Salmo 65:1-13
Ngadto sa direktor. Usa ka salmo ni David. Usa ka awit.
65 Alang kanimo adunay pagdayeg—kahilom—, Oh Diyos, sa Zion;+Ug nganha kanimo pagabayran ang panaad.+
2 Oh Tigpatalinghog sa pag-ampo, nganha kanimo moduol ang tanang matang sa katawhan.+
3 Ang mga kasaypanan nahimong gamhanan pa kay kanako.+Kon bahin sa among mga kalapasan, ikaw magatabon kanila.+
4 Malipayon ang tawo nga imong pilion ug paduolon,+Aron makapuyo siya diha sa imong mga sawang.+Magmatagbawon gayod kami sa maayong mga butang sa imong balay,+Ang balaang dapit sa imong templo.+
5 Uban sa makalilisang nga mga butang diha sa pagkamatarong ikaw motubag kanamo,+Oh Diyos sa among kaluwasan,+Ang Pagsalig sa tanang utlanan sa yuta ug kanila nga atua sa halayo sa ibabaw sa kadagatan.+
6 Siya lig-ong nagatukod sa mga bukid pinaagi sa iyang gahom;+Siya gibaksan gayod ug pagkagamhanan.+
7 Siya nagapahilom sa kabanha sa kadagatan,+Sa kinasa sa ilang mga balod ug sa kaguliyang sa nasodnong mga pundok.+
8 Ug ang mga molupyo sa kinalay-ang mga bahin mahadlok sa imong mga ilhanan;+Ang mga pag-abot sa kabuntagon ug sa kagabhion gipahugyaw mo sa kalipay.+
9 Giliso mo ang imong pagtagad sa yuta, aron kahatagan mo kini ug kadagaya;+Gibuhong mo kini pag-ayo.Ang sapa nga gikan sa Diyos napuno ug tubig.+Giandam mo ang ilang mga lugas,+Kay ingon niana ang imong pag-andam sa yuta.+
10 Ginabasa pag-ayo ang mga tudling niini, ginapatag ang mga bugon niini;+Pinaagi sa dagayang mga taligsik ginapahumok mo kini; ginapanalanginan mo ang mga nanurok niini.+
11 Ikaw nagpurongpurong sa tuig sa imong pagkamaayo,+Ug ang imong mga alagianan nagtulo sa katambok.+
12 Ang mga sibsibanan sa kamingawan nagtulo sa kanunay,+Ug ang mga bungtod mismo ginabaksan sa kalipay.+
13 Ang mga sibsibanan nabestihan sa mga panon sa kahayopan,+Ug natabonan sa mga tanom nga lugason ang ubos nga kapatagan.+Sila magasinggit sa kadaogan, oo, sila magaawit.+
