Baebele e na le molaetsa wa Modimo kgotsa lefoko la gagwe, le a batlang gore re le itse gompieno. E re bontsha gore re ka atlega jang mo botshelong le gore re ka dira jang gore Modimo a re amogele. Gape e araba dipotso tse di latelang:

Baebele e na le dibukana di le 66. E kgaogantswe ka dikarolo tse pedi: Dikwalo Tsa Sehebera le Searamaika (“Tesetamente e Kgologolo”) le Dikwalo Tsa Segerika (“Tesetamente e Ntšha”). Buka nngwe le nngwe ya Baebele e kgaogantswe ka dikgaolo le ditemana. Fa go umakiwa ditemana, nomoro ya ntlha e e tlang morago ga leina la buka ke ya kgaolo, mme nomoro kgotsa dinomoro tse di latelang tsone ke tsa temana kgotsa ditemana. Ka sekai, Genesise 1:1 e kaya Genesise kgaolo 1, temana 1.