Sairisay an puwedeng mag-atender?

Welcome an gabos. Puwede mong imbitaran an saimong mga amigo asin iiba an saimong pamilya.

Gurano kalawig an programa?

Mga sarong oras iyan.

Sain iyan gigibuhon?

Kontakon an mga Saksi ni Jehova sa lugar nindo para sa mga detalye.

May bayad daw an pag-atender o may obligasyon ka na dapat gibuhon?

Mayo.

Igwa daw nin pangungulekta?

Mayo. Dai kami nuarin man nangungulekta sa samong mga pagtiripon.—Mateo 10:8.

Ano an kaipuhan na isulot?

Mayo man nin espesipikong mga kahagadan kun manungod sa pagbado sa okasyon na ini. Pero, hinihinguwa kan mga Saksi ni Jehova na magbado sa paaging nagpapahiling nin paggalang sa sagradong okasyon na ini.

Ano an mga ginigibo sa Memoryal?

May itataong sarong nakakapakusog na pahayag manungod sa kahalagahan kan kagadanan ni Jesus asin sa kun paano kita makikinabang sa ginibo nin Diyos saka ni Cristo para sa sato. Mapuon saka matapos an programa paagi sa kanta asin pamibi.

Para sa dagdag na mga detalye, hilingon an artikulong “Taano ta Bakong Arog sa Ibang Relihiyon an Paagi nin Paggirumdom kan Mga Saksi ni Jehova sa Pamanggihan kan Kagurangnan?”

Nuarin gigibuhon an masurunod na Memoryal?

2027: Lunes, Marso 22

2028: Domingo, Abril 9

2029: Huwebes, Marso 29