Salmo 46:1-11
Para sa direktor nin musika. Salmo kan mga aki ni Kora.+ Sigun sa istilong Alamoth.* Sarong kanta.
46 An Diyos iyo an satong pailihan asin kakusugan,+Sarong tabang na makukua tulos sa mga panahon nin kasakitan.+
2 Iyan an dahilan kaya dai kita matatakot, dawa pa magbago an daga,Dawa pa magbaralintong an kabukidan pasiring sa kairaruman kan kadagatan,+
3 Dawa pa maghagubuhob asin mag-alimbukay an katubigan kaiyan,+Dawa pa magkataranyog an kabukidan huli sa grabeng mga pag-alon kaiyan. (Selah)
4 Igwa nin sarong salog na an mga sanga kaiyan nagpapaugma sa siyudad nin Diyos,+Sa dakulang banal na tabernakulo kan Kahuruhalangkawi.
5 An Diyos yaon sa siyudad;+ dai iyan kayang pabagsakon.
Tatabangan iyan nin Diyos pag-abot nin maagahon.+
6 An mga nasyon nagkariribok, an mga kahadian buminaragsak;Saiyang kinusugan an boses niya, asin an daga natunaw.+
7 Si Jehova na pamayo nin mga hukbo nasa satong kaibanan;+An Diyos ni Jacob iyo an satong ligtas na pailihan.* (Selah)
8 Madya asin hilinga nindo an mga ginigibo ni Jehova,Kun paano siya naggibo nin makangangalas na mga bagay sa daga.
9 Pinapapundo niya an mga giyera sa bilog na daga.+
Binabari niya an pana asin pinuputol-putol an garod;*Sinusulo niya an mga karetang panggiyera.*
10 “Magpasakop kamo asin midbidon nindo na ako an Diyos.
Papamurawayon ako sa tahaw kan mga nasyon;+Papamurawayon ako sa daga.”+
11 Si Jehova na pamayo nin mga hukbo nasa satong kaibanan;+An Diyos ni Jacob sarong ligtas na pailihan para sa sato.+ (Selah)
