Salmo 112:1-10
112 Umawon nindo si Jah!*+
א [Aleph]
Maugma an tawo na may pagkatakot ki Jehova,+ב [Beth]Na ikinakaugmang marhay an mga tugon niya.+
ג [Gimel]
2 An saiyang mga gikan magigin makapangyarihan sa daga,ד [Daleth]Asin an kapag-arakian* nin mga matanos bebendisyunan.+
ה [He]
3 Mahahalagang rugaring asin kayamanan an yaon sa harong niya,ו [Waw]Asin an saiyang katanusan nagpapadagos sagkod lamang.
ז [Zayin]
4 Minasirang siya sa mga matanos nin siring sa sarong liwanag sa kadikluman.+ח [Heth]Mapagmalasakit siya* asin mahihirakon+ saka matanos.
ט [Teth]
5 Napaparahay an tawong bukas-palad* na nagpapasubli.+
י [Yod]
Isinasagibo niya an saiyang mga aktibidad nin may hustisya.
כ [Kaph]
6 Dai siya nuarin man matatanyog.+
ל [Lamed]
An matanos gigirumdumon sagkod lamang.+
מ [Mem]
7 Dai siya matatakot sa maraot na bareta.+
נ [Nun]
An saiyang puso marigon, nagtitiwala ki Jehova.+
ס [Samekh]
8 An saiyang puso dai natatanyog;* dai siya natatakot;+ע [Ayin]Sa huri, hihilingon niyang may dakulang kaugmahan an pagbagsak kan saiyang mga kalaban.+
פ [Pe]
9 Nagdistribwir siya nin abunda;* nagtao siya sa mga dukha.+
צ [Tsade]
An saiyang katanusan nagpapadagos sagkod lamang.+
ק [Qoph]
An saiyang kusog madadagdagan* na may kamurawayan.
ר [Resh]
10 Mahihiling iyan kan maraot asin maaanggot siya.
ש [Shin]
Paparaguton niya an saiyang mga ngipon asin matutunaw siya.
ת [Taw]
An mga pagmawot kan mga maraot magkakaparara.+
Mga Nota
^ O “Aleluya!” Sa Ingles, Hallelujah. An “Jah” pinahalipot na porma kan pangaran na Jehova.
^ O “henerasyon.”
^ O “Marahay an buot niya.”
^ O “marahay an buot; may kabuutan.”
^ O “An saiyang puso marigon (bakong paburubago).”
^ O “Bukas-palad siyang nagdistribwir.”
^ Sa literal, “An saiyang sungay mailalangkaw.”
