Salmo 4:1-8
Ngadto sa direktor sa kinuldasan nga mga tulonggon.+ Salmo ni David.
4 Sa dihang magatawag ako, tubaga ako, Oh Diyos ko nga matarong.+Sa kasakitan itagana kanako ang haluag nga luna.Pakitai akog pabor+ ug dungga ang akong pag-ampo.
2 Kamong mga anak sa mga tawo, hangtod kanus-a nga ang akong himaya+ pasipalahan,Samtang kamo nagpadayon sa paghigugma sa walay-pulos nga mga butang,Samtang kamo nagpadayon sa pagpangita ug kabakakan? Seʹlah.
3 Busa hibaloi nga si Jehova makaila gayod sa tawo nga maunongon kaniya;+Si Jehova magpatalinghog sa dihang magatawag ako kaniya.+
4 Mapikal kamo, apan ayaw pagpakasala.+Makigsulti kamo sa inyong kasingkasing, diha sa inyong higdaanan,+ ug maghilom kamo. Seʹlah.
5 Ihalad ang mga halad sa pagkamatarong,+Ug salig kang Jehova.+
6 Daghan ang nagaingon: “Kinsa ang magpakita kanato sa maayo?”Ibanwag ang kahayag sa imong nawong ibabaw kanamo,+ Oh Jehova.
7 Ikaw makapalipay gayod sa akong kasingkasing+Labaw pa kay sa panahon nga midaghan ang ilang lugas ug ang ilang bag-ong bino.+
8 Sa kalinaw mohigda ug matulog ako,+Kay ikaw lamang, Oh Jehova, ang nagpapuyo kanako sa kasegurohan.+
