sa kapatagan;+Ang mga sebra+ kanunayng magatagbaw sa ilang kauhaw.
12 Ang molupad nga mga linalang sa kalangitan mamatog sa ibabaw nila;+Gikan sa taliwala sa labong nga kadahonan magahoni sila.+
13 Siya nagabisibis sa kabukiran gikan sa iyang mga lawak sa itaas.+Tungod sa mga bunga sa imong mga buhat ang yuta natagbaw.+
14 Siya nagapatubo sa lunhawng balili alang sa mga mananap,+Ug sa mga tanom alang sa tawo,+Aron magpatungha ug pagkaon gikan sa yuta,+
15 Ug bino nga makapalipay sa kasingkasing sa may-kamatayong tawo,+Sa pagpasinaw sa nawong pinaagi sa lana,+Ug tinapay nga makapalig-on sa kasingkasing sa may-kamatayong tawo.+
16 Ang mga kahoy ni Jehova nangatagbaw,Ang mga sedro sa Lebanon nga iyang gitanom,+
17 Diin didto ang kalanggaman magabuhat ug mga salag.+Kon bahin sa cigueña, ang mga kahoyng junipero mao ang iyang balay.+
18 Ang hatag-as nga kabukiran+ maoy alang sa mga kanding sa bukid;+Ang mga dagkong bato maoy dalangpanan sa mga koneho sa kabatoan.+
19 Gibuhat niya ang bulan alang sa tinudlong mga panahon;+Ang adlaw nahibalo pag-ayo kon asa kini mosalop.+
20 Gipahinabo mo ang kangitngitan, aron mahimo kining gabii;+Nga niana manggula ang tanang ihalas nga mga hayop sa lasang.
21 Ang may-lambungay nga nating mga leyon nagangulob alang sa tukbonon+Ug sa pagpangita sa ilang pagkaon gikan sa Diyos.+
22 Sa pagsidlak sa adlaw+—sila mamalikUg sila molubog diha sa ilang mga dapit nga tagoanan.
23 Ang tawo moadto sa iyang buluhaton+Ug sa iyang trabaho hangtod sa kagabhion.+
24 Pagkadaghan sa imong mga buhat, Oh Jehova!+Sa kaalam gibuhat mo silang tanan.+Ang yuta napuno sa imong mga binuhat.+
25 Kon bahin nianang dagat nga dako kaayo ug halapad,+Anaa niana ang dili maihap nga nagalihok nga mga linalang,+Mga buhing linalang, gagmay ug dagko.+
26 Didto magalawig ang mga barko;+Kon bahin sa Leviatan,+ siya imong gibuhat aron magdula diha niana.+
27 Silang tanan—sila nagahulat kanimo+Aron hatagan sila sa ilang pagkaon sa ilang panahon.+
28 Kon unsay imong ihatag kanila ilang kuhaon.+Ginabukhad mo ang imong kamot—matagbaw sila sa maayong mga butang.+
29 Kon tagoan mo ang imong nawong, mabalisa sila.+Kon kuhaon mo ang ilang espiritu, mabugtoan sila ug gininhawa,+Ug mobalik sila ngadto sa abog.+
30 Kon ipadala mo ang imong espiritu, malalang sila;+Ug imong ginabag-o ang nawong sa yuta.
31 Ang himaya ni Jehova maoy hangtod sa panahong walay tino.+Si Jehova malipay sa iyang mga buhat.+
32 Siya nagatan-aw sa yuta, ug kini mokurog;+Siya nagatandog sa kabukiran, ug sila moaso.+
33 Ako magaawit kang Jehova sa tibuok kong kinabuhi;+Ako magaawit ug mga pagdayeg sa akong Diyos samtang ako buhi.+
34 Ang akong pagpamalandong kaniya makapahimuot unta.+Ako, sa akong bahin, magkalipay diha kang Jehova.+
35 Ang mga makasasala matibawas gikan sa yuta;+Ug kon bahin sa mga daotan, sila mawala na.+Dayega si Jehova, Oh kalag ko. Dayega ninyo si Jah!+
