Salmo 13:1-6
Para sa direktor nin musika. Salmo ni David.
13 Sagkod nuarin mo ako lilingawan, O Jehova? Sagkod lamang?
Sagkod nuarin mo itatago sa sako an saimong lalawgon?+
2 Sagkod nuarin ako* magkakaigwa nin kahaditan,Na may grabeng kamunduan sa sakong puso sa kada aldaw?
Sagkod nuarin ako madadaog kan sakong kalaban?+
3 Maghiling ka sako asin simbagon mo ako, O Jehova na sakuyang Diyos.
Tawan mo nin liwanag an sakong mga mata, tanganing dai ako magturog sa kagadanan,
4 Tanganing dai makapagsabi an sakong kalaban: “Nadaog ko siya!”
Dai mo pagtugutan na mag-urugma an sakong mga kalaban huli sa sakong pagbagsak.+
5 Pero ako, nagtitiwala ako sa maimbod na pagkamuot mo;+Mag-uugma an puso ko sa mga pagliligtas na saimong ginigibo.+
6 Makanta ako ki Jehova, huli ta dakulang balos an itinao niya sa sakuya.*+
