Salmo 9:1-20
Para sa direktor nin musika; nasa Muth-labben.* Salmo ni David.
א Aleph]
9 Uumawon taka, O Jehova, nin bilog kong puso;Isasaysay ko an manungod sa gabos mong makangangalas na gibo.+
2 Mag-uugma ako asin maggagaya-gaya huli sa saimo;Makanta ako nin mga pag-umaw* sa pangaran mo, O Kahuruhalangkawi.+
ב Beth]
3 Pag mag-atras an sakong mga kalaban,+Matutumba sinda asin mapapara sa saimong atubangan.
4 Huli ta idinedepensa mo an matanos kong ipinaglalaban;Tuminukaw ka sa saimong trono asin naghuhukom na may katanusan.+
ג Gimel]
5 Sinaway mo an mga nasyon+ asin linaglag an mga maraot,Pinara mo an saindang pangaran sagkod nuarin pa man.
6 An kalaban linaglag na sagkod lamang;Ginabot mo an saindang mga siyudad,Asin gabos na bagay manungod sa sainda dai na magigirumduman pa.+
ה He]
7 Pero si Jehova magdadanay na nakatukaw sa trono sagkod lamang;+Marigon niyang inestablisar an saiyang trono alang-alang sa hustisya.+
8 An iniistaran na daga* huhukuman niya nin may katanusan;+Mapaluwas siya nin matanos na desisyon sa mga kaso kan mga nasyon.+
ו Waw]
9 Si Jehova magigin sarong ligtas na pailihan* para sa mga inaapi,+Sarong ligtas na pailihan sa mga panahon nin kasakitan.+
10 An mga nakakamidbid sa saimong pangaran magtitiwala sa saimo;+Dai mo nuarin man babayaan, O Jehova, an mga naghahanap sa saimo.+
ז Zayin]
11 Magkanta kamo nin mga pag-umaw ki Jehova, na nag-iirok sa Sion;Ipaisi nindo sa mga banwaan an saiyang mga gibo.+
12 Huli ta an Saro na parabalos kan saindang dugo ginigirumdom sinda;+Dai niya lilingawan an pag-agrangay kan mga nagsasakit.+
ח Heth]
13 Mahirak ka sako, O Jehova; hilinga an pagpapasakit sa sako kan mga nauungis sa sakuya,Ika na minahawas sa sako sa mga trangkahan nin kagadanan,+
14 Para maihayag ko sa mga trangkahan kan aking babayi nin Sion an kaumaw-umaw mong mga gibo,+Asin ikaugma ko an mga pagliligtas na ginigibo mo.+
ט Teth]
15 An mga nasyon luminubog sa ginibo nindang kalot;An mismong mga bitis ninda nasiod sa itináon* nindang hikot.+
16 Midbid si Jehova sa paghukom na ginigibo niya.+
An maraot nasiod sa gibo kan sadiri niyang mga kamot.+
Higgaion.* (Selah)
י Yod]
17 Maatras pasiring sa Lubungan* an mga maraot,An gabos na nasyon na liningawan an Diyos.
18 Pero an dukha dai magdadanay na nalilingawan;+
Asin an paglaom kan mga mahuyo dai mapapara nuarin man.+
כ Kaph]
19 Tumindog ka, O Jehova! Dai mo pagtugutan na manggana an tawong mortal.
Lugod na an mga nasyon hukuman sa saimong atubangan.+
20 Papangyarihon mong magkatarakot sinda, O Jehova,+Pabayaing maaraman kan mga nasyon na sinda mga tawong mortal sana. (Selah)
