Salmo 81:1-16
Para sa direktor nin musika; nasa Gittith.* Salmo ni Asaf.+
81 Magkurahaw na may kagaya-gayahan sa Diyos na satuyang kusog.+
Magkurahaw na may labi-labing kaugmahan asin mag-urumaw sa Diyos ni Jacob.
2 Punan nindo an musika asin kumua nin tamburin,Nin arpa na magayon an tanog kaiba an instrumentong de-kuwerdas.
3 Patanugon an hamudyong sa bagong bulan,+Sa kabilugan kan bulan, para sa aldaw kan satong kapiyestahan.+
4 Huli ta saro ining pagbuot sa Israel,Sarong ipinapautob na desisyon kan Diyos ni Jacob.+
5 Inestablisar niya iyan tanganing magserbing pagirumdom ki Jose+Kan Siya magluwas laban sa daga nin Ehipto.+
Nakadangog ako nin boses na dai ko mabisto:*
6 “Kinua ko an pasan sa saiyang abaga;+Kinua ko an basket sa mga kamot niya.
7 Nag-apod ka kan ika nasasakitan, asin ilinigtas taka;+Sinimbag taka hali sa maitom asin mahibog na panganuron na may kikilat saka daguldol.*+
Binalo taka duman sa tubig kan Meriba.*+ (Selah)
8 Magdangog ka, banwaan ko, asin mapatotoo ako laban sa saimo.
O Israel, kun magdadangog ka lamang sa sako.+
9 Dai magkakaigwa nin ibang diyos sa tahaw mo,Asin dai ka maduko sa diyos kan ibang nasyon.+
10 Ako, si Jehova, an saimong Diyos,An saro na nagluwas sa saimo sa daga nin Ehipto.+
Ibuka mong marhay an saimong nguso, asin iyan papanuon ko.+
11 Alagad dai nagdangog sa boses ko an sakong banwaan;Habong magpasakop sa sako kan Israel.+
12 Kaya pinabayaan ko sindang sunudon an sutil na puso ninda;Ginibo ninda kun ano an sa paghuna nindang tama.*+
13 Kun magdangog lang kuta sa sako an sakong banwaan,+Kun maglakaw lang kuta sa mga dalan ko an Israel!+
14 Dadaugon ko tulos an saindang mga kalaban;Papadusahan ko an* saindang mga kaiwal.+
15 Idtong mga nauungis ki Jehova nakarukrok na madurulok sa saiyang atubangan,Asin an saindang kaaabtan* magigin sagkod lamang.
16 Alagad papakakanon ka niya* nin pinakamarahay na klase* nin trigo+Asin babasugon ka niya nin tangguli* hali sa gapo.”+
Mga Nota
^ O posibleng “nin lengguwahe na dai ko masabutan.”
^ Sa literal, “sa nakatagong lugar nin daguldol.”
^ Nangangahulugan na “Pakikipag-iwal.”
^ Sa literal, “Naglakaw sinda sa saindang mga sadol.”
^ O “Ibabaling ko an sakong kamot laban sa.”
^ Sa literal, “panahon.”
^ Sa literal, “papakakanon niya siya,” an buot sabihon, an banwaan nin Diyos.
^ Sa literal, “nin taba.”
^ O “dugos.”
