Salmo 3:1-8
An salmo ni David kan siya nagdudulag sa aki niyang si Absalom.+
3 O Jehova, taano ta nagdadakul na marhay an kalaban ko?+
Taano ta dakulon an minatumang sa sako?+
2 Dakul an nagsasabi manungod sa sako:*
“Dai siya ililigtas nin Diyos.”+ (Selah)*
3 Alagad ika, O Jehova, saro kang kalasag sa palibot ko,+Ika an sakong kamurawayan+ asin an Saro na nag-iitaas kan sakong payo.+
4 Maapod ako ki Jehova,Asin sisimbagon niya ako hali sa saiyang banal na bukid.+ (Selah)
5 Mahigda ako asin maturog;Asin ligtas akong mamata,Huling padagos akong inaalalayan ni Jehova.+
6 Dai ako natatakot sa manampulong riniboNa mga nakapuwesto sa palibot laban sa sako.+
7 Tumindog ka, O Jehova! Iligtas mo ako,+ O sakuyang Diyos!
Huling papatamaan mo sa panga an gabos kong kalaban;Titiripakon mo an mga ngipon kan mga maraot.+
8 Yaon ki Jehova an kaligtasan.+
Binebendisyunan mo an saimong banwaan. (Selah)
