ഗലീല​ക്ക​ടൽ: വടക്കൻ ഇസ്രാ​യേ​ലി​ലെ ഒരു ശുദ്ധജല തടാകം. (“കടൽ” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തി​നു “തടാകം” എന്നും അർഥം വരാം.) അതിനെ കിന്നേ​രെത്ത്‌ കടൽ എന്നും (സംഖ 34:11) ഗന്നേസ​രെത്ത്‌ തടാകം എന്നും (ലൂക്ക 5:1) തിബെ​ര്യാസ്‌ കടൽ എന്നും (യോഹ 6:1) വിളി​ച്ചി​ട്ടുണ്ട്‌. സമു​ദ്ര​നി​ര​പ്പിൽനി​ന്നും ശരാശരി 210 മീ. (700 അടി) താഴെ​യാണ്‌ ഇത്‌. തെക്കേ അറ്റംമു​തൽ വടക്കേ അറ്റംവരെ അതിന്റെ നീളം 21 കി.മീ. ആണ്‌; വീതി 12 കി.മീ.; ഏറ്റവും കൂടിയ ആഴം ഏതാണ്ട്‌ 48 മീ. (160 അടി)—അനു. എ7-ലെ “ഗലീല​ക്ക​ടൽത്തീ​രത്തെ പ്രവർത്തനം” എന്ന ഭൂപടം 3ബി കാണുക.

തിബെ​ര്യാസ്‌ എന്നും പേരുള്ള ഗലീല​ക്കടൽ: ഗലീല​ക്ക​ട​ലി​നെ ചില​പ്പോൾ തിബെ​ര്യാസ്‌ കടൽ എന്നും വിളി​ച്ചി​രു​ന്നു. റോമൻ ചക്രവർത്തി​യായ തിബെ​ര്യൊസ്‌ സീസറി​ന്റെ പേരി​ലുള്ള ഒരു നഗരം അതിന്റെ പടിഞ്ഞാ​റേ തീരത്തു​ണ്ടാ​യി​രു​ന്നു. അതിൽനി​ന്നാണ്‌ ഗലീല​ക്ക​ട​ലിന്‌ ഈ പേര്‌ കിട്ടി​യത്‌. (യോഹ 6:23) തിബെ​ര്യാസ്‌ കടൽ എന്ന പേര്‌ ഇവി​ടെ​യും യോഹ 21:1-ലും മാത്രമേ കാണു​ന്നു​ള്ളൂ.​—മത്ത 4:18-ന്റെ പഠനക്കു​റി​പ്പു കാണുക.

പെസഹ: ഇവിടെ പറഞ്ഞി​രി​ക്കുന്ന പെസഹ ആഘോഷം നടന്നതു യേശു​വി​ന്റെ ശുശ്രൂ​ഷ​യു​ടെ ആദ്യഭാ​ഗത്ത്‌ ആയിരു​ന്ന​തു​കൊണ്ട്‌ അത്‌ എ.ഡി. 30-ലെ വസന്തകാ​ലത്ത്‌ (അതായത്‌, മാർച്ചി​ലോ ഏപ്രി​ലി​ലോ) ആയിരി​ക്കാം നടന്നത്‌. കാരണം എ.ഡി. 29-ലെ ശരത്‌കാ​ലത്ത്‌ (അതായത്‌, സെപ്‌റ്റം​ബ​റി​ലോ ഒക്ടോ​ബ​റി​ലോ) സ്‌നാ​ന​മേറ്റ യേശു തന്റെ പ്രസം​ഗ​പ്ര​വർത്തനം തുടങ്ങി​യത്‌ അതിനു ശേഷമാണ്‌. (ലൂക്ക 3:1-ന്റെ പഠനക്കു​റി​പ്പും അനു. എ7-ഉം കാണുക.) നാലു സുവി​ശേ​ഷ​വി​വ​ര​ണങ്ങൾ താരത​മ്യം ചെയ്‌താൽ യേശു​വി​ന്റെ ഭൗമി​ക​ശു​ശ്രൂ​ഷ​ക്കാ​ലത്ത്‌ നാലു പെസഹ ആഘോ​ഷങ്ങൾ നടന്നെന്നു മനസ്സി​ലാ​ക്കാം. യേശു​വി​ന്റെ ശുശ്രൂ​ഷ​യു​ടെ ദൈർഘ്യം മൂന്നര വർഷമാ​യി​രു​ന്നു എന്ന്‌ ഇതു സൂചി​പ്പി​ക്കു​ന്നു. മത്തായി​യു​ടെ​യും മർക്കോ​സി​ന്റെ​യും ലൂക്കോ​സി​ന്റെ​യും സുവി​ശേ​ഷ​ത്തിൽ യേശു മരിച്ച അവസാ​നത്തെ പെസഹാ​ദി​ന​ത്തെ​ക്കു​റിച്ച്‌ മാത്രമേ പറഞ്ഞി​ട്ടു​ള്ളൂ. യോഹ​ന്നാ​ന്റെ സുവി​ശേ​ഷ​ത്തിൽ മൂന്നു പെസഹ​ക​ളെ​ക്കു​റിച്ച്‌ പ്രത്യേ​കം എടുത്തു​പ​റ​ഞ്ഞി​ട്ടുണ്ട്‌. (യോഹ 2:13; 6:4; 11:55) ഇനി, നാലാ​മ​ത്തേ​തി​നെ​യാ​ണു സർവസാ​ധ്യ​ത​യു​മ​നു​സ​രിച്ച്‌ യോഹ 5:1-ൽ ‘ജൂതന്മാ​രു​ടെ ഉത്സവം’ എന്നു വിളി​ച്ചി​രി​ക്കു​ന്നത്‌. യേശു​വി​ന്റെ ജീവി​ത​ത്തെ​ക്കു​റിച്ച്‌ കൂടുതൽ വ്യക്തമായ ഒരു ചിത്രം കിട്ടാൻ സുവി​ശേ​ഷ​വി​വ​ര​ണങ്ങൾ താരത​മ്യം ചെയ്യേ​ണ്ട​തി​ന്റെ പ്രാധാ​ന്യ​മാണ്‌ ഇത്‌ എടുത്തു​കാ​ട്ടു​ന്നത്‌.​—യോഹ 5:1; 6:4; 11:55 എന്നിവ​യു​ടെ പഠനക്കു​റി​പ്പു​കൾ കാണുക.

ജൂതന്മാ​രു​ടെ ഒരു ഉത്സവം: ഈ ഉത്സവം ഏതാ​ണെന്നു യോഹ​ന്നാൻ വ്യക്തമാ​ക്കി​യി​ട്ടി​ല്ലെ​ങ്കി​ലും ഇത്‌ എ.ഡി. 31-ലെ പെസഹ​യാ​ണെന്നു വിശ്വ​സി​ക്കാൻ ന്യായ​മായ കാരണ​ങ്ങ​ളുണ്ട്‌. യോഹ​ന്നാൻ പൊതു​വേ സംഭവങ്ങൾ അവ നടന്ന ക്രമത്തിൽത്ത​ന്നെ​യാ​ണു രേഖ​പ്പെ​ടു​ത്തി​യി​രി​ക്കു​ന്നത്‌. ‘കൊയ്‌ത്തിന്‌ ഇനിയും നാലു മാസമുണ്ട്‌’ എന്നു യേശു പറഞ്ഞിട്ട്‌ അധികം വൈകാ​തെ​യാണ്‌ ഈ ഉത്സവം നടന്ന​തെന്നു സന്ദർഭം സൂചി​പ്പി​ക്കു​ന്നു. (യോഹ 4:35) കൊയ്‌ത്തു​കാ​ലം, പ്രത്യേ​കിച്ച്‌ ബാർളി​ക്കൊ​യ്‌ത്ത്‌, തുടങ്ങു​ന്നതു സാധാരണ പെസഹ​യോട്‌ (നീസാൻ 14) അടുത്താ​യി​രു​ന്നു. അതു​കൊണ്ട്‌ യേശു ഈ വാക്കുകൾ പറഞ്ഞത്‌ അതിനു നാലു മാസം മുമ്പ്‌ കിസ്ലേവ്‌ മാസത്തിൽ (നവംബർ/ഡിസംബർ) ആയിരി​ക്കാം. കിസ്ലേ​വി​നും നീസാ​നും ഇടയ്‌ക്ക്‌ സമർപ്പ​ണോ​ത്സവം, പൂരീം ഉത്സവം എന്നിങ്ങനെ മറ്റു രണ്ട്‌ ഉത്സവങ്ങൾ ഉണ്ടായി​രു​ന്നെ​ങ്കി​ലും അവയ്‌ക്കാ​യി ഒരു ഇസ്രാ​യേ​ല്യൻ യരുശ​ലേ​മി​ലേക്കു പോ​കേ​ണ്ട​തി​ല്ലാ​യി​രു​ന്നു. പക്ഷേ പെസഹ​യ്‌ക്ക്‌ ഇസ്രാ​യേ​ല്യർ യരുശ​ലേ​മിൽ പോക​ണ​മെന്നു ദൈവ​നി​യമം ആവശ്യ​പ്പെ​ട്ടി​രു​ന്നു. (ആവ 16:16) ഇവിടെ പറഞ്ഞി​രി​ക്കുന്ന ‘ജൂതന്മാ​രു​ടെ ഉത്സവത്തി​നാ​യി’ യേശു യരുശ​ലേ​മി​ലേക്കു പോ​യെന്നു വാക്യ​ത്തിൽ പറഞ്ഞി​രി​ക്കു​ന്ന​തു​കൊണ്ട്‌ അതു സർവസാ​ധ്യ​ത​യു​മ​നു​സ​രിച്ച്‌ പെസഹ​യാ​ണെന്ന്‌ അനുമാ​നി​ക്കാം. യോഹ​ന്നാ​ന്റെ വിവര​ണ​ത്തിൽ, ഈ ഉത്സവത്തി​നും അടുത്ത പെസഹ​യ്‌ക്കും (യോഹ 6:4) ഇടയിൽ വളരെ കുറച്ച്‌ സംഭവങ്ങൾ നടന്നതാ​യേ കാണു​ന്നു​ള്ളൂ എന്നതു ശരിയാണ്‌. എന്നാൽ യേശു​വി​ന്റെ ആദ്യകാ​ല​ശു​ശ്രൂ​ഷ​യെ​ക്കു​റി​ച്ചുള്ള യോഹ​ന്നാ​ന്റെ വിവരണം പൊതു​വേ വളരെ ഹ്രസ്വ​മാ​ണെന്ന്‌ ഓർക്കുക. മാത്രമല്ല അതി​നോ​ടകം മറ്റു മൂന്നു സുവി​ശേ​ഷ​ങ്ങ​ളിൽ രേഖ​പ്പെ​ടു​ത്തിയ പല സംഭവ​ങ്ങ​ളും യോഹ​ന്നാൻ തന്റെ വിവര​ണ​ത്തിൽ ഉൾപ്പെ​ടു​ത്തി​യി​ട്ടു​മില്ല. അനു. എ7-ലെ ചാർട്ട്‌ അതു വ്യക്തമാ​ക്കു​ന്നുണ്ട്‌. വാസ്‌ത​വ​ത്തിൽ, യോഹ 2:13-ലും യോഹ 6:4-ലും രേഖ​പ്പെ​ടു​ത്തി​യി​രി​ക്കുന്ന പെസഹ​കൾക്കി​ട​യിൽ മറ്റൊരു വാർഷിക പെസഹ ഉണ്ടായി​രു​ന്നെ​ന്നു​ത​ന്നെ​യാ​ണു മറ്റു മൂന്നു സുവി​ശേ​ഷ​ങ്ങ​ളും സൂചി​പ്പി​ക്കു​ന്നത്‌. കാരണം അവയിൽ യേശു​വി​ന്റെ പ്രവർത്ത​ന​ത്തെ​ക്കു​റി​ച്ചുള്ള കൂടു​ത​ലായ വിവരങ്ങൾ ഉൾപ്പെ​ടു​ത്തി​യി​ട്ടുണ്ട്‌.​—അനു. എ7-ഉം യോഹ 2:13-ന്റെ പഠനക്കു​റി​പ്പും കാണുക.

പെസഹ: അതായത്‌, എ.ഡി. 33-ലെ പെസഹ. സാധ്യ​ത​യ​നു​സ​രിച്ച്‌, യോഹ​ന്നാ​ന്റെ സുവി​ശേ​ഷ​ത്തിൽ പറഞ്ഞി​രി​ക്കുന്ന നാലാ​മത്തെ പെസഹ​യാണ്‌ ഇത്‌.​—യോഹ 2:13; 5:1; 6:4 എന്നിവ​യു​ടെ പഠനക്കു​റി​പ്പു​കൾ കാണുക.

പെസഹാ​പ്പെ​രു​ന്നാൾ: തെളി​വ​നു​സ​രിച്ച്‌ എ.ഡി. 32-ലെ പെസഹാ​പ്പെ​രു​ന്നാൾ. യേശു​വി​ന്റെ ഭൗമി​ക​ശു​ശ്രൂ​ഷ​ക്കാ​ലത്തെ മൂന്നാ​മത്തെ പെസഹ​യാ​യി​രി​ക്കാം ഇത്‌.​—യോഹ 2:13; 5:1; 11:55 എന്നിവ​യു​ടെ പഠനക്കു​റി​പ്പു​ക​ളും അനു. എ7-ഉം കാണുക.

ദിനാറെ: പദാവ​ലി​യും അനു. ബി14-ഉം കാണുക.

ഏകദേശം 5,000 പുരു​ഷ​ന്മാ​രു​ണ്ടാ​യി​രു​ന്നു: ഈ അത്ഭുത​ത്തെ​ക്കു​റി​ച്ചുള്ള വിവര​ണ​ത്തിൽ ‘സ്‌ത്രീ​ക​ളു​ടെ​യും കുട്ടി​ക​ളു​ടെ​യും’ കാര്യം രേഖ​പ്പെ​ടു​ത്തി​യി​രി​ക്കു​ന്നതു മത്തായി മാത്ര​മാണ്‌. (മത്ത 14:21) അത്ഭുത​ക​ര​മാ​യി പോഷി​പ്പി​ക്ക​പ്പെ​ട്ട​വ​രു​ടെ മൊത്തം സംഖ്യ 15,000-ത്തിലധി​കം വരാൻ സാധ്യ​ത​യുണ്ട്‌.

ലോകം: “ലോകം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന കോസ്‌മൊസ്‌ എന്ന ഗ്രീക്കു​പദം ഇവിടെ മനുഷ്യ​കു​ല​ത്തെ​യാ​ണു കുറി​ക്കു​ന്നത്‌. സാധ്യ​ത​യ​നു​സ​രിച്ച്‌, യേശു ലോക​ത്തേക്കു വരുന്നു എന്ന്‌ ഇവിടെ പറഞ്ഞി​രി​ക്കു​ന്നതു മുഖ്യ​മാ​യും സ്‌നാ​ന​ത്തെ​ത്തു​ടർന്ന്‌ യേശു മനുഷ്യ​രു​ടെ ഇടയി​ലേക്ക്‌ ഇറങ്ങി പ്രവർത്തി​ക്കു​ന്ന​തി​നെ​ക്കു​റി​ച്ചാണ്‌, അല്ലാതെ യേശു മനുഷ്യ​നാ​യി ജനിക്കു​ന്ന​തി​നെ​ക്കു​റി​ച്ചല്ല. സ്‌നാ​ന​ത്തി​നു ശേഷം യേശു തന്റെ ശുശ്രൂ​ഷ​യി​ലൂ​ടെ മനുഷ്യ​കു​ല​മാ​കുന്ന ലോക​ത്തി​നു വെളിച്ചം പകർന്നു.​—യോഹ 3:17, 19; 6:14; 9:39; 10:36; 11:27; 12:46; 1യോഹ 4:9 എന്നിവ താരത​മ്യം ചെയ്യുക.

പ്രവാ​ചകൻ: മോശ​യെ​പ്പോ​ലുള്ള പ്രവാ​ചകൻ എന്ന്‌ ആവ 18:15, 18-ൽ പറഞ്ഞി​രി​ക്കു​ന്നതു മിശി​ഹ​യെ​ക്കു​റി​ച്ചാ​ണെന്ന്‌ എ.ഡി. ഒന്നാം നൂറ്റാ​ണ്ടി​ലെ പല ജൂതന്മാർക്കും അറിയാ​മാ​യി​രു​ന്നു. ലോക​ത്തേക്കു വരാനി​രുന്ന എന്ന പദപ്ര​യോ​ഗം സാധ്യ​ത​യ​നു​സ​രിച്ച്‌ ഇവിടെ സൂചി​പ്പി​ക്കു​ന്നത്‌ ആളുകൾ മിശി​ഹ​യു​ടെ വരവ്‌ പ്രതീ​ക്ഷി​ച്ചി​രി​ക്കു​ക​യാ​യി​രു​ന്നു എന്നാണ്‌. ഈ വാക്യ​ത്തിൽ കാണുന്ന വിവരങ്ങൾ യോഹ​ന്നാൻ മാത്ര​മാ​ണു രേഖ​പ്പെ​ടു​ത്തി​യി​രി​ക്കു​ന്നത്‌.​—യോഹ 1:9-ന്റെ പഠനക്കു​റി​പ്പു കാണുക.

രാജാ​വാ​ക്കാൻപോ​കു​ന്നു: യോഹ​ന്നാൻ മാത്രമേ ഈ സംഭവം രേഖ​പ്പെ​ടു​ത്തി​യി​ട്ടു​ള്ളൂ. സ്വന്തം നാട്ടിലെ രാഷ്‌ട്രീ​യ​കാ​ര്യ​ങ്ങ​ളിൽ യേശു​വി​നെ ഉൾപ്പെ​ടു​ത്താൻ ആളുകൾ ശ്രമി​ച്ചെ​ങ്കി​ലും യേശു അതിന്‌ ഒട്ടും വഴങ്ങി​ക്കൊ​ടു​ത്തില്ല. ദൈവ​ത്തി​ന്റെ സമയത്ത്‌, ദൈവം ആഗ്രഹി​ക്കു​ന്ന​തു​പോ​ലെ മാത്രമേ യേശു രാജത്വം സ്വീക​രി​ക്കു​മാ​യി​രു​ന്നു​ള്ളൂ. രാഷ്‌ട്രീ​യ​കാ​ര്യ​ങ്ങ​ളിൽ തന്റെ അനുഗാ​മി​ക​ളു​ടെ നിലപാ​ടും അതുത​ന്നെ​യാ​യി​രി​ക്ക​ണ​മെന്നു യേശു പിന്നീടു വ്യക്തമാ​ക്കി.​—യോഹ 15:19; 17:14, 16; 18:36.

ഗലീല​ക്ക​ടൽ: വടക്കൻ ഇസ്രാ​യേ​ലി​ലെ ഒരു ശുദ്ധജല തടാകം. (“കടൽ” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തി​നു “തടാകം” എന്നും അർഥം വരാം.) അതിനെ കിന്നേ​രെത്ത്‌ കടൽ എന്നും (സംഖ 34:11) ഗന്നേസ​രെത്ത്‌ തടാകം എന്നും (ലൂക്ക 5:1) തിബെ​ര്യാസ്‌ കടൽ എന്നും (യോഹ 6:1) വിളി​ച്ചി​ട്ടുണ്ട്‌. സമു​ദ്ര​നി​ര​പ്പിൽനി​ന്നും ശരാശരി 210 മീ. (700 അടി) താഴെ​യാണ്‌ ഇത്‌. തെക്കേ അറ്റംമു​തൽ വടക്കേ അറ്റംവരെ അതിന്റെ നീളം 21 കി.മീ. ആണ്‌; വീതി 12 കി.മീ.; ഏറ്റവും കൂടിയ ആഴം ഏതാണ്ട്‌ 48 മീ. (160 അടി)—അനു. എ7-ലെ “ഗലീല​ക്ക​ടൽത്തീ​രത്തെ പ്രവർത്തനം” എന്ന ഭൂപടം 3ബി കാണുക.

തിബെ​ര്യാസ്‌ എന്നും പേരുള്ള ഗലീല​ക്കടൽ: ഗലീല​ക്ക​ട​ലി​നെ ചില​പ്പോൾ തിബെ​ര്യാസ്‌ കടൽ എന്നും വിളി​ച്ചി​രു​ന്നു. റോമൻ ചക്രവർത്തി​യായ തിബെ​ര്യൊസ്‌ സീസറി​ന്റെ പേരി​ലുള്ള ഒരു നഗരം അതിന്റെ പടിഞ്ഞാ​റേ തീരത്തു​ണ്ടാ​യി​രു​ന്നു. അതിൽനി​ന്നാണ്‌ ഗലീല​ക്ക​ട​ലിന്‌ ഈ പേര്‌ കിട്ടി​യത്‌. (യോഹ 6:23) തിബെ​ര്യാസ്‌ കടൽ എന്ന പേര്‌ ഇവി​ടെ​യും യോഹ 21:1-ലും മാത്രമേ കാണു​ന്നു​ള്ളൂ.​—മത്ത 4:18-ന്റെ പഠനക്കു​റി​പ്പു കാണുക.

കടൽ: അതായത്‌, ഗലീല​ക്കടൽ.​—മത്ത 4:18; യോഹ 6:1 എന്നിവ​യു​ടെ പഠനക്കു​റി​പ്പു​കൾ കാണുക.

ഗലീല​ക്ക​ടൽ: വടക്കൻ ഇസ്രാ​യേ​ലി​ലെ ഒരു ശുദ്ധജല തടാകം. (“കടൽ” എന്ന്‌ പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തി​നു “തടാകം” എന്നും അർഥം വരാം.) അതിനെ കിന്നേ​രെത്ത്‌ കടൽ എന്നും (സംഖ 34:11) ഗന്നേസ​രെത്ത്‌ തടാകം എന്നും (ലൂക്ക 5:1) തിബെ​ര്യാസ്‌ കടൽ എന്നും (യോഹ 6:1) വിളി​ച്ചി​ട്ടുണ്ട്‌. സമു​ദ്ര​നി​ര​പ്പിൽനി​ന്നും ശരാശരി 210 മീ. (700 അടി) താഴെ​യാണ്‌ ഇത്‌. തെക്കേ അറ്റംമു​തൽ വടക്കേ അറ്റംവരെ അതിന്റെ നീളം 21 കി.മീ. ആണ്‌; വീതി 12 കി.മീ.; ഏറ്റവും കൂടിയ ആഴം ഏതാണ്ട്‌ 48 മീ. (160 അടി)—അനു. എ7-ലെ “ഗലീല​ക്ക​ടൽത്തീ​രത്തെ പ്രവർത്തനം” എന്ന ഭൂപടം 3ബി കാണുക.

അഞ്ചോ ആറോ കിലോ​മീ​റ്റർ: ഏകദേശം മൂന്നോ നാലോ മൈൽ. അക്ഷ. “ഏകദേശം 25-ഓ 30-ഓ സ്റ്റേഡിയം.” സ്റ്റേഡി​യോൻ എന്ന ഗ്രീക്കു​പദം നീളത്തി​ന്റെ ഒരു അളവാണ്‌. 185 മീറ്റർ (606.95 അടി) ആണ്‌ ഒരു സ്റ്റേഡി​യോൻ. ഒരു റോമൻ മൈലിന്റെ എട്ടി​ലൊ​ന്നു വരും ഇത്‌. ഗലീല​ക്ക​ട​ലി​ന്റെ വീതി ഏകദേശം 12 കി.മീ. ആയിരു​ന്നു. അതു​കൊണ്ട്‌ ശിഷ്യ​ന്മാർ ഈ സമയത്ത്‌ തടാക​ത്തി​ന്റെ ഏതാണ്ട്‌ നടുഭാ​ഗത്ത്‌ ആയിരു​ന്നി​രി​ക്കണം.​—മർ 6:47; മത്ത 4:18-ന്റെ പഠനക്കു​റി​പ്പും അനു. എ7-ഉം ബി14-ഉം കാണുക.

തിബെ​ര്യാസ്‌: ഗലീല​ക്ക​ട​ലി​ന്റെ പടിഞ്ഞാ​റേ തീരത്തുള്ള ഒരു നഗരം. കഫർന്ന​ഹൂ​മിന്‌ ഏതാണ്ട്‌ 15 കി.മീ. തെക്കായി സ്ഥിതി ചെയ്യുന്ന ഈ നഗരം, പുരാ​ത​ന​കാ​ലത്തെ വളരെ പ്രശസ്‌ത​മായ ചില ചൂടു നീരു​റ​വ​ക​ളു​ടെ തൊട്ടു​വ​ട​ക്കാണ്‌. ഏതാണ്ട്‌ എ.ഡി. 18-നും 26-നും ഇടയ്‌ക്ക്‌ ഹെരോദ്‌ അന്തിപ്പാസ്‌ പണിത ഈ നഗരത്തെ അദ്ദേഹം തന്റെ പുതിയ തലസ്ഥാ​ന​വും താമസ​സ്ഥ​ല​വും ആക്കി. അന്നത്തെ റോമൻ ചക്രവർത്തി​യായ തിബെ​ര്യൊസ്‌ സീസറി​ന്റെ ബഹുമാ​നാർഥ​മാണ്‌ അദ്ദേഹം നഗരത്തിന്‌ ഈ പേര്‌ നൽകി​യത്‌. അതിന്റെ പേര്‌ ഇന്നും തിബെ​ര്യാസ്‌ (എബ്രാ​യ​യിൽ, തെവെര്യ) എന്നുത​ന്നെ​യാണ്‌. ഇത്‌ ആ പ്രദേ​ശത്തെ ഏറ്റവും വലിയ നഗരമാ​യി​രു​ന്നെ​ങ്കി​ലും തിരു​വെ​ഴു​ത്തു​ക​ളിൽ ഇവിടെ മാത്രമേ അതി​നെ​ക്കു​റിച്ച്‌ പറഞ്ഞി​ട്ടു​ള്ളൂ. യേശു തിബെ​ര്യാ​സിൽ പോയ​താ​യി തിരു​വെ​ഴു​ത്തു​ക​ളിൽ എവി​ടെ​യും കാണു​ന്നില്ല. അതു പ്രധാ​ന​മാ​യും വിദേ​ശി​ക​ളു​ടെ നിയ​ന്ത്ര​ണ​ത്തി​ലാ​യി​രു​ന്നു എന്നതാ​കാം അതിന്റെ കാരണം. (മത്ത 10:5-7 താരത​മ്യം ചെയ്യുക.) ജോസീ​ഫസ്‌ പറയു​ന്ന​ത​നു​സ​രിച്ച്‌, തിബെ​ര്യാസ്‌ നഗരം പണിതി​രു​ന്നതു മുമ്പ്‌ ശവക്കല്ല​റകൾ ധാരാ​ള​മു​ണ്ടാ​യി​രുന്ന ഒരിട​ത്താണ്‌. അതു​കൊ​ണ്ടു​തന്നെ ജൂതന്മാർക്കു പൊതു​വേ അവിടെ പോയി താമസി​ക്കാൻ മടിയാ​യി​രു​ന്നു. (സംഖ 19:11-14) എ.ഡി. രണ്ടാം നൂറ്റാ​ണ്ടി​ലെ ജൂതവി​പ്ല​വ​ത്തി​നു ശേഷം, ഈ നഗരത്തെ ശുദ്ധി​യു​ള്ള​താ​യി പ്രഖ്യാ​പി​ച്ചു. പിന്നീടു ജൂതന്മാ​രു​ടെ ഒരു പ്രമുഖ വിദ്യാ​ഭ്യാ​സ​കേ​ന്ദ്ര​മാ​യി മാറിയ ഈ നഗരത്തി​ലാ​ണു പിൽക്കാ​ലത്ത്‌ സൻഹെ​ദ്രി​നും സ്ഥിതി ചെയ്‌തി​രു​ന്നത്‌. മിഷ്‌നാ​യും പാലസ്‌തീ​നി​യൻ (യരുശ​ലേം) താൽമൂ​ദും അതു​പോ​ലെ എബ്രാ​യ​തി​രു​വെ​ഴു​ത്തു​കൾ പരിഭാഷ ചെയ്യാൻ ഉപയോ​ഗിച്ച മാസൊ​രി​റ്റിക്ക്‌ പാഠങ്ങ​ളും സമാഹ​രിച്ച്‌ ചിട്ട​പ്പെ​ടു​ത്തി​യ​തും ഇവി​ടെ​വെ​ച്ചാണ്‌.​—അനു. ബി10 കാണുക.

നശിച്ചു​പോ​കുന്ന ആഹാരം . . . നിത്യ​ജീ​വൻ നേടി​ത്ത​രുന്ന നശിക്കാത്ത ആഹാരം: ചില ആളുകൾ തന്റെയും ശിഷ്യ​ന്മാ​രു​ടെ​യും പിന്നാലെ വരുന്നതു ഭൗതി​ക​നേ​ട്ട​ത്തി​നു​വേണ്ടി മാത്ര​മാ​ണെന്നു യേശു​വി​നു മനസ്സി​ലാ​യി. ജീവൻ നിലനി​റു​ത്താൻ ദിവസ​വും ആഹാരം കഴിക്ക​ണ​മെ​ങ്കി​ലും നിത്യ​മാ​യി ജീവി​ക്ക​ണ​മെ​ങ്കിൽ മനുഷ്യർ ദൈവ​വ​ച​ന​ത്തിൽനി​ന്നുള്ള ‘ആഹാരം’ കഴിക്ക​ണ​മാ​യി​രു​ന്നു. ‘നിത്യ​ജീ​വൻ നേടി​ത്ത​രുന്ന ആഹാര​ത്തി​നു​വേണ്ടി’ പ്രയത്‌നി​ക്കുക എന്നു ജനക്കൂ​ട്ട​ത്തോ​ടു പറഞ്ഞ​പ്പോൾ യേശു ഉദ്ദേശി​ച്ചത്‌, ആത്മീയ​ദാ​ഹം ശമിപ്പി​ക്കാ​നും പഠിക്കുന്ന കാര്യ​ങ്ങ​ളിൽ വിശ്വാ​സം വളർത്താ​നും അവർ കഠിന​മാ​യി ശ്രമി​ക്കണം എന്നായി​രു​ന്നു.​—മത്ത 4:4; 5:3; യോഹ 6:28-39.

നമ്മുടെ പൂർവി​കർ . . . മന്ന കഴിച്ചി​ല്ലേ?: തങ്ങൾക്കു ഭൗതി​ക​ഭ​ക്ഷണം നൽകുന്ന ഒരു മിശി​ഹൈ​ക​രാ​ജാ​വി​നെ​യാണ്‌ ആ ജൂതന്മാർക്കു വേണ്ടി​യി​രു​ന്നത്‌. ഇതിന്‌ ഒരു ന്യായീ​ക​ര​ണ​മാ​യി, സീനായ്‌ വിജന​ഭൂ​മി​യിൽവെച്ച്‌ തങ്ങളുടെ പൂർവി​കർക്കു ദൈവം മന്ന കൊടുത്ത കാര്യം അവർ യേശു​വി​നെ ഓർമി​പ്പി​ച്ചു. സങ്ക 78:24 ഉദ്ധരിച്ച്‌ സംസാ​രിച്ച അവർ, ദൈവം അത്ഭുത​ക​ര​മാ​യി നൽകിയ മന്നയെ സ്വർഗ​ത്തിൽനി​ന്നുള്ള അപ്പം (“സ്വർഗീ​യ​ധാ​ന്യം”) എന്നു വിളിച്ചു. യേശു​വി​നോട്‌ ഒരു “അടയാളം” ആവശ്യ​പ്പെ​ട്ട​പ്പോൾ (യോഹ 6:30) യേശു തലേദി​വസം ചെയ്‌ത അത്ഭുത​മാ​യി​രി​ക്കാം അവരുടെ മനസ്സി​ലു​ണ്ടാ​യി​രു​ന്നത്‌. യേശു തലേന്ന്‌ അഞ്ച്‌ ബാർളി​യ​പ്പ​വും രണ്ടു ചെറിയ മീനും വർധി​പ്പിച്ച്‌, ആയിര​ങ്ങളെ പോഷി​പ്പി​ച്ചി​രു​ന്നു.​—യോഹ 6:9-12.

ലോകം ഉണ്ടായ​തു​തന്നെ അദ്ദേഹം മുഖാ​ന്ത​ര​മാണ്‌: “ലോകം” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന കോസ്‌മൊസ്‌ എന്ന ഗ്രീക്കു​പദം ഇവിടെ മനുഷ്യ​കു​ല​ത്തെ​യാ​ണു കുറി​ക്കു​ന്നത്‌. അതു​കൊ​ണ്ടാണ്‌, ലോകം അദ്ദേഹത്തെ അറിഞ്ഞില്ല എന്ന്‌ ഈ വാക്യ​ത്തി​ന്റെ​തന്നെ തുടർന്നുള്ള ഭാഗത്ത്‌ പറയു​ന്നത്‌. ഗ്രീക്കു​ഭാ​ഷ​യി​ലുള്ള മറ്റു പുസ്‌ത​ക​ങ്ങ​ളിൽ കോസ്‌മൊസ്‌ എന്ന പദം, പ്രപഞ്ച​ത്തെ​യും എല്ലാ സൃഷ്ടി​ക​ളെ​യും കുറി​ക്കാൻ ചില​പ്പോ​ഴൊ​ക്കെ ഉപയോ​ഗി​ച്ചി​ട്ടുണ്ട്‌. ഒരു സന്ദർഭ​ത്തിൽ ഗ്രീക്കു​കാ​രായ ആളുക​ളോ​ടു സംസാ​രി​ക്കു​മ്പോൾ പൗലോസ്‌ ഈ പദം ഉപയോ​ഗി​ച്ച​തും ഈ അർഥത്തി​ലാ​യി​രി​ക്കാം. (പ്രവൃ 17:24) എന്നാൽ ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ ഈ പദം പൊതു​വേ ഉപയോ​ഗി​ച്ചി​രി​ക്കു​ന്നതു മനുഷ്യ​കു​ലത്തെ മൊത്ത​ത്തി​ലോ അതിന്റെ ഒരു ഭാഗ​ത്തെ​യോ കുറി​ക്കാ​നാണ്‌. സ്വർഗ​വും ഭൂമി​യും അതിലുള്ള സകലതും സൃഷ്ടി​ക്കു​ന്ന​തിൽ യേശു​വും ഉൾപ്പെ​ട്ടി​രു​ന്നെ​ങ്കി​ലും ഈ വാക്യം പ്രധാ​ന​മാ​യും ശ്രദ്ധ കേന്ദ്രീ​ക​രി​ക്കു​ന്നതു മനുഷ്യ​കു​ല​ത്തി​നു തുടക്ക​മി​ടു​ന്ന​തിൽ യേശു​വി​നു​ണ്ടാ​യി​രുന്ന പങ്കിലാണ്‌.​—ഉൽ 1:26; യോഹ 1:3; കൊലോ 1:15-17.

ലോകം: ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ, കോസ്‌മൊസ്‌ എന്ന ഗ്രീക്കു​പദം പൊതു​വേ ഉപയോ​ഗി​ച്ചി​രി​ക്കു​ന്നതു മനുഷ്യ​കു​ലത്തെ മൊത്ത​ത്തി​ലോ അതിന്റെ ഒരു ഭാഗ​ത്തെ​യോ കുറി​ക്കാ​നാണ്‌. (യോഹ 1:10-ന്റെ പഠനക്കു​റി​പ്പു കാണുക.) യോഹ 1:29-ൽ ദൈവ​ത്തി​ന്റെ കുഞ്ഞാ​ടായ യേശു “ലോക​ത്തി​ന്റെ പാപം” നീക്കി​ക്ക​ള​യു​ന്ന​താ​യി പറയുന്നു. ഇനി, മനുഷ്യ​കു​ല​ത്തി​നു ജീവനും അനു​ഗ്ര​ഹ​ങ്ങ​ളും ചൊരി​യാൻ യഹോവ ഉപയോ​ഗി​ക്കു​ന്നതു യേശു​വി​നെ ആയതു​കൊ​ണ്ടാണ്‌, യോഹ 6:33-ൽ യേശു​വി​നെ ദൈവ​ത്തി​ന്റെ അപ്പം എന്നു വിളി​ച്ചി​രി​ക്കു​ന്നത്‌.

ജീവന്റെ അപ്പം: ഈ പദപ്ര​യോ​ഗം തിരു​വെ​ഴു​ത്തു​ക​ളിൽ രണ്ടു പ്രാവ​ശ്യ​മേ കാണു​ന്നു​ള്ളൂ. (യോഹ 6:35, 48) ഇവിടെ ജീവൻ എന്നു പറഞ്ഞി​രി​ക്കു​ന്നതു ‘നിത്യ​ജീ​വ​നെ​ക്കു​റി​ച്ചാണ്‌.’ (യോഹ 6:40, 47, 54) ഈ ചർച്ചയ്‌ക്കി​ട​യിൽ യേശു തന്നെത്തന്നെ, ‘സ്വർഗ​ത്തിൽനി​ന്നുള്ള ശരിക്കുള്ള അപ്പം’ (യോഹ 6:32), ‘ദൈവ​ത്തി​ന്റെ അപ്പം’ (യോഹ 6:33), “ജീവനുള്ള അപ്പം” (യോഹ 6:51) എന്നൊക്കെ വിശേ​ഷി​പ്പി​ച്ചു. വിജന​ഭൂ​മി​യിൽവെച്ച്‌ ദൈവം ഇസ്രാ​യേ​ല്യർക്കു മന്ന നൽകി​യെ​ങ്കി​ലും (നെഹ 9:20) ആ ഭക്ഷണം അവരുടെ ജീവൻ എന്നേക്കും നിലനി​റു​ത്തി​യി​ല്ലെന്നു യേശു പറഞ്ഞു. (യോഹ 6:49) അതേസ​മയം, ക്രിസ്‌തു​വി​ന്റെ വിശ്വ​സ്‌താ​നു​ഗാ​മി​കൾക്കു ലഭ്യമാ​യി​രുന്ന സ്വർഗ​ത്തിൽനി​ന്നുള്ള മന്ന അഥവാ “ജീവന്റെ അപ്പം” (യോഹ 6:48-51, 58) എന്നെന്നും ജീവി​ക്കാൻ അവരെ സഹായി​ക്കു​മാ​യി​രു​ന്നു. യേശു ബലിയർപ്പിച്ച മാംസ​ത്തി​നും രക്തത്തി​നും മനുഷ്യ​രെ വീണ്ടെ​ടു​ക്കാ​നുള്ള ശക്തിയുണ്ട്‌ എന്നു വിശ്വ​സി​ക്കു​ന്ന​തി​ലൂ​ടെ അവർക്ക്‌ ‘ഈ അപ്പം തിന്നാ​മാ​യി​രു​ന്നു.’

ലാസർ എഴു​ന്നേ​റ്റു​വ​രു​മെന്ന്‌ എനിക്ക്‌ അറിയാം: യേശു പറഞ്ഞത്‌ അവസാ​ന​നാ​ളിൽ സംഭവി​ക്കാ​നി​രുന്ന ഒരു ഭാവി​പു​ന​രു​ത്ഥാ​ന​ത്തെ​ക്കു​റിച്ച്‌ ആണെന്നാ​ണു മാർത്ത വിചാ​രി​ച്ചത്‌. (യോഹ 6:39-ന്റെ പഠനക്കു​റി​പ്പു കാണുക.) എങ്കിലും മാർത്ത​യ്‌ക്ക്‌ ആ ഉപദേ​ശ​ത്തി​ലു​ണ്ടാ​യി​രുന്ന വിശ്വാ​സം വളരെ ശ്രദ്ധേ​യ​മാണ്‌. പുനരു​ത്ഥാ​ന​ത്തെ​ക്കു​റിച്ച്‌ ദൈവ​പ്ര​ചോ​ദി​ത​മായ തിരു​വെ​ഴു​ത്തു​കൾ വളരെ വ്യക്തമാ​യി പഠിപ്പി​ക്കു​ന്നു​ണ്ടെ​ങ്കി​ലും സദൂക്യർ എന്ന്‌ അറിയ​പ്പെട്ട അന്നത്തെ ചില മതനേ​താ​ക്ക​ന്മാർ പുനരു​ത്ഥാ​ന​മു​ണ്ടാ​കില്ല എന്നാണു വാദി​ച്ചി​രു​ന്നത്‌. (ദാനി 12:13; മർ 12:18) അതേസ​മയം ദേഹി അമർത്യ​മാ​ണെന്ന പക്ഷക്കാ​രാ​യി​രു​ന്നു പരീശ​ന്മാർ. എന്നാൽ യേശു പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ പഠിപ്പി​ച്ചി​രു​ന്നെ​ന്നും മരിച്ചു​പോയ ചിലരെ ഉയിർപ്പി​ച്ചി​ട്ടു​ണ്ടെ​ന്നു​പോ​ലും മാർത്ത​യ്‌ക്ക്‌ അറിയാ​മാ​യി​രു​ന്നു. പക്ഷേ ലാസറി​നെ​പ്പോ​ലെ മരിച്ചിട്ട്‌ ഇത്രയും നേരമായ ഒരാളെ യേശു ഉയിർപ്പി​ച്ച​തി​നെ​ക്കു​റിച്ച്‌ മാർത്ത കേട്ടി​ട്ടി​ല്ലാ​യി​രു​ന്നു.

അവസാ​ന​നാ​ളിൽ അവരെ​യെ​ല്ലാം ഞാൻ ഉയിർപ്പി​ക്കണം: അവസാ​ന​നാ​ളിൽ താൻ മനുഷ്യ​രെ ഉയിർപ്പി​ക്കു​മെന്നു യേശു നാലു പ്രാവ​ശ്യം പറഞ്ഞി​ട്ടുണ്ട്‌. (യോഹ 6:40, 44, 54) യോഹ 11:24-ൽ മാർത്ത​യും ‘അവസാ​ന​നാ​ളി​ലെ പുനരു​ത്ഥാ​ന​ത്തെ​ക്കു​റിച്ച്‌’ പറയു​ന്ന​താ​യി കാണാം. (ദാനി 12:13 താരത​മ്യം ചെയ്യുക; യോഹ 11:24-ന്റെ പഠനക്കു​റി​പ്പു കാണുക.) യോഹ 12:48-ൽ ഈ ‘അവസാ​ന​നാ​ളി​നെ’ ന്യായ​വി​ധി​യു​ടെ ഒരു കാലഘ​ട്ട​ത്തോ​ടു ബന്ധിപ്പിച്ച്‌ സംസാ​രി​ച്ചി​ട്ടുണ്ട്‌. സാധ്യ​ത​യ​നു​സ​രിച്ച്‌ ന്യായ​വി​ധി​യു​ടെ ആ കാല​ഘട്ടം എന്നു പറയുന്നത്‌ മരണത്തിൽനിന്ന്‌ പുനരു​ത്ഥാ​ന​പ്പെ​ടു​ന്നവർ ഉൾപ്പെ​ടെ​യുള്ള മാനവ​കു​ലത്തെ ക്രിസ്‌തു ന്യായം വിധി​ക്കുന്ന ആയിരം വർഷവാ​ഴ്‌ച​ക്കാ​ലമാണ്‌.​—വെളി 20:4-6.

നിത്യ​ജീ​വൻ: ഈ സന്ദർഭ​ത്തിൽ യേശു “നിത്യ​ജീ​വൻ” എന്ന പദപ്ര​യോ​ഗം നാലു പ്രാവ​ശ്യം ഉപയോ​ഗി​ച്ചി​രി​ക്കു​ന്ന​താ​യി കാണാം. (യോഹ 6:27, 40, 47, 54) യേശു​വി​ന്റെ ശിഷ്യ​ന്മാ​രിൽ ഒരാളും ഇതേ സന്ദർഭ​ത്തിൽ ആ പദപ്ര​യോ​ഗം ഒരു പ്രാവ​ശ്യം (യോഹ 6:68) ഉപയോ​ഗി​ച്ചി​ട്ടുണ്ട്‌. “നിത്യ​ജീ​വൻ” എന്ന പദപ്ര​യോ​ഗം യോഹ​ന്നാ​ന്റെ സുവി​ശേ​ഷ​ത്തിൽ 17 പ്രാവ​ശ്യം കാണാം. എന്നാൽ മറ്റു മൂന്നു സുവി​ശേ​ഷ​ങ്ങ​ളി​ലും​കൂ​ടെ അത്‌ എട്ടു പ്രാവ​ശ്യ​മേ കാണു​ന്നു​ള്ളൂ.

ആകർഷി​ക്കാ​തെ: ‘ആകർഷി​ക്കുക’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​ക്രി​യ​യ്‌ക്ക്‌, മീൻ നിറഞ്ഞ വല വലിച്ചു​ക​യ​റ്റു​ന്ന​തി​നെ കുറി​ക്കാ​നാ​കും. (യോഹ 21:6, 11) എങ്കിലും ഇവിടെ ആ ക്രിയ ഉപയോ​ഗി​ച്ചി​രി​ക്കു​ന്നത്‌, താത്‌പ​ര്യ​മി​ല്ലാത്ത ആളുക​ളെ​പ്പോ​ലും യഹോവ ബലമായി തന്നി​ലേക്കു വലിച്ച​ടു​പ്പി​ക്കു​ന്നു എന്നു സൂചി​പ്പി​ക്കാ​നല്ല. കാരണം, ആ ക്രിയ​യ്‌ക്ക്‌ “ആകർഷി​ക്കുക” എന്നൊരു അർഥവു​മുണ്ട്‌. ഈ വാക്കുകൾ പറഞ്ഞ​പ്പോൾ യേശുവിന്റെ മനസ്സി​ലു​ണ്ടാ​യി​രു​ന്നത്‌ യിര 31:3-ൽ യഹോവ തന്റെ പുരാ​ത​ന​ജ​ന​ത്തോട്‌, ‘അചഞ്ചല​സ്‌നേ​ഹ​ത്തോ​ടെ ഞാൻ നിന്നെ എന്നി​ലേക്ക്‌ അടുപ്പി​ച്ചു’ എന്നു പറഞ്ഞതാ​യി​രി​ക്കാം. (യിര 31:3-ൽ സെപ്‌റ്റുവജിന്റ്‌ ഇതേ ഗ്രീക്കു​ക്രി​യ​യാണ്‌ ഉപയോ​ഗി​ച്ചി​രി​ക്കു​ന്നത്‌.) യേശു​വും എല്ലാ തരം മനുഷ്യ​രെ​യും അതു​പോ​ലെ ആകർഷി​ക്കു​ന്ന​താ​യി യോഹ 12:32 പറയുന്നു. യഹോവ മനുഷ്യർക്ക്‌ ഇച്ഛാസ്വാ​ത​ന്ത്ര്യം കൊടു​ത്തി​ട്ടു​ണ്ടെന്നു തിരു​വെ​ഴു​ത്തു​കൾ വ്യക്തമാ​ക്കു​ന്നുണ്ട്‌. യഹോ​വയെ സേവി​ക്ക​ണോ വേണ്ടയോ എന്നത്‌ ഓരോ വ്യക്തി​യു​ടെ​യും തീരു​മാ​ന​മാണ്‌. (ആവ 30:19, 20) യഹോവ തന്നി​ലേക്ക്‌ ആകർഷി​ക്കു​ന്നതു ശരിയായ മനോ​ഭാ​വം ഉള്ളവ​രെ​യാണ്‌, അതിനാ​യി യഹോവ ബലം പ്രയോ​ഗി​ക്കില്ല. (സങ്ക 11:5; സുഭ 21:2; പ്രവൃ 13:48) ബൈബി​ളി​ലെ സന്ദേശ​ത്തി​ലൂ​ടെ​യും തന്റെ പരിശു​ദ്ധാ​ത്മാ​വി​ലൂ​ടെ​യും ആണ്‌ യഹോവ ആളുകളെ ആകർഷി​ക്കു​ന്നത്‌. യോഹ 6:45-ൽ ഉദ്ധരി​ച്ചി​രി​ക്കുന്ന യശ 54:13-ലെ പ്രവചനം, പിതാവ്‌ ആകർഷിച്ച അത്തരം വ്യക്തി​ക​ളെ​ക്കു​റി​ച്ചാ​ണു പറയു​ന്നത്‌.​—യോഹ 6:65 താരത​മ്യം ചെയ്യുക.

യഹോവ: ഇത്‌ യശ 54:13-ൽനിന്നുള്ള ഉദ്ധരണി​യാണ്‌. യശ 54:13-ന്റെ മൂല എബ്രാ​യ​പാ​ഠ​ത്തിൽ ദൈവത്തിന്റെ പേരിനെ പ്രതി​നി​ധാ​നം ചെയ്യുന്ന നാല്‌ എബ്രാ​യ​വ്യ​ഞ്‌ജ​നാ​ക്ഷ​രങ്ങൾ (അതിന്റെ ലിപ്യ​ന്ത​രണം യ്‌ഹ്‌വ്‌ഹ്‌ എന്നാണ്‌.) കാണാം. പക്ഷേ യോഹ​ന്നാ​ന്റെ സുവി​ശേ​ഷ​ത്തി​ന്റെ ഇപ്പോ​ഴുള്ള ഗ്രീക്കു കൈ​യെ​ഴു​ത്തു​പ്ര​തി​ക​ളിൽ ഇവിടെ തെയോസ്‌ എന്നു കാണു​ന്ന​തു​കൊണ്ട്‌, (ഒരുപക്ഷേ സെപ്‌റ്റു​വ​ജി​ന്റി​ന്റെ പ്രതി​ക​ളിൽ യശ 54:13-ൽ തെയോസ്‌ എന്ന പദം കാണു​ന്ന​തു​കൊ​ണ്ടാ​യി​രി​ക്കാം ഇത്‌.) മിക്ക ബൈബിൾപ​രി​ഭാ​ഷ​ക​ളും ഇവിടെ “ദൈവം” എന്ന പദം ഉപയോ​ഗി​ച്ചി​രി​ക്കു​ന്നു. എന്നാൽ യശ 54:13-ന്റെ എബ്രാ​യ​പാ​ഠ​ഭാ​ഗത്ത്‌ ദൈവ​നാ​മം കാണു​ന്ന​തു​കൊ​ണ്ടാണ്‌ അത്‌ ഉദ്ധരി​ച്ചി​രി​ക്കുന്ന ഈ വാക്യ​ത്തിൽ ദൈവ​ത്തി​ന്റെ പേര്‌ ഉപയോ​ഗി​ച്ചി​രി​ക്കു​ന്നത്‌.

തന്നിൽത്തന്നെ ജീവനു​ള്ള​തു​പോ​ലെ: അഥവാ “തന്നിൽത്തന്നെ ജീവൻ എന്ന സമ്മാനം ഉള്ളതു​പോ​ലെ.” യേശു​വി​നു ‘തന്നിൽത്തന്നെ ജീവനുണ്ട്‌’ എന്നു പറയു​ന്നത്‌ എന്തു​കൊ​ണ്ടാണ്‌? മനുഷ്യർക്കു ദൈവ​വു​മാ​യി ഒരു നല്ല ബന്ധത്തി​ലേക്കു വരാനും അങ്ങനെ ജീവൻ നേടാ​നും ഉള്ള അവസരം നൽകാൻ യേശു​വി​നു പിതാ​വിൽനിന്ന്‌ അധികാ​രം ലഭിച്ചു. ഇനി, മരിച്ച​വർക്കു ജീവൻ നൽകി, അവരെ പുനരു​ത്ഥാ​ന​പ്പെ​ടു​ത്താ​നുള്ള ശക്തിയും യേശു​വി​നു ലഭിച്ചി​രു​ന്നു. മുമ്പ്‌ യഹോ​വ​യ്‌ക്കു മാത്ര​മു​ണ്ടാ​യി​രുന്ന ചില ശക്തിക​ളും അധികാ​ര​ങ്ങ​ളും ആണ്‌ പിതാവ്‌ ഇത്തരത്തിൽ യേശു​വി​നു നൽകി​യത്‌. ഇവിടെ രേഖ​പ്പെ​ടു​ത്തി​യി​രി​ക്കുന്ന വാക്കുകൾ പറഞ്ഞ്‌ ഏതാണ്ട്‌ ഒരു വർഷം കഴിഞ്ഞ​പ്പോൾ യേശു തന്റെ അനുഗാ​മി​ക​ളെ​ക്കു​റി​ച്ചും ഇതു​പോ​ലൊ​രു പ്രസ്‌താ​വന നടത്തി.​—യേശു​വി​ന്റെ അനുഗാ​മി​കൾക്കു ‘ജീവൻ കിട്ടും’ അഥവാ ‘തങ്ങളിൽത്തന്നെ ജീവനു​ണ്ടാ​യി​രി​ക്കും’ എന്നു പറഞ്ഞി​രി​ക്കു​ന്ന​തി​ന്റെ അർഥ​ത്തെ​ക്കു​റിച്ച്‌ അറിയാൻ യോഹ 6:53-ന്റെ പഠനക്കു​റി​പ്പു കാണുക.

നിങ്ങൾക്കു ജീവൻ കിട്ടില്ല: അക്ഷ. “നിങ്ങൾക്കു നിങ്ങളിൽത്തന്നെ ജീവനു​ണ്ടാ​യി​രി​ക്കില്ല.” പിതാ​വി​നു “തന്നിൽത്തന്നെ ജീവനു​ള്ള​തു​പോ​ലെ” തനിക്കും “തന്നിൽത്തന്നെ ജീവനു​ണ്ടാ​യി​രി​ക്കാൻ” പിതാവ്‌ അനുമതി തന്നതായി യോഹ 5:26-ൽ യേശു പറഞ്ഞി​രു​ന്നു. (യോഹ 5:26-ന്റെ പഠനക്കു​റി​പ്പു കാണുക.) ഇപ്പോൾ ഏകദേശം ഒരു വർഷത്തി​നു ശേഷം തന്റെ അനുഗാ​മി​ക​ളെ​ക്കു​റിച്ച്‌ പറയു​ന്നി​ട​ത്തും യേശു അതേ പദപ്ര​യോ​ഗം ഉപയോ​ഗി​ക്കു​ന്ന​താ​യി കാണാം. ‘നിങ്ങളിൽത്തന്നെ ജീവനു​ണ്ടാ​യി​രി​ക്കുക’ എന്ന പദപ്ര​യോ​ഗത്തെ യേശു ഇവിടെ തുലനം ചെയ്‌തി​രി​ക്കു​ന്നതു ‘നിത്യ​ജീ​വൻ’ നേടു​ന്ന​തി​നോ​ടാണ്‌. (യോഹ 6:54) അതു​കൊണ്ട്‌ ‘ഒരാൾക്ക്‌ അയാളിൽത്തന്നെ ജീവനു​ണ്ടാ​യി​രി​ക്കു​ന്ന​തി​നെ​ക്കു​റിച്ച്‌’ പറഞ്ഞ​പ്പോൾ യേശു ഉദ്ദേശി​ച്ചതു മറ്റുള്ള​വർക്കു ജീവൻ നൽകാ​നുള്ള ശക്തി അയാൾക്കു ലഭിക്കു​ന്ന​തി​നെ​ക്കു​റി​ച്ചല്ല, മറിച്ച്‌ അയാൾ ജീവന്റെ പൂർണത നേടു​ന്ന​തി​നെ​ക്കു​റി​ച്ചാണ്‌. അഭിഷി​ക്ത​ക്രി​സ്‌ത്യാ​നി​കൾ ജീവന്റെ പൂർണത നേടു​ന്നത്‌ അവർ പുനരു​ത്ഥാ​ന​പ്പെ​ടു​മ്പോ​ഴാണ്‌, അഥവാ അവർക്കു സ്വർഗ​ത്തി​ലെ അമർത്യ​ജീ​വൻ ലഭിക്കു​മ്പോ​ഴാണ്‌. ഭൗമി​ക​പ്ര​ത്യാ​ശ​യുള്ള വിശ്വ​സ്‌തർ ജീവന്റെ പൂർണത നേടു​ന്ന​താ​കട്ടെ, ക്രിസ്‌തു​വി​ന്റെ ആയിരം വർഷവാ​ഴ്‌ച​യ്‌ക്കു ശേഷം ഉടൻതന്നെ നടക്കുന്ന അന്തിമ​പ​രി​ശോ​ധ​ന​യിൽ വിജയം നേടി​ക്ക​ഴി​യു​മ്പോ​ഴും.​—1കൊ 15:52, 53; വെളി 20:5, 7-10.

എന്റെ മാംസം തിന്നു​ക​യും രക്തം കുടി​ക്കു​ക​യും: യേശുവിന്റെ മാംസം തിന്നാ​നും രക്തം കുടി​ക്കാ​നും പറഞ്ഞത്‌ ഒരു ആലങ്കാ​രി​കാർഥ​ത്തി​ലാ​ണെ​ന്നും അത്‌ അനുസ​രി​ക്കാൻ ഒരാൾ യേശു​വിൽ വിശ്വാ​സ​മർപ്പി​ച്ചാൽ മതിയാ​യി​രു​ന്നെ​ന്നും സന്ദർഭം സൂചി​പ്പി​ക്കു​ന്നു. (യോഹ 6:35, 40) യേശു ഈ പ്രസ്‌താ​വന നടത്തി​യത്‌ എ.ഡി. 32-ൽ ആയിരു​ന്ന​തു​കൊണ്ട്‌ യേശുവിന്റെ മനസ്സി​ലു​ണ്ടാ​യി​രു​ന്നതു കർത്താവിന്റെ അത്താഴ​മാ​യി​രു​ന്നില്ല. കാരണം, യേശു ആ ആചരണം ഏർപ്പെ​ടു​ത്തി​യത്‌ ഒരു വർഷത്തി​നു ശേഷമാണ്‌. ഈ വാക്കുകൾ യേശു പറഞ്ഞതു ‘ജൂതന്മാ​രു​ടെ പെസഹാ​പ്പെ​രു​ന്നാ​ളി​നു’ തൊട്ടു​മുമ്പ്‌ ആയിരു​ന്നെന്ന്‌ ഓർക്കുക. (യോഹ 6:4) അതു​കൊ​ണ്ടു​തന്നെ, ഈ വാക്കുകൾ കേട്ട​പ്പോൾ ആളുക​ളു​ടെ മനസ്സി​ലേക്കു വന്നതു തൊട്ട​ടു​ത്തെ​ത്തിയ ആ ഉത്സവമാ​യി​രി​ക്കാം. ഇസ്രാ​യേ​ല്യർ ഈജി​പ്‌ത്‌ വിട്ട രാത്രി​യിൽ അവരുടെ ജീവൻ രക്ഷിച്ച, കുഞ്ഞാടിന്റെ രക്തത്തിന്റെ പ്രാധാ​ന്യ​ത്തെ​ക്കു​റിച്ച്‌ അവർ അപ്പോൾ ഓർത്തു​കാ​ണും. (പുറ 12:24-27) തന്റെ രക്തവും അതു​പോ​ലെ പ്രധാ​ന​പ്പെട്ട ഒരു പങ്കു വഹിക്കു​മെ​ന്നും അതു തന്റെ ശിഷ്യ​ന്മാർക്കു നിത്യ​ജീ​വൻ നേടി​ക്കൊ​ടു​ക്കു​മെ​ന്നും വ്യക്തമാ​ക്കു​ക​യാ​യി​രു​ന്നു യേശു ഇവിടെ.

എന്നോടു . . . യോജി​പ്പി​ലാ​യി​രി​ക്കും: അഥവാ “എന്നിൽ . . . ആയിരി​ക്കും.” ഈ പദപ്ര​യോ​ഗം, ഉറ്റ ബന്ധത്തെ​യും ഐക്യ​ത്തെ​യും ഒരുമ​യെ​യും കുറി​ക്കു​ന്നു.

സിന​ഗോഗ്‌: മറ്റൊരു സാധ്യത, “പൊതു​സ​ദസ്സ്‌.” ഇവിടെ ഉപയോ​ഗി​ച്ചി​രി​ക്കുന്ന സുന​ഗോ​ഗേ എന്ന ഗ്രീക്കു​നാ​മ​ത്തി​ന്റെ അക്ഷരാർഥം “വിളിച്ചുകൂട്ടൽ; കൂടി​വ​രവ്‌” എന്നൊ​ക്കെ​യാണ്‌. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ മിക്ക​പ്പോ​ഴും ആ പദം കുറിക്കുന്നത്‌, ജൂതന്മാർ തിരു​വെ​ഴു​ത്തു വായി​ക്കാ​നും പഠിപ്പി​ക്കാ​നും പ്രസം​ഗി​ക്കാ​നും പ്രാർഥി​ക്കാ​നും കൂടി​വ​ന്നി​രുന്ന കെട്ടി​ട​ത്തെ​യോ സ്ഥലത്തെ​യോ ആണ്‌. (പദാവലി കാണുക.) ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പദം, പൊതു​ജ​ന​ങ്ങൾക്കു പ്രവേ​ശ​ന​മു​ണ്ടാ​യി​രുന്ന എല്ലാ തരം പൊതു​സ​ദ​സ്സു​ക​ളെ​യും കുറി​ക്കാൻ വിശാ​ല​മായ അർഥത്തിൽ ഉപയോ​ഗി​ക്കാ​റു​ണ്ടെ​ങ്കി​ലും, യേശു സംസാ​രി​ച്ചു​കൊ​ണ്ടി​രു​ന്നതു മോശ​യു​ടെ നിയമ​ത്തിൻകീ​ഴി​ലാ​യി​രുന്ന ജൂതന്മാ​രോ​ടാ​യ​തു​കൊണ്ട്‌ സാധ്യ​ത​യ​നു​സ​രിച്ച്‌ ഇവിടെ അത്‌ ഒരു ‘സിന​ഗോ​ഗി​നെ​യാ​ണു’ കുറി​ക്കു​ന്നത്‌.

എന്നതിന്റെ അർഥം: അക്ഷ. “എന്നത്‌.” എസ്റ്റിൻ എന്ന ഗ്രീക്കു​പ​ദ​ത്തിന്‌ ഇവിടെ, “സൂചി​പ്പി​ക്കുക; അർഥമാ​ക്കുക” എന്നൊക്കെ അർഥമുണ്ട്‌.​—മത്ത 26:26-ന്റെ പഠനക്കു​റി​പ്പു കാണുക.

പ്രതീ​ക​മാണ്‌: എസ്റ്റിൻ (അക്ഷരാർഥം “ആണ്‌.” അതായത്‌, “ഇത്‌ എന്റെ ശരീരം ആണ്‌” എന്ന അർഥത്തിൽ.) എന്ന ഗ്രീക്കു​പ​ദ​ത്തിന്‌ ഇവിടെ “അടയാളം; ചിഹ്നം; പ്രതി​നി​ധാ​നം ചെയ്യുന്നത്‌” എന്നിങ്ങ​നെ​യുള്ള അർഥങ്ങ​ളാ​ണു​ള്ളത്‌. അപ്പോ​സ്‌ത​ല​ന്മാർക്കും അത്‌ അങ്ങനെ​ത​ന്നെ​യാ​ണു മനസ്സി​ലാ​യത്‌. കാരണം, യേശു​വി​ന്റെ പൂർണ​ത​യുള്ള ശരീര​വും അവർ കഴിക്കാ​നി​രുന്ന പുളി​പ്പി​ല്ലാത്ത അപ്പവും ഒരേ സമയം അവരുടെ കൺമു​ന്നി​ലു​ണ്ടാ​യി​രു​ന്നു. അതു​കൊ​ണ്ടു​തന്നെ ആ അപ്പം യേശു​വി​ന്റെ ശരീര​മ​ല്ലെന്ന്‌ അവർക്കു മനസ്സി​ലാ​കു​മാ​യി​രു​ന്നു. ഇതേ ഗ്രീക്കു​പദം മത്ത 12:7-ലും കാണാം. അതിനെ പല ബൈബിൾപ​രി​ഭാ​ഷ​ക​ളും “അർഥം” എന്നാണു വിവർത്തനം ചെയ്‌തി​രി​ക്കു​ന്നത്‌ എന്നതും ശ്രദ്ധേ​യ​മാണ്‌.

ദൈവാ​ത്മാവ്‌: “ദൈവാ​ത്മാ​വാ​ണു ജീവൻ തരുന്നത്‌” എന്നു പറഞ്ഞ​ശേഷം ശരീരം​കൊണ്ട്‌ ഒരു ഉപകാ​ര​വു​മില്ല എന്നും യേശു പറഞ്ഞു. ദൈവം തന്റെ ആത്മാവി​ലൂ​ടെ തരുന്ന ശക്തി​യോ​ടും ജ്ഞാന​ത്തോ​ടും ഉള്ള താരത​മ്യ​ത്തി​ലാ​ണു യേശു അങ്ങനെ പറഞ്ഞത്‌. മനുഷ്യ​ന്റെ ശക്തിക്കോ മനുഷ്യ​രു​ടെ ഗ്രന്ഥങ്ങ​ളി​ലും തത്ത്വജ്ഞാ​ന​ങ്ങ​ളി​ലും ഉപദേ​ശ​ങ്ങ​ളി​ലും അടങ്ങി​യി​രി​ക്കുന്ന ജ്ഞാനത്തി​നോ നിത്യ​ജീ​വൻ നേടി​ത്ത​രാൻ കഴിയില്ല എന്നാണ്‌ ആ വാക്കുകൾ സൂചി​പ്പി​ക്കു​ന്നത്‌.

ശരീരം: സാധ്യ​ത​യ​നു​സ​രിച്ച്‌ ഒരു മനുഷ്യ​ജീ​വി​യു​ടെ എല്ലാ പരിമി​തി​ക​ളും ഉൾക്കൊ​ള്ളുന്ന, വിശാ​ല​മായ അർഥമുള്ള ഒരു പദമാണ്‌ ഇത്‌. അയാളു​ടെ ചിന്താ​പ്രാ​പ്‌തി​ക്കും നേട്ടങ്ങൾക്കും എല്ലാം ഇത്തരം പരിമി​തി​ക​ളുണ്ട്‌. മനുഷ്യ​ന്റെ അനേക​മ​നേകം ഗ്രന്ഥങ്ങ​ളി​ലും തത്ത്വജ്ഞാ​ന​ങ്ങ​ളി​ലും ഉപദേ​ശ​ങ്ങ​ളി​ലും അടങ്ങി​യി​രി​ക്കുന്ന അനുഭ​വ​സ​മ്പ​ത്തി​നോ ജ്ഞാനത്തി​നോ ഒന്നും നമുക്കു നിത്യ​ജീ​വൻ നേടി​ത്ത​രാ​നാ​കില്ല എന്ന അർഥത്തി​ലാ​യി​രി​ക്കാം ശരീരം​കൊണ്ട്‌ ഒരു ഉപകാ​ര​വു​മില്ല എന്നു പറഞ്ഞി​രി​ക്കു​ന്നത്‌.

ആണ്‌ ആത്മാവും ജീവനും: ‘ആണ്‌’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​ത്തിന്‌ (എസ്റ്റിൻ) “അർഥമാ​ക്കുക” എന്നും ഇവിടെ അർഥം വരാം. അതു​കൊണ്ട്‌ ഈ പദപ്ര​യോ​ഗത്തെ, “ആത്മാവി​നെ​യും ജീവ​നെ​യും അർഥമാ​ക്കു​ന്നു” എന്നും പരിഭാ​ഷ​പ്പെ​ടു​ത്താം. (മത്ത 12:7; 26:26 എന്നിവ​യു​ടെ പഠനക്കു​റി​പ്പു​കൾ കാണുക.) യേശു​വി​ന്റെ വചനങ്ങൾ പരിശു​ദ്ധാ​ത്മാ​വി​നാൽ പ്രചോ​ദി​ത​മാ​യവ ആണെന്നും ആ വചനങ്ങൾ ജീവൻ നൽകു​മെ​ന്നും ആയിരി​ക്കാം യേശു ഉദ്ദേശി​ച്ചത്‌.

പരദൂ​ഷണം പറയു​ന്ന​വ​നാണ്‌: അഥവാ “ഒരു പിശാ​ചാണ്‌.” ഇവിടെ കാണുന്ന ഡിയാ​ബൊ​ലൊസ്‌ എന്ന ഗ്രീക്കു​പ​ദ​ത്തി​ന്റെ അർഥം “പരദൂ​ഷ​ണ​ക്കാ​രൻ” എന്നാണ്‌. മിക്ക​പ്പോ​ഴും പിശാ​ചി​നെ കുറി​ക്കാ​നാണ്‌ ഈ പദം ഉപയോ​ഗി​ക്കു​ന്ന​തെ​ങ്കി​ലും, ഈ വാക്യ​ത്തി​ലും മറ്റു ചില വാക്യ​ങ്ങ​ളി​ലും കാണു​ന്ന​തു​പോ​ലെ (2തിമ 3:3; 1തിമ 3:11; തീത്ത 2:3) ‘പരദൂ​ഷണം പറയുന്ന‘ ആളുകളെ കുറി​ക്കാ​നും അത്‌ ഉപയോ​ഗി​ച്ചി​ട്ടുണ്ട്‌. ഈ പദം പിശാ​ചി​നെ കുറി​ക്കാൻ ഉപയോ​ഗി​ച്ചി​രി​ക്കുന്ന ഏതാണ്ട്‌ എല്ലാ സന്ദർഭ​ങ്ങ​ളി​ലും​തന്നെ അതിനു മുമ്പ്‌ ഗ്രീക്കിൽ ഒരു നിശ്ചായക ഉപപദം ഉപയോ​ഗി​ച്ചി​രി​ക്കു​ന്ന​താ​യി കാണാം. (മത്ത 4:1-ന്റെ പഠനക്കു​റി​പ്പും പദാവ​ലി​യിൽ “നിശ്ചായക ഉപപദം” എന്നതും കാണുക.) ഇവിടെ ആ പദം ഉപയോ​ഗി​ച്ചി​രി​ക്കു​ന്നത്‌, ഉള്ളിൽ ഒരു ദുർഗു​ണം വളരാൻ അനുവ​ദിച്ച യൂദാസ്‌ ഈസ്‌ക​ര്യോ​ത്തി​നെ കുറി​ക്കാ​നാണ്‌. യൂദാസ്‌ തെറ്റായ ഒരു വഴിയി​ലേക്കു നീങ്ങി​ത്തു​ട​ങ്ങി​യതു സാധ്യ​ത​യ​നു​സ​രിച്ച്‌ ഈ സമയമാ​യ​പ്പോ​ഴേ​ക്കും യേശു തിരി​ച്ച​റി​ഞ്ഞു​കാ​ണും. തെറ്റായ വഴിയി​ലൂ​ടെ​യുള്ള യൂദാ​സി​ന്റെ ഈ പോക്കു പിന്നീടു സാത്താൻ മുത​ലെ​ടു​ത്തു. അങ്ങനെ യേശു​വി​നെ കൊല്ലാ​നാ​യി സാത്താൻ അയാളെ കൂട്ടു​പി​ടി​ച്ചു.​—യോഹ 13:2, 11.

അറിയാ​മാ​യി​രു​ന്ന​തു​കൊണ്ട്‌: മറ്റുള്ള​വ​രു​ടെ ചിന്തക​ളും മനോ​ഭാ​വ​ങ്ങ​ളും മനസ്സി​ലാ​ക്കി​യെ​ടു​ക്കാ​നുള്ള കഴിവ്‌ യേശു​വി​നു​ണ്ടാ​യി​രു​ന്നു. യേശു യൂദാ​സി​നെ അപ്പോ​സ്‌ത​ല​നാ​യി തിര​ഞ്ഞെ​ടുത്ത സമയത്ത്‌ അയാളിൽ വഞ്ചനാ​മ​നോ​ഭാ​വം ഇല്ലായി​രു​ന്നെ​ന്നാണ്‌ ഇതു സൂചി​പ്പി​ക്കു​ന്നത്‌. (മത്ത 9:4; മർ 2:8; യോഹ 2:24, 25) എന്നാൽ പിന്നീട്‌ യൂദാ​സിൽ മോശ​മായ മനോ​ഭാ​വം വളർന്നു​തു​ട​ങ്ങി​യ​പ്പോൾത്തന്നെ യേശു അതു തിരി​ച്ച​റി​ഞ്ഞു. തന്നെ ഒറ്റി​ക്കൊ​ടു​ക്കു​ന്നത്‌ ആരാ​ണെന്ന്‌ അങ്ങനെ യേശു​വി​നു മനസ്സി​ലാ​യി. യൂദാസ്‌ തന്നെ ഒറ്റി​ക്കൊ​ടു​ക്കു​മെന്ന്‌ അറിഞ്ഞി​ട്ടും യേശു ആ വഞ്ചകന്റെ കാലുകൾ കഴുകി.​—യോഹ 6:64; 6:70 എന്നിവ​യു​ടെ പഠനക്കു​റി​പ്പു​കൾ കാണുക.

തന്നെ ഒറ്റി​ക്കൊ​ടു​ക്കു​ന്നവൻ ആരാ​ണെ​ന്നും . . . യേശു​വിന്‌ അറിയാ​മാ​യി​രു​ന്നു: യേശു ഇവിടെ യൂദാസ്‌ ഈസ്‌ക​ര്യോ​ത്തി​നെ​ക്കു​റി​ച്ചാ​ണു പറഞ്ഞത്‌. ഒരു രാത്രി മുഴുവൻ പിതാ​വി​നോ​ടു പ്രാർഥി​ച്ച​ശേ​ഷ​മാ​ണു യേശു 12 അപ്പോ​സ്‌ത​ല​ന്മാ​രെ തിര​ഞ്ഞെ​ടു​ത്തത്‌. (ലൂക്ക 6:12-16) യൂദാസ്‌ തുടക്ക​ത്തിൽ ദൈവ​ത്തോ​ടു വിശ്വ​സ്‌ത​നാ​യി​രു​ന്നെന്ന്‌ ഇതു സൂചി​പ്പി​ക്കു​ന്നു. എന്നാൽ ഒരു അടുത്ത സഹകാരി തന്നെ ചതിക്കു​മെന്നു യേശു എബ്രാ​യ​തി​രു​വെ​ഴു​ത്തു​ക​ളി​ലെ പ്രവച​ന​ങ്ങ​ളിൽനിന്ന്‌ മനസ്സി​ലാ​ക്കി​യി​രു​ന്നു. (സങ്ക 41:9; 109:8; യോഹ 13:18, 19) യേശു​വി​നു ഹൃദയ​വും ചിന്തക​ളും വായി​ക്കാ​നുള്ള കഴിവു​ണ്ടാ​യി​രു​ന്ന​തു​കൊണ്ട്‌ യൂദാസ്‌ തെറ്റായ ഒരു വഴിയി​ലേക്കു തിരി​യാൻ തുടങ്ങി​യ​പ്പോൾത്തന്നെ യേശു ആ മാറ്റം വായി​ച്ചെ​ടു​ത്തു. (മത്ത 9:4) ദൈവ​ത്തി​നു ഭാവി​കാ​ര്യ​ങ്ങൾ അറിയാൻ കഴിവു​ള്ള​തു​കൊണ്ട്‌, ഒരു വിശ്വ​സ്‌ത​സു​ഹൃ​ത്തു​തന്നെ യേശു​വി​നെ വഞ്ചിക്കു​മെന്നു ദൈവം മനസ്സി​ലാ​ക്കി. എന്നാൽ വഞ്ചകനാ​യി​ത്തീ​രു​ന്നതു യൂദാസ്‌ ആയിരി​ക്കു​മെന്നു ദൈവം മുൻകൂ​ട്ടി നിശ്ചയി​ച്ചി​രു​ന്നു എന്ന വാദം ദൈവത്തിന്റെ ഗുണങ്ങ​ളു​മാ​യി ഒട്ടും ചേരില്ല. മുൻകാ​ല​ങ്ങ​ളിൽ ദൈവം മറ്റുള്ള​വ​രോട്‌ ഇടപെട്ട വിധം പരി​ശോ​ധി​ച്ചാ​ലും ദൈവ​ത്തിന്‌ അങ്ങനെ​യൊ​രു കാര്യം ചെയ്യാ​നാ​കില്ല എന്നു വ്യക്തമാ​കും. അതെ, യൂദാസിന്റെ ഭാവി ദൈവം മുൻകൂ​ട്ടി വിധി​ച്ച​താ​യി​രു​ന്നില്ല.

ആദ്യം​മു​തലേ: അഥവാ “ആരംഭം​മു​തലേ; തുടക്കം​മു​തലേ.” ഇവിടെ പറയു​ന്നതു യൂദാസിന്റെ ജനന​ത്തെ​ക്കു​റി​ച്ചല്ല; യൂദാ​സി​നെ ഒരു അപ്പോ​സ്‌ത​ല​നാ​യി തിര​ഞ്ഞെ​ടുത്ത സമയ​ത്തെ​ക്കു​റി​ച്ചു​മല്ല. കാരണം ഒരു രാത്രി മുഴുവൻ പ്രാർഥി​ച്ച​ശേ​ഷ​മാ​ണു യേശു അപ്പോ​സ്‌ത​ല​ന്മാ​രെ തിര​ഞ്ഞെ​ടു​ത്തത്‌. (ലൂക്ക 6:12-16) യൂദാസ്‌ വഞ്ചന കാണി​ച്ചു​തു​ട​ങ്ങിയ സമയ​ത്തെ​ക്കു​റി​ച്ചാണ്‌ ഈ വാക്യ​ത്തിൽ പറയു​ന്നത്‌; യേശു അത്‌ ഉടനടി തിരി​ച്ച​റി​യു​ക​യും ചെയ്‌തു. (യോഹ 2:24, 25; വെളി 1:1; 2:23; യോഹ 6:70; 13:11 എന്നിവ​യു​ടെ പഠനക്കു​റി​പ്പു​കൾ കാണുക.) മുന്നമേ ആസൂ​ത്രണം ചെയ്‌ത്‌, കരുതി​ക്കൂ​ട്ടി​യാ​ണു യൂദാസ്‌ എല്ലാം ചെയ്‌ത​തെ​ന്നും അതു പെട്ടെ​ന്നു​ണ്ടായ ഒരു മനംമാറ്റത്തിന്റെ ഫലമല്ലാ​യി​രു​ന്നെ​ന്നും ഇതു സൂചി​പ്പി​ക്കു​ന്നു. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ “ആദ്യം; ആരംഭം; തുടക്കം” എന്നൊക്കെ പരിഭാ​ഷ​പ്പെ​ടു​ത്തി​യി​രി​ക്കുന്ന പദം​കൊണ്ട്‌ (ഗ്രീക്കിൽ, ആർഖീ) ഉദ്ദേശി​ക്കു​ന്നത്‌ എന്താ​ണെന്നു സന്ദർഭം നോക്കി​യാ​ണു മനസ്സി​ലാ​ക്കേ​ണ്ടത്‌. ഉദാഹ​ര​ണ​ത്തിന്‌, 2പത്ര 3:4-ന്റെ മൂലഭാ​ഷാ​പ്ര​തി​ക​ളിൽ കാണുന്ന “ആരംഭ​ത്തിൽ” എന്ന പദം സൃഷ്ടി​യു​ടെ ആരംഭ​ത്തെ​യാ​ണു കുറി​ക്കു​ന്നത്‌. എന്നാൽ മറ്റു പല സ്ഥലങ്ങളി​ലും ഈ പദത്തിന്‌ അതിലും അർഥവ്യാ​പ്‌തി കുറവാണ്‌. ഉദാഹ​ര​ണ​ത്തിന്‌, “അന്നു (അക്ഷ. “ആരംഭ​ത്തിൽ”) നമ്മുടെ മേൽ പരിശു​ദ്ധാ​ത്മാവ്‌ വന്നതു​പോ​ലെ” ജനതക​ളു​ടെ മേലും വന്നു എന്ന പത്രോസിന്റെ വാക്കു​ക​ളെ​ക്കു​റിച്ച്‌ ചിന്തി​ക്കുക. (പ്രവൃ 11:15) “അന്ന്‌” അഥവാ “ആരംഭ​ത്തിൽ” എന്നു പറഞ്ഞ​പ്പോൾ പത്രോസ്‌ ഉദ്ദേശി​ച്ചതു താൻ ജനിച്ച സമയമോ അപ്പോ​സ്‌ത​ല​നാ​യി തിര​ഞ്ഞെ​ടു​ക്ക​പ്പെട്ട സമയമോ അല്ല, മറിച്ച്‌ എ.ഡി. 33-ലെ പെന്തി​ക്കോ​സ്‌ത്‌ നാളാ​യി​രു​ന്നു. കാരണം ഒരു പ്രത്യേക ഉദ്ദേശ്യ​ത്തി​നാ​യി പരിശു​ദ്ധാ​ത്മാ​വി​നെ പകരാൻ ‘ആരംഭിച്ച’ ദിവസ​മാ​യി​രു​ന്നു അത്‌. (പ്രവൃ 2:1-4) “ആദ്യം; ആരംഭം; തുടക്കം” എന്നൊ​ക്കെ​യുള്ള പദങ്ങളു​ടെ അർഥം സന്ദർഭ​മ​നു​സ​രിച്ച്‌ വ്യത്യാ​സ​പ്പെ​ട്ടി​രി​ക്കും എന്നു തെളി​യി​ക്കുന്ന മറ്റ്‌ ഉദാഹ​ര​ണങ്ങൾ ലൂക്ക 1:2; യോഹ 15:27; 1യോഹ 2:7 എന്നീ വാക്യ​ങ്ങ​ളിൽ കാണാം.

പിശാച്‌: “പരദൂ​ഷണം പറയു​ന്നവൻ” എന്ന്‌ അർഥമുള്ള ഡിയാ​ബൊ​ലൊസ്‌ എന്ന ഗ്രീക്കു​പ​ദ​ത്തിൽനി​ന്നു​ള്ളത്‌. (യോഹ 6:70; 2തിമ 3:3) അതി​നോ​ടു ബന്ധമുള്ള ഡയബലൊ എന്ന ക്രിയാ​രൂ​പ​ത്തി​ന്റെ അർഥം “കുറ്റ​പ്പെ​ടു​ത്തുക; ആരോ​പണം ഉന്നയി​ക്കുക” എന്നൊ​ക്കെ​യാണ്‌. ലൂക്ക 16:1-ൽ അതിനെ ‘പരാതി​പ്പെ​ടുക’ എന്ന അർഥത്തി​ലാ​ണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.

പരദൂ​ഷണം പറയു​ന്ന​വ​നാണ്‌: അഥവാ “ഒരു പിശാ​ചാണ്‌.” ഇവിടെ കാണുന്ന ഡിയാ​ബൊ​ലൊസ്‌ എന്ന ഗ്രീക്കു​പ​ദ​ത്തി​ന്റെ അർഥം “പരദൂ​ഷ​ണ​ക്കാ​രൻ” എന്നാണ്‌. മിക്ക​പ്പോ​ഴും പിശാ​ചി​നെ കുറി​ക്കാ​നാണ്‌ ഈ പദം ഉപയോ​ഗി​ക്കു​ന്ന​തെ​ങ്കി​ലും, ഈ വാക്യ​ത്തി​ലും മറ്റു ചില വാക്യ​ങ്ങ​ളി​ലും കാണു​ന്ന​തു​പോ​ലെ (2തിമ 3:3; 1തിമ 3:11; തീത്ത 2:3) ‘പരദൂ​ഷണം പറയുന്ന‘ ആളുകളെ കുറി​ക്കാ​നും അത്‌ ഉപയോ​ഗി​ച്ചി​ട്ടുണ്ട്‌. ഈ പദം പിശാ​ചി​നെ കുറി​ക്കാൻ ഉപയോ​ഗി​ച്ചി​രി​ക്കുന്ന ഏതാണ്ട്‌ എല്ലാ സന്ദർഭ​ങ്ങ​ളി​ലും​തന്നെ അതിനു മുമ്പ്‌ ഗ്രീക്കിൽ ഒരു നിശ്ചായക ഉപപദം ഉപയോ​ഗി​ച്ചി​രി​ക്കു​ന്ന​താ​യി കാണാം. (മത്ത 4:1-ന്റെ പഠനക്കു​റി​പ്പും പദാവ​ലി​യിൽ “നിശ്ചായക ഉപപദം” എന്നതും കാണുക.) ഇവിടെ ആ പദം ഉപയോ​ഗി​ച്ചി​രി​ക്കു​ന്നത്‌, ഉള്ളിൽ ഒരു ദുർഗു​ണം വളരാൻ അനുവ​ദിച്ച യൂദാസ്‌ ഈസ്‌ക​ര്യോ​ത്തി​നെ കുറി​ക്കാ​നാണ്‌. യൂദാസ്‌ തെറ്റായ ഒരു വഴിയി​ലേക്കു നീങ്ങി​ത്തു​ട​ങ്ങി​യതു സാധ്യ​ത​യ​നു​സ​രിച്ച്‌ ഈ സമയമാ​യ​പ്പോ​ഴേ​ക്കും യേശു തിരി​ച്ച​റി​ഞ്ഞു​കാ​ണും. തെറ്റായ വഴിയി​ലൂ​ടെ​യുള്ള യൂദാ​സി​ന്റെ ഈ പോക്കു പിന്നീടു സാത്താൻ മുത​ലെ​ടു​ത്തു. അങ്ങനെ യേശു​വി​നെ കൊല്ലാ​നാ​യി സാത്താൻ അയാളെ കൂട്ടു​പി​ടി​ച്ചു.​—യോഹ 13:2, 11.