Salmo 62:1-12
Para sa direktor nin musika; nasa istilong Jedutun.* Salmo ni David.
62 Tunay nanggad, silensiyo akong naghahalat* sa Diyos.
Hali sa saiya an kaligtasan ko.+
2 Tunay nanggad, siya an sakong gapo asin sakong kaligtasan, an sakong ligtas na pailihan;*+Dai ako matatanyog nin grabe nuarin man.+
3 Sagkod nuarin nindo aatakihon an sarong tawo tanganing gadanon siya?+
Gabos kamo peligroso siring sa tagilid nang pader,* sarong pader na gapo na madali nang matumba.
4 Huli ta nag-uurulay-ulay sinda tanganing pabagsakon siya sa halangkaw niyang posisyon;*Ikinakaugma ninda an pagputik.
Paagi kan saindang nguso, nagpapahayag sinda nin bendisyon, pero sa kalaog-laugi ninda nagmamaldisyon sinda.+ (Selah)
5 Tunay nanggad, silensiyo akong naghahalat sa Diyos*+Huling hali sa saiya an paglaom ko.+
6 Tunay nanggad, siya an sakong gapo asin sakong kaligtasan, an sakong ligtas na pailihan;Dai ako matatanyog nuarin man.+
7 Sa Diyos nakadepende an sakong kaligtasan asin an sakong kamurawayan.
An sakong masarig na gapo, an sakong pailihan, iyo an Diyos.+
8 Magtiwala kamo sa saiya sa gabos na panahon, O banwaan.
Sabihon* nindo sa saiya an laog kan saindong puso.+
An Diyos sarong pailihan para sa sato.+ (Selah)
9 An mga aki nin tawo sarong hinangos sana,An mga aki nin katawuhan sarong imahinasyon.+
Pag sarabay sindang ibugtak sa timbangan, mas magian pa sinda kisa sa sarong hinangos sana.+
10 Dai kamo magtiwala sa pangingikilO maglaom sa panghahabon.
Kun magdakul an kayamanan nindo, dai nindo isentro diyan an saindong puso.+
11 Nagtaram kaidto an Diyos, duwang beses ko na ining nadangog:
Na sa Diyos an kakusugan.+
12 Siring man, sadiri mo an maimbod na pagkamuot, O Jehova,+Huling tinatawan mo nin balos an lambang saro sigun sa mga gibo niya.+
Mga Nota
^ O “an kalag ko silensiyong naghahalat.”
^ O “ligtas na kalangkawan.”
^ O posibleng “Kamo gabos, na garo baga saro siyang nakatagilid nang pader.”
^ O “tanganing halian siya nin dignidad.”
^ O “silensiyo kang maghalat sa Diyos, O kalag ko.”
^ O “Iula.”
