Salmo 56:1-13
Para sa direktor nin musika; nasa tono kan “An Silensiyong Salampati na Nasa Harayo.” Salmo ni David. Sarong Miktam.* Kan madakop siya kan mga Filisteo sa Gat.+
56 Kahirakan mo ako, O Diyos, ta inaatake* ako nin tawong mortal.
Bilog na aldaw sindang padagos na nakikipaglaban asin nang-aapi sa sako.
2 Bilog na aldaw akong padagos na pigtatakab kan sakong mga kalaban;Dakul an nakikipaglaban sa sako nin may kapalangkawan.
3 Pag natatakot ako,+ nagtitiwala ako sa saimo.+
4 Sa Diyos—na an tataramon inuumaw ko—Sa Diyos ako nagtitiwala; dai ako natatakot.
Ano an magigibo sa sako nin tawo* man sana?+
5 Bilog na aldaw nindang padagos na dinadanyaran an sakong mga ginigibo;Mayo sindang ibang iniisip kundi gibuhan ako nin maraot.+
6 Nagtatago sinda tanganing umatake;Minamanmanan ninda an lambang lakad ko,+Na naglalaom na magagadan ninda ako.*+
7 Isikwal mo sinda huli sa saindang karatan.
Ibagsak mo an mga nasyon huli sa saimong kaanggutan, O Diyos.+
8 Sinusubaybayan mo an paglagaw-lagaw ko.+
Tipunon mo an sakong mga luha sa saimong lalagan na anit.+
Bako daw na nakasurat an mga iyan sa saimong libro?+
9 Maaratras an sakong mga kalaban sa aldaw na mag-apod ako para maghagad nin tabang.+
Ini an pinananarigan ko: An Diyos nasa kampi ko.+
10 Sa Diyos—na an tataramon inuumaw ko—Ki Jehova—na an tataramon inuumaw ko—
11 Sa Diyos ako nagtitiwala; dai ako natatakot.+
Ano an magigibo sa sako nin tawo man sana?+
12 May mga promesa ako sa saimo na dapat na utubon ko, O Diyos;+Madulot ako nin mga kapahayagan nin pasasalamat sa saimo.+
13 Huli ta ilinigtas mo ako* hali sa kagadanan+Asin ilinikay mo an mga bitis ko sa pagkasingkog,+Tanganing makalakaw ako sa atubangan nin Diyos sa liwanag kan mga buhay.+
